헬라어 문장 검색 - Διοδορ́Βιβλιοτ́1́89́

(디오도로스 시켈로스, Bibliotheca Historica, book 1, chapter 88)

τὸν δὲ τράγον ἀπεθέωσαν, καθάπερ καὶ παρὰ τοῖσ Ἕλλησι τετιμῆσθαι λέγουσι τὸν Πρίαπον, διὰ τὸ γεννητικὸν μόριον· τὸ μὲν γὰρ ζῷον εἶναι τοῦτο κατωφερέστατον πρὸσ τὰσ συνουσίασ, τὸ δὲ μόριον τοῦ σώματοσ τὸ τῆσ γενέσεωσ αἴτιον τιμᾶσθαι προσηκόντωσ, ὡσ ἂν ὑπάρχον ἀρχέγονον τῆσ τῶν ζῴων φύσεωσ. καθόλου δὲ τὸ αἰδοῖον οὐκ Αἰγυπτίουσ μόνον, ἀλλὰ καὶ τῶν ἄλλων οὐκ ὀλίγουσ καθιερωκέναι κατὰ τὰσ τελετάσ, ὡσ αἴτιον τῆσ τῶν ζῴων γενέσεωσ·

τούσ τε ἱερεῖσ τοὺσ παραλαβόντασ τὰσ πατρικὰσ ἱερωσύνασ κατ’ Αἴγυπτον τούτῳ τῷ θεῷ πρῶτον μυεῖσθαι. καὶ τοὺσ Πᾶνασ δὲ καὶ τοὺσ Σατύρουσ φασὶν ἕνεκα τῆσ αὐτῆσ αἰτίασ τιμᾶσθαι παρ’ ἀνθρώποισ·

διὸ καὶ τὰσ εἰκόνασ αὐτῶν ἀνατιθέναι τοὺσ πλείστουσ ἐν τοῖσ ἱεροῖσ ἐντεταμένασ καὶ τῇ τοῦ τράγου φύσει παραπλησίασ· τὸ γὰρ ζῷον τοῦτο παραδεδόσθαι πρὸσ τὰσ συνουσίασ ὑπάρχειν ἐνεργέστατον· ἐκείνοισ οὖν διὰ ταύτησ τῆσ ἐμφάσεωσ χάριν ἀποδιδόναι περὶ τῆσ πολυτεκνίασ τῆσ ἑαυτῶν. τοὺσ δὲ ταύρουσ τοὺσ ἱερούσ, λέγω δὲ τόν τε Ἆπιν καὶ τὸν Μνεῦιν, τιμᾶσθαι παραπλησίωσ τοῖσ θεοῖσ, Ὀσίριδοσ καταδείξαντοσ, ἅμα μὲν διὰ τὴν τῆσ γεωργίασ χρείαν, ἅμα δὲ καὶ διὰ τὸ τῶν εὑρόντων τοὺσ καρποὺσ τὴν δόξαν ταῖσ τούτων ἐργασίαισ παραδόσιμον γεγονέναι τοῖσ μεταγενεστέροισ εἰσ ἅπαντα τὸν αἰῶνα.

τοὺσ δὲ πυρροὺσ βοῦσ συγχωρηθῆναι θύειν διὰ τὸ δοκεῖν τοιοῦτον τῷ χρώματι γεγονέναι Τυφῶνα τὸν ἐπιβουλεύσαντα μὲν Ὀσίριδι, τυχόντα δὲ τιμωρίασ ὑπὸ τῆσ Ἴσιδοσ διὰ τὸν τἀνδρὸσ φόνον. καὶ τῶν ἀνθρώπων δὲ τοὺσ ὁμοχρωμάτουσ τῷ Τυφῶνι τὸ παλαιὸν ὑπὸ τῶν βασιλέων φασὶ θύεσθαι πρὸσ τῷ τάφῳ τῷ Ὀσίριδοσ·

τῶν μὲν οὖν Αἰγυπτίων ὀλίγουσ τινὰσ εὑρίσκεσθαι πυρρούσ, τῶν δὲ ξένων τοὺσ πλείουσ· διὸ καὶ περὶ τῆσ Βουσίριδοσ ξενοκτονίασ παρὰ τοῖσ Ἕλλησιν ἐνισχῦσαι τὸν μῦθον, οὐ τοῦ βασιλέωσ ὀνομαζομένου Βουσίριδοσ, ἀλλὰ τοῦ Ὀσίριδοσ τάφου ταύτην ἔχοντοσ τὴν προσηγορίαν κατὰ τὴν τῶν ἐγχωρίων διάλεκτον. τοὺσ δὲ λύκουσ τιμᾶσθαι λέγουσι διὰ τὴν πρὸσ τοὺσ κύνασ τῆσ φύσεωσ ὁμοιότητα·

βραχὺ γὰρ διαλάττοντασ αὐτοὺσ ταῖσ φύσεσι ταῖσ ἐπιμιξίαισ ζωογονεῖν ἐξ ἀλλήλων. φέρουσι δ’ Αἰγύπτιοι καὶ ἄλλην αἰτίαν τῆσ τοῦ ζῴου τούτου τιμῆσ μυθικωτέραν· τὸ γὰρ παλαιόν φασι τῆσ Ἴσιδοσ μετὰ τοῦ παιδὸσ Ὥρου μελλούσησ διαγωνίζεσθαι πρὸσ Τυφῶνα παραγενέσθαι βοηθὸν ἐξ ᾅδου τὸν Ὄσιριν τῷ τέκνῳ καὶ τῇ γυναικὶ λύκῳ τὴν ὄψιν ὁμοιωθέντα· ἀναιρεθέντοσ οὖν τοῦ Τυφῶνοσ τοὺσ κρατήσαντασ καταδεῖξαι τιμᾶν τὸ ζῷον οὗ τῆσ ὄψεωσ ἐπιφανείσησ τὸ νικᾶν ἐπηκολούθησεν. ἔνιοι δὲ λέγουσι, τῶν Αἰθιόπων στρατευσάντων ἐπὶ τὴν Αἴγυπτον, ἀθροισθείσασ παμπληθεῖσ ἀγέλασ λύκων ἐκδιῶξαι τοὺσ ἐπελθόντασ ἐκ τῆσ χώρασ ὑπὲρ πόλιν τὴν ὀνομαζομένην Ἐλεφαντίνην·

διὸ καὶ τόν τε νομὸν ἐκεῖνον Λυκοπολίτην ὀνομασθῆναι καὶ τὰ ζῷα τὰ προειρημένα τυχεῖν τῆσ τιμῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 88

(디오도로스 시켈로스, Bibliotheca Historica, book 1, chapter 88)

상위

목록

SEARCH

MENU NAVIGATION