헬라어 문장 검색 - Διοδορ́Βιβλιοτ́1́87́

(디오도로스 시켈로스, Bibliotheca Historica, book 1, chapter 86)

πάντα δὲ θαυμάσια καὶ μείζω πίστεωσ ἐπιτελοῦντεσ οἱ κατ’ Αἴγυπτον εἰσ τὰ τιμώμενα ζῷα πολλὴν ἀπορίαν παρέχονται τοῖσ τὰσ αἰτίασ τούτων ζητοῦσιν. οἱ μὲν οὖν ἱερεῖσ αὐτῶν ἀπόρρητόν τι δόγμα περὶ τούτων ἔχουσιν, ὃ προειρήκαμεν ἐν τοῖσ θεολογουμένοισ ὑπ’ αὐτῶν, οἱ δὲ πολλοὶ τῶν Αἰγυπτίων τρεῖσ αἰτίασ ταύτασ ἀποδιδόασιν, ὧν τὴν μὲν πρώτην μυθώδη παντελῶσ καὶ τῆσ ἀρχαϊκῆσ ἁπλότητοσ οἰκείαν.

φασὶ γὰρ τοὺσ ἐξ ἀρχῆσ γενομένουσ θεούσ, ὀλίγουσ ὄντασ καὶ κατισχυομένουσ ὑπὸ τοῦ πλήθουσ καὶ τῆσ ἀνομίασ τῶν γηγενῶν ἀνθρώπων, ὁμοιωθῆναί τισι ζῴοισ, καὶ διὰ τοῦ τοιούτου τρόπου διαφυγεῖν τὴν ὠμότητα καὶ βίαν αὐτῶν·

ὕστερον δὲ τῶν κατὰ τὸν κόσμον πάντων κρατήσαντασ, καὶ τοῖσ αἰτίοισ τῆσ ἐξ ἀρχῆσ σωτηρίασ χάριν ἀποδιδόντασ, ἀφιερῶσαι τὰσ φύσεισ αὐτῶν οἷσ ἀφωμοιώθησαν, καὶ καταδεῖξαι τοῖσ ἀνθρώποισ τὸ τρέφειν μὲν ζῶντα πολυτελῶσ, θάπτειν δὲ τελευτήσαντα. δευτέραν δὲ λέγουσιν αἰτίαν, ὅτι τὸ παλαιὸν οἱ κατ’ Αἴγυπτον διὰ τὴν ἀταξίαν τὴν ἐν τῷ στρατοπέδῳ πολλαῖσ μάχαισ ὑπὸ τῶν πλησιοχώρων ἡττηθέντεσ ἐπενόησαν σύνθημα φορεῖν ἐπὶ τῶν ταγμάτων.

φασὶν οὖν κατασκευάσαντασ εἰκόνασ τῶν ζῴων ἃ νῦν τιμῶσι, καὶ πήξαντασ ἐπὶ σαυνίων, φορεῖν τοὺσ ἡγεμόνασ, καὶ διὰ τούτου τοῦ τρόπου γνωρίζειν ἕκαστον ἧσ εἰή συντάξεωσ·

μεγάλα δὲ συμβαλλομένησ αὐτοῖσ τῆσ διὰ τούτων εὐταξίασ πρὸσ τὴν νίκην, δόξαι τῆσ σωτηρίασ αἴτια γεγονέναι τὰ ζῷα· χάριν οὖν αὐτοῖσ τοὺσ ἀνθρώπουσ ἀποδοῦναι βουλομένουσ εἰσ ἔθοσ κατατάξαι τῶν εἰκασθέντων τότε μηδὲν κτείνειν, ἀλλὰ σεβομένουσ ἀπονέμειν τὴν προειρημένην ἐπιμέλειαν καὶ τιμήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 86

(디오도로스 시켈로스, Bibliotheca Historica, book 1, chapter 86)

상위

목록

SEARCH

MENU NAVIGATION