헬라어 문장 검색 - Διοδορ́Βιβλιοτ́1́93́

(디오도로스 시켈로스, Bibliotheca Historica, book 1, chapter 92)

τοῦ δὲ μέλλοντοσ θάπτεσθαι σώματοσ οἱ συγγενεῖσ προλέγουσι τὴν ἡμέραν τῆσ ταφῆσ τοῖσ τε δικασταῖσ καὶ τοῖσ συγγενέσιν, ἔτι δὲ φίλοισ τοῦ τετελευτηκότοσ, καὶ διαβεβαιοῦνται ὅτι διαβαίνειν μέλλει τὴν λίμνην, λέγοντεσ τοὔνομα τοῦ μετηλλαχότοσ. ἔπειτα παραγενομένων δικαστῶν δυσὶ πλειόνων τῶν τετταράκοντα, καὶ καθισάντων ἐπί τινοσ ἡμικυκλίου κατεσκευασμένου πέραν τῆσ λίμνησ, ἡ μὲν βᾶρισ καθέλκεται, κατεσκευασμένη πρότερον ὑπὸ τῶν ταύτην ἐχόντων τὴν ἐπιμέλειαν, ἐφέστηκε δὲ ταύτῃ ὁ πορθμεύσ, ὃν Αἰγύπτιοι κατὰ τὴν ἰδίαν διάλεκτον ὀνομάζουσι χάρωνα.

διὸ καί φασιν Ὀρφέα τὸ παλαιὸν εἰσ Αἴγυπτον παραβαλόντα καὶ θεασάμενον τοῦτο τὸ νόμιμον, μυθοποιῆσαι τὰ καθ’ ᾅδου, τὰ μὲν μιμησάμενον, τὰ δ’ αὐτὸν ἰδίᾳ πλασάμενον·

ὑπὲρ οὗ τὰ κατὰ μέροσ μικρὸν ὕστερον ἀναγράψομεν. οὐ μὴν ἀλλὰ τῆσ βάρεωσ εἰσ τὴν λίμνην καθελκυσθείσησ, πρὶν ἢ τὴν λάρνακα τὴν τὸν νεκρὸν ἔχουσαν εἰσ αὐτὴν τίθεσθαι, τῷ βουλομένῳ κατηγορεῖν ὁ νόμοσ ἐξουσίαν δίδωσιν.

ἐὰν μὲν οὖν τισ παρελθὼν ἐγκαλέσῃ καὶ δείξῃ βεβιωκότα κακῶσ, οἱ μὲν κριταὶ τὰσ γνώμασ πᾶσιν ἀποφαίνονται, τὸ δὲ σῶμα εἴργεται τῆσ εἰθισμένησ ταφῆσ· ἐὰν δ’ ὁ ἐγκαλέσασ δόξῃ μὴ δικαίωσ κατηγορεῖν, μεγάλοισ περιπίπτει προστίμοισ. ὅταν δὲ μηδεὶσ ὑπακούσῃ κατήγοροσ ἢ παρελθὼν γνωσθῇ συκοφάντησ ὑπάρχειν, οἱ μὲν συγγενεῖσ ἀποθέμενοι τὸ πένθοσ ἐγκωμιάζουσι τὸν τετελευτηκότα, καὶ περὶ μὲν τοῦ γένουσ οὐδὲν λέγουσιν, ὥσπερ παρὰ τοῖσ Ἕλλησιν, ὑπολαμβάνοντεσ ἅπαντασ ὁμοίωσ εὐγενεῖσ εἶναι τοὺσ κατ’ Αἴγυπτον, τὴν δ’ ἐκ παιδὸσ ἀγωγὴν καὶ παιδείαν διελθόντεσ, πάλιν ἀνδρὸσ γεγονότοσ τὴν εὐσέβειαν καὶ δικαιοσύνην, ἔτι δὲ τὴν ἐγκράτειαν καὶ τὰσ ἄλλασ ἀρετὰσ αὐτοῦ διεξέρχονται, καὶ παρακαλοῦσι τοὺσ κάτω θεοὺσ δέξασθαι σύνοικον τοῖσ εὐσεβέσι·

τὸ δὲ πλῆθοσ ἐπευφημεῖ καὶ ἀποσεμνύνει τὴν δόξαν τοῦ τετελευτηκότοσ, ὡσ τὸν αἰῶνα διατρίβειν μέλλοντοσ καθ’ ᾅδου μετὰ τῶν εὐσεβῶν. τὸ δὲ σῶμα τιθέασιν οἱ μὲν ἰδίουσ ἔχοντεσ τάφουσ ἐν ταῖσ ἀποδεδειγμέναισ θήκαισ, οἷσ δ’ οὐχ ὑπάρχουσι τάφων κτήσεισ, καινὸν οἴκημα ποιοῦσι κατὰ τὴν ἰδίαν οἰκίαν, καὶ πρὸσ τὸν ἀσφαλέστατον τῶν τοίχων ὀρθὴν ἱστᾶσι τὴν λάρνακα.

καὶ τοὺσ κωλυομένουσ δὲ διὰ τὰσ κατηγορίασ ἢ πρὸσ δάνειον ὑποθήκασ θάπτεσθαι τιθέασι κατὰ τὴν ἰδίαν οἰκίαν· οὓσ ὕστερον ἐνίοτε παίδων παῖδεσ εὐπορήσαντεσ καὶ τῶν τε συμβολαίων καὶ τῶν ἐγκλημάτων ἀπολύσαντεσ μεγαλοπρεποῦσ ταφῆσ ἀξιοῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 92

(디오도로스 시켈로스, Bibliotheca Historica, book 1, chapter 92)

상위

목록

SEARCH

MENU NAVIGATION