헬라어 문장 검색 - Διοδορ́Βιβλιοτ́1́90́

(디오도로스 시켈로스, Bibliotheca Historica, book 1, chapter 89)

λείπεται δ’ ἡμῖν εἰπεῖν περὶ τῆσ τῶν κροκοδείλων ἀποθεώσεωσ, ὑπὲρ ἧσ οἱ πλεῖστοι διαποροῦσι πῶσ τῶν θηρίων τούτων σαρκοφαγούντων τοὺσ ἀνθρώπουσ ἐνομοθετήθη τιμᾶν ἴσα θεοῖσ τοὺσ τὰ δεινότατα διατιθέντασ. φασὶν οὖν τῆσ χώρασ τὴν ὀχυρότητα παρέχεσθαι μὴ μόνον τὸν ποταμόν, ἀλλὰ καὶ πολὺ μᾶλλον τοὺσ ἐν αὐτῷ κροκοδείλουσ·

διὸ καὶ τοὺσ λῃστὰσ τούσ τε ἀπὸ τῆσ Ἀραβίασ καὶ Λιβύησ μὴ τολμᾶν διανήχεσθαι τὸν Νεῖλον, φοβουμένουσ τὸ πλῆθοσ τῶν θηρίων· τοῦτο δ’ οὐκ ἄν ποτε γενέσθαι πολεμουμένων τῶν ζῴων καὶ διὰ τῶν σαγηνευόντων ἄρδην ἀναιρεθέντων. ἔστι δὲ καὶ ἄλλοσ λόγοσ ἱστορούμενοσ περὶ τῶν θηρίων τούτων.

φασὶ γάρ τινεσ τῶν ἀρχαίων τινὰ βασιλέων, τὸν προσαγορευόμενον Μηνᾶν, διωκόμενον ὑπὸ τῶν ἰδίων κυνῶν καταφυγεῖν εἰσ τὴν Μοίριδοσ καλουμένην λίμνην, ἔπειθ’ ὑπὸ κροκοδείλου παραδόξωσ ἀναληφθέντα εἰσ τὸ πέραν ἀπενεχθῆναι. τῆσ δὲ σωτηρίασ χάριν ἀποδιδόναι βουλόμενον τῷ ζῴῳ πόλιν κτίσαι πλησίον ὀνομάσαντα Κροκοδείλων· καταδεῖξαι δὲ καὶ τοῖσ ἐγχωρίοισ ὡσ θεοὺσ τιμᾶν ταῦτα τὰ ζῷα καὶ τὴν λίμνην αὐτοῖσ εἰσ τροφὴν ἀναθεῖναι· ἐνταῦθα δὲ καὶ τὸν τάφον ἑαυτῷ κατασκευάσαι πυραμίδα τετράπλευρον ἐπιστήσαντα, καὶ τὸν θαυμαζόμενον παρὰ πολλοῖσ λαβύρινθον οἰκοδομῆσαι. παραπλήσια δὲ καὶ περὶ τῶν ἄλλων λέγουσιν, ὑπὲρ ὧν τὰ καθ’ ἕκαστον μακρὸν ἂν εἰή γράφειν.

ὅτι γὰρ τῆσ ὠφελείασ ἕνεκα τῆσ εἰσ τὸν βίον οὕτωσ ἑαυτοὺσ εἰθίκασι, φανερὸν εἶναι πᾶσιν ἐκ τοῦ πολλὰ τῶν ἐδωδίμων παρ’ αὐτοῖσ ἐνίουσ μὴ προσφέρεσθαι. τινὰσ μὲν γὰρ φακῶν, τινὰσ δὲ κυάμων, ἐνίουσ δὲ τυρῶν ἢ κρομμύων ἤ τινων ἄλλων βρωμάτων τὸ παράπαν μὴ γεύεσθαι, πολλῶν ὑπαρχόντων κατὰ τὴν Αἴγυπτον, δῆλον ποιοῦντασ διότι διδακτέον ἐστὶν ἑαυτοὺσ τῶν χρησίμων ἀπέχεσθαι, καὶ διότι πάντων πάντα ἐσθιόντων οὐδὲν ἂν ἐξήρκεσε τῶν ἀναλισκομένων. καὶ ἑτέρασ δ’ αἰτίασ φέροντέσ τινέσ φασιν ἐπὶ τῶν παλαιῶν βασιλέων πολλάκισ ἀφισταμένου τοῦ πλήθουσ καὶ συμφρονοῦντοσ κατὰ τῶν ἡγουμένων, τῶν βασιλέων τινὰ συνέσει διαφέροντα διελέσθαι μὲν τὴν χώραν εἰσ πλείω μέρη, καθ’ ἕκαστον δ’ αὐτῶν καταδεῖξαι τοῖσ ἐγχωρίοισ σέβεσθαί τι ζῷον ἢ τροφῆσ τινοσ μὴ γεύεσθαι, ὅπωσ ἑκάστων τὸ μὲν παρ’ αὐτοῖσ τιμώμενον σεβομένων, τῶν δὲ παρὰ τοῖσ ἄλλοισ ἀφιερωμένων καταφρονούντων, μηδέποτε ὁμονοῆσαι δύνωνται πάντεσ οἱ κατ’ Αἴγυπτον.

καὶ τοῦτο ἐκ τῶν ἀποτελεσμάτων φανερὸν εἶναι·

πάντασ γὰρ τοὺσ πλησιοχώρουσ πρὸσ ἀλλήλουσ διαφέρεσθαι, προσκόπτοντασ ταῖσ εἰσ τὰ προειρημένα παρανομίαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 89

(디오도로스 시켈로스, Bibliotheca Historica, book 1, chapter 89)

상위

목록

SEARCH

MENU NAVIGATION