헬라어 문장 검색 - Διοδορ́Βιβλιοτ́1́79́

(디오도로스 시켈로스, Bibliotheca Historica, book 1, chapter 78)

τῶν δ’ ἄλλων ὁ μὲν περὶ τῶν πολέμων κείμενοσ κατὰ τῶν τὴν τάξιν λιπόντων ἢ τὸ παραγγελθὲν ὑπὸ τῶν ἡγεμόνων μὴ ποιούντων ἔταττε πρόστιμον οὐ θάνατον, ἀλλὰ τὴν ἐσχάτην ἀτιμίαν· εἰ δ’ ὕστερον ταῖσ ἀνδραγαθίαισ ὑπερβάλοιντο τὰσ ἀτιμίασ, εἰσ τὴν προϋπάρξασαν παρρησίαν ἀποκαθίστα, ἅμα μὲν τοῦ νομοθέτου δεινοτέραν τιμωρίαν ποιοῦντοσ τὴν ἀτιμίαν ἢ τὸν θάνατον, ἵνα τὸ μέγιστον τῶν κακῶν ἐθίσῃ πάντασ κρίνειν τὴν αἰσχύνην, ἅμα δὲ τοὺσ μὲν θανατωθέντασ ἡγεῖτο μηδὲν ὠφελήσειν τὸν κοινὸν βίον, τοὺσ δὲ ἀτιμωθέντασ ἀγαθῶν πολλῶν αἰτίουσ ἔσεσθαι διὰ τὴν ἐπιθυμίαν τῆσ παρρησίασ.

καὶ τῶν μὲν τὰ ἀπόρρητα τοῖσ πολεμίοισ ἀπαγγειλάντων ἐπέταττεν ὁ νόμοσ ἐκτέμνεσθαι τὴν γλῶτταν, τῶν δὲ τὸ νόμισμα παρακοπτόντων ἢ μέτρα καὶ σταθμὰ παραποιούντων ἢ παραγλυφόντων τὰσ σφραγῖδασ, ἔτι δὲ τῶν γραμματέων τῶν ψευδεῖσ χρηματισμοὺσ γραφόντων ἢ ἀφαιρούντων τι τῶν ἐγγεγραμμένων, καὶ τῶν τὰσ ψευδεῖσ συγγραφὰσ ἐπιφερόντων, ἀμφοτέρασ ἐκέλευσεν ἀποκόπτεσθαι τὰσ χεῖρασ, ὅπωσ οἷσ ἕκαστοσ μέρεσι τοῦ σώματοσ παρενόμησεν, εἰσ ταῦτα κολαζόμενοσ αὐτὸσ μὲν μέχρι τελευτῆσ ἀνίατον ἔχῃ τὴν συμφοράν, τοὺσ δ’ ἄλλουσ διὰ τῆσ ἰδίασ τιμωρίασ νουθετῶν ἀποτρέπῃ τῶν ὁμοίων τι πράττειν.

πικροὶ δὲ καὶ περὶ τῶν γυναικῶν νόμοι παρ’ αὐτοῖσ ὑπῆρχον.

τοῦ μὲν γὰρ βιασαμένου γυναῖκα ἐλευθέραν προσέταξαν ἀποκόπτεσθαι τὰ αἰδοῖα, νομίσαντεσ τὸν τοιοῦτον μιᾷ πράξει παρανόμῳ τρία τὰ μέγιστα τῶν κακῶν ἐνηργηκέναι, τὴν ὕβριν καὶ τὴν φθορὰν καὶ τὴν τῶν τέκνων σύγχυσιν· εἰ δέ τισ πείσασ μοιχεύσαι, τὸν μὲν ἄνδρα ῥάβδοισ χιλίασ πληγὰσ λαμβάνειν ἐκέλευον, τῆσ δὲ γυναικὸσ τὴν ῥῖνα κολοβοῦσθαι, ὑπολαμβάνοντεσ δεῖν τῆσ πρὸσ ἀσυγχώρητον ἀκρασίαν καλλωπιζομένησ ἀφαιρεθῆναι τὰ μάλιστα κοσμοῦντα τὴν εὐπρέπειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 78

(디오도로스 시켈로스, Bibliotheca Historica, book 1, chapter 78)

상위

목록

SEARCH

MENU NAVIGATION