헬라어 문장 검색 - Διοδορ́Βιβλιοτ́1́95́

(디오도로스 시켈로스, Bibliotheca Historica, book 1, chapter 94)

ῥητέον δ’ ἡμῖν καὶ περὶ τῶν γενομένων νομοθετῶν κατ’ Αἴγυπτον τῶν οὕτωσ ἐξηλλαγμένα καὶ παράδοξα νόμιμα καταδειξάντων. μετὰ γὰρ τὴν παλαιὰν τοῦ κατ’ Αἴγυπτον βίου κατάστασιν, τὴν μυθολογουμένην γεγονέναι ἐπί τε τῶν θεῶν καὶ τῶν ἡρώων, πεῖσαί φασι πρῶτον ἐγγράπτοισ νόμοισ χρήσασθαι τὰ πλήθη τὸν Μνεύην, ἄνδρα καὶ τῇ ψυχῇ μέγαν καὶ τῷ βίῳ κοινότατον τῶν μνημονευομένων. προσποιηθῆναι δ’ αὐτῷ τὸν Ἑρμῆν δεδωκέναι τούτουσ, ὡσ μεγάλων ἀγαθῶν αἰτίουσ ἐσομένουσ, καθάπερ παρ’ Ἕλλησι ποιῆσαί φασιν ἐν μὲν τῇ Κρήτῃ Μίνωα, παρὰ δὲ Λακεδαιμονίοισ Λυκοῦργον, τὸν μὲν παρὰ Διόσ, τὸν δὲ παρ’ Ἀπόλλωνοσ φήσαντα τούτουσ παρειληφέναι. καὶ παρ’ ἑτέροισ δὲ πλείοσιν ἔθνεσι παραδέδοται τοῦτο τὸ γένοσ τῆσ ἐπινοίασ ὑπάρξαι καὶ πολλῶν ἀγαθῶν αἴτιον γενέσθαι τοῖσ πεισθεῖσι·

παρὰ μὲν γὰρ τοῖσ Ἀριανοῖσ Ζαθραύστην ἱστοροῦσι τὸν ἀγαθὸν δαίμονα προσποιήσασθαι τοὺσ νόμουσ αὐτῷ διδόναι, παρὰ δὲ τοῖσ ὀνομαζομένοισ Γέταισ τοῖσ ἀπαθανατίζουσι Ζάλμοξιν ὡσαύτωσ τὴν κοινὴν Ἑστίαν, παρὰ δὲ τοῖσ Ιοὐδαίοισ Μωυσῆν τὸν Ιαὢ ἐπικαλούμενον θεόν, εἴτε θαυμαστὴν καὶ θείαν ὅλωσ ἔννοιαν εἶναι κρίναντασ τὴν μέλλουσαν ὠφελήσειν ἀνθρώπων πλῆθοσ, εἴτε καὶ πρὸσ τὴν ὑπεροχὴν καὶ δύναμιν τῶν εὑρεῖν λεγομένων τοὺσ νόμουσ ἀποβλέψαντα τὸν ὄχλον μᾶλλον ὑπακούσεσθαι διαλαβόντασ. δεύτερον δὲ νομοθέτην Αἰγύπτιοί φασι γενέσθαι Σάσυχιν, ἄνδρα συνέσει διαφέροντα.

τοῦτον δὲ πρὸσ τοῖσ ὑπάρχουσι νόμοισ ἄλλα τε προσθεῖναι καὶ τὰ περὶ τὴν τῶν θεῶν τιμὴν ἐπιμελέστατα διατάξαι, εὑρετὴν δὲ καὶ γεωμετρίασ γενέσθαι καὶ τὴν περὶ τῶν ἄστρων θεωρίαν τε καὶ παρατήρησιν διδάξαι τοὺσ ἐγχωρίουσ. τρίτον δὲ λέγουσι Σεσόωσιν τὸν βασιλέα μὴ μόνον τὰσ πολεμικὰσ πράξεισ ἐπιφανεστάτασ κατεργάσασθαι τῶν κατ’ Αἴγυπτον, ἀλλὰ καὶ περὶ τὸ μάχιμον ἔθνοσ νομοθεσίαν συστήσασθαι, καὶ τὰ ἀκόλουθα τὰ περὶ τὴν στρατείαν σύμπαντα διακοσμῆσαι.

τέταρτον δὲ νομοθέτην φασὶ γενέσθαι Βόκχοριν τὸν βασιλέα, σοφόν τινα καὶ πανουργίᾳ διαφέροντα.

τοῦτον οὖν διατάξαι τὰ περὶ τοὺσ βασιλεῖσ ἅπαντα καὶ τὰ περὶ τῶν συμβολαίων ἐξακριβῶσαι· γενέσθαι δ’ αὐτὸν καὶ περὶ τὰσ κρίσεισ οὕτω συνετὸν ὥστε πολλὰ τῶν ὑπ’ αὐτοῦ διαγνωσθέντων διὰ τὴν περιττότητα μνημονεύεσθαι μέχρι τῶν καθ’ ἡμᾶσ χρόνων. λέγουσι δ’ αὐτὸν ὑπάρξαι τῷ μὲν σώματι παντελῶσ ἀσθενῆ, τῷ δὲ τρόπῳ πάντων φιλοχρηματώτατον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 94

(디오도로스 시켈로스, Bibliotheca Historica, book 1, chapter 94)

상위

목록

SEARCH

MENU NAVIGATION