헬라어 문장 검색 - Διοδορ́Βιβλιοτ́1́86́

(디오도로스 시켈로스, Bibliotheca Historica, book 1, chapter 85)

προσθετέον δὲ τοῖσ εἰρημένοισ τὰ λειπόμενα τῶν γινομένων περὶ τὸν ἱερὸν ταῦρον τὸν ὀνομαζόμενον Ἆπιν. ὅταν γὰρ τελευτήσασ ταφῇ μεγαλοπρεπῶσ, ζητοῦσιν οἱ περὶ ταῦτ’ ὄντεσ ἱερεῖσ μόσχον ἔχοντα κατὰ τὸ σῶμα παράσημα τὰ παραπλήσια τῷ προϋπάρξαντι· ὅταν δ’ εὑρεθῇ, τὰ μὲν πλήθη τοῦ πένθουσ ἀπολύεται, τῶν δ’ ἱερέων οἷσ ἐστιν ἐπιμελὲσ ἄγουσι τὸν μόσχον τὸ μὲν πρῶτον εἰσ Νείλου πόλιν, ἐν ᾗ τρέφουσιν αὐτὸν ἐφ’ ἡμέρασ τετταράκοντα, ἔπειτ’ εἰσ θαλαμηγὸν ναῦν οἴκημα κεχρυσωμένον ἔχουσαν ἐμβιβάσαντεσ ὡσ θεὸν ἀνάγουσιν εἰσ Μέμφιν εἰσ τὸ τοῦ Ἡφαίστου τέμενοσ.

ἐν δὲ ταῖσ προειρημέναισ τετταράκονθ’ ἡμέραισ μόνον ὁρῶσιν αὐτὸν αἱ γυναῖκεσ κατὰ πρόσωπον ἱστάμεναι καὶ δεικνύουσιν ἀνασυράμεναι τὰ ἑαυτῶν γεννητικὰ μόρια, τὸν δ’ ἄλλον χρόνον ἅπαντα κεκωλυμένον ἐστὶν εἰσ ὄψιν αὐτὰσ ἔρχεσθαι τούτῳ τῷ θεῷ.

τῆσ δὲ τοῦ βοὸσ τούτου τιμῆσ αἰτίαν ἔνιοι φέρουσι λέγοντεσ ὅτι τελευτήσαντοσ Ὀσίριδοσ εἰσ τοῦτον ἡ ψυχὴ μετέστη, καὶ διὰ ταῦτα διατελεῖ μέχρι τοῦ νῦν ἀεὶ κατὰ τὰσ ἀναδείξεισ αὐτοῦ μεθισταμένη πρὸσ τοὺσ μεταγενεστέρουσ·

ἔνιοι δὲ λέγουσι τελευτήσαντοσ Ὀσίριδοσ ὑπὸ Τυφῶνοσ τὰ μέλη συναγαγοῦσαν τὴν Ἶσιν εἰσ βοῦν ξυλίνην ἐμβαλεῖν βύσσινα περιβεβλημένην, καὶ διὰ τοῦτο καὶ τὴν πόλιν ὀνομασθῆναι Βούσιριν.

πολλὰ δὲ καὶ ἄλλα μυθολογοῦσι περὶ τοῦ Ἄπιδοσ, ὑπὲρ ὧν μακρὸν ἡγούμεθα τὰ καθ’ ἕκαστον διεξιέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 85

(디오도로스 시켈로스, Bibliotheca Historica, book 1, chapter 85)

상위

목록

SEARCH

MENU NAVIGATION