헬라어 문장 검색 - Διοδορ́Βιβλιοτ́1́94́

(디오도로스 시켈로스, Bibliotheca Historica, book 1, chapter 93)

σεμνότατον δὲ διείληπται παρ’ Αἰγυπτίοισ τὸ τοὺσ γονεῖσ ἢ τοὺσ προγόνουσ φανῆναι περιττότερον τετιμηκότασ εἰσ τὴν αἰώνιον οἴκησιν μεταστάντασ. νόμιμον δ’ ἐστὶ παρ’ αὐτοῖσ καὶ τὸ διδόναι τὰ σώματα τῶν τετελευτηκότων γονέων εἰσ ὑποθήκην δανείου· τοῖσ δὲ μὴ λυσαμένοισ ὄνειδόσ τε τὸ μέγιστον ἀκολουθεῖ καὶ μετὰ τὴν τελευτὴν στέρησισ ταφῆσ. θαυμάσαι δ’ ἄν τισ προσηκόντωσ τοὺσ ταῦτα διατάξαντασ, ὅτι τὴν ἐπιείκειαν καὶ τὴν σπουδαιότητα τῶν ἠθῶν οὐκ ἐκ τῆσ τῶν ζώντων ὁμιλίασ μόνον, ἀλλὰ καὶ τῆσ τῶν τετελευτηκότων ταφῆσ καὶ θεραπείασ ἐφ’ ὅσον ἦν ἐνδεχόμενον τοῖσ ἀνθρώποισ ἐνοικειοῦν ἐφιλοτιμήθησαν.

οἱ μὲν γὰρ Ἕλληνεσ μύθοισ πεπλασμένοισ καὶ φήμαισ διαβεβλημέναισ τὴν περὶ τούτων πίστιν παρέδωκαν, τήν τε τῶν εὐσεβῶν τιμὴν καὶ τὴν τῶν πονηρῶν τιμωρίαν·

τοιγαροῦν οὐχ οἱο͂ν ἰσχῦσαι δύναται ταῦτα προτρέψασθαι τοὺσ ἀνθρώπουσ ἐπὶ τὸν ἄριστον βίον, ἀλλὰ τοὐναντίον ὑπὸ τῶν φαύλων χλευαζόμενα πολλῆσ καταφρονήσεωσ τυγχάνουσι· παρὰ δὲ τοῖσ Αἰγυπτίοισ οὐ μυθώδουσ, ἀλλ’ ὁρατῆσ τοῖσ μὲν πονηροῖσ τῆσ κολάσεωσ, τοῖσ δ’ ἀγαθοῖσ τῆσ τιμῆσ οὔσησ, καθ’ ἑκάστην ἡμέραν ἀμφότεροι τῶν ἑαυτοῖσ προσηκόντων ὑπομιμνήσκονται, καὶ διὰ τούτου τοῦ τρόπου ἡ μεγίστη καὶ συμφορωτάτη διόρθωσισ γίνεται τῶν ἠθῶν.

κρατίστουσ δ’, οἶμαι, τῶν νόμων ἡγητέον οὐκ ἐξ ὧν εὐπορωτάτουσ, ἀλλ’ ἐξ ὧν ἐπιεικεστάτουσ τοῖσ ἤθεσι καὶ πολιτικωτάτουσ συμβήσεται γενέσθαι τοὺσ ἀνθρώπουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 93

(디오도로스 시켈로스, Bibliotheca Historica, book 1, chapter 93)

상위

목록

SEARCH

MENU NAVIGATION