헬라어 문장 검색 - Διοδορ́Βιβλιοτ́1́30́

(디오도로스 시켈로스, Bibliotheca Historica, book 1, chapter 29)

ὁμοίωσ δὲ τούτῳ καὶ τὸν Ἐρεχθέα λέγουσι τὸ γένοσ Αἰγύπτιον ὄντα βασιλεῦσαι τῶν Ἀθηνῶν, τοιαύτασ τινὰσ φέροντεσ ἀποδείξεισ· γενομένων γὰρ ὁμολογουμένωσ αὐχμῶν μεγάλων κατὰ πᾶσαν σχεδὸν τὴν οἰκουμένην πλὴν Αἰγύπτου διὰ τὴν ἰδιότητα τῆσ χώρασ, καὶ φθορᾶσ ἐπιγενομένησ τῶν τε καρπῶν καὶ πλήθουσ ἀνθρώπων, ἐξ Αἰγύπτου τὸν Ἐρεχθέα κομίσαι διὰ τὴν συγγένειαν σίτου πλῆθοσ εἰσ τὰσ Ἀθήνασ· ἀνθ’ ὧν τοὺσ εὖ παθόντασ βασιλέα καταστῆσαι τὸν εὐεργέτην. τοῦτον δὲ παραλαβόντα τὴν ἡγεμονίαν καταδεῖξαι τὰσ τελετὰσ τῆσ Δήμητροσ ἐν Ἐλευσῖνι καὶ τὰ μυστήρια ποιῆσαι, μετενεγκόντα τὸ περὶ τούτων νόμιμον ἐξ Αἰγύπτου.

καὶ τῆσ θεοῦ δὲ παρουσίαν εἰσ τὴν Ἀττικὴν γεγονυῖαν κατὰ τούτουσ τοὺσ χρόνουσ παραδεδόσθαι κατὰ λόγον, ὡσ ἂν τῶν ἐπωνύμων ταύτησ καρπῶν τότε κομισθέντων εἰσ τὰσ Ἀθήνασ, καὶ διὰ τοῦτο δόξαι πάλιν ἐξ ἀρχῆσ τὴν εὑρ́εσιν γεγονέναι τοῦ σπέρματοσ, δωρησαμένησ τῆσ Δήμητροσ. ὁμολογεῖν δὲ καὶ τοὺσ Ἀθηναίουσ ὅτι βασιλεύοντοσ Ἐρεχθέωσ καὶ τῶν καρπῶν διὰ τὴν ἀνομβρίαν προηφανισμένων ἡ τῆσ Δήμητροσ ἐγένετο παρουσία πρὸσ αὐτοὺσ καὶ ἡ δωρεὰ τοῦ σίτου.

πρὸσ δὲ τούτοισ αἱ τελεταὶ καὶ τὰ μυστήρια ταύτησ τῆσ θεοῦ τότε κατεδείχθησαν ἐν Ἐλευσῖνι. τά τε περὶ τὰσ θυσίασ καὶ τὰσ ἀρχαιότητασ ὡσαύτωσ ἔχειν Ἀθηναίουσ καὶ τοὺσ Αἰγυπτίουσ·

τοὺσ μὲν γὰρ Εὐμολπίδασ ἀπὸ τῶν κατ’ Αἴγυπτον ἱερέων μετενηνέχθαι, τοὺσ δὲ Κήρυκασ ἀπὸ τῶν παστοφόρων. τήν τε Ἶσιν μόνουσ τῶν Ἑλλήνων ὀμνύειν, καὶ ταῖσ ἰδέαισ καὶ τοῖσ ἤθεσιν ὁμοιοτάτουσ εἶναι τοῖσ Αἰγυπτίοισ. πολλὰ δὲ καὶ ἄλλα τούτοισ παραπλήσια λέγοντεσ φιλοτιμότερον ἤπερ ἀληθινώτερον, ὥσ γ’ ἐμοὶ φαίνεται, τῆσ ἀποικίασ ταύτησ ἀμφισβητοῦσι διὰ τὴν δόξαν τῆσ πόλεωσ.

καθόλου δὲ πλείστασ ἀποικίασ Αἰγύπτιοί φασιν ἐκπέμψαι τοὺσ ἑαυτῶν προγόνουσ ἐπὶ πολλὰ μέρη τῆσ οἰκουμένησ διά τε τὴν ὑπεροχὴν τῶν βασιλευσάντων παρ’ αὐτοῖσ καὶ διὰ τὴν ὑπερβολὴν τῆσ πολυανθρωπίασ· ὑπὲρ ὧν μήτε ἀποδείξεωσ φερομένησ μηδεμιᾶσ ἀκριβοῦσ μήτε συγγραφέωσ ἀξιοπίστου μαρτυροῦντοσ, οὐκ ἐκρίναμεν ὑπάρχειν τὰ λεγόμενα γραφῆσ ἄξια.

καὶ περὶ μὲν τῶν θεολογουμένων παρ’ Αἰγυπτίοισ τοσαῦθ’ ἡμῖν εἰρήσθω, στοχαζομένοισ τῆσ συμμετρίασ· περὶ δὲ τῆσ χώρασ καὶ τοῦ Νείλου καὶ τῶν ἄλλων τῶν ἀκοῆσ ἀξίων ἐν κεφαλαίοισ ἕκαστα διεξιέναι πειρασόμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 29

(디오도로스 시켈로스, Bibliotheca Historica, book 1, chapter 29)

상위

목록

SEARCH

MENU NAVIGATION