헬라어 문장 검색 - Διοδορ́Βιβλιοτ́1́76́

(디오도로스 시켈로스, Bibliotheca Historica, book 1, chapter 75)

περὶ δὲ τὰσ κρίσεισ οὐ τὴν τυχοῦσαν ἐποιοῦντο σπουδήν, ἡγούμενοι τὰσ ἐν τοῖσ δικαστηρίοισ ἀποφάσεισ μεγίστην ῥοπὴν τῷ κοινῷ βίῳ φέρειν πρὸσ ἀμφότερα. δῆλον γὰρ ἦν ὅτι τῶν μὲν παρανομούντων κολαζομένων, τῶν δ’ ἀδικουμένων βοηθείασ τυγχανόντων, ἀρίστη διόρθωσισ ἔσται τῶν ἁμαρτημάτων·

εἰ δ’ ὁ φόβοσ ὁ γινόμενοσ ἐκ τῶν κρίσεων τοῖσ παρανομοῦσιν ἀνατρέποιτο χρήμασιν ἢ χάρισιν, ἐσομένην ἑώρων τοῦ κοινοῦ βίου σύγχυσιν. διόπερ ἐκ τῶν ἐπιφανεστάτων πόλεων τοὺσ ἀρίστουσ ἄνδρασ ἀποδεικνύντεσ δικαστὰσ κοινοὺσ οὐκ ἀπετύγχανον τῆσ προαιρέσεωσ.

ἐξ Ἡλίου γὰρ πόλεωσ καὶ Θηβῶν καὶ Μέμφεωσ δέκα δικαστὰσ ἐξ ἑκάστησ προέκρινον· καὶ τοῦτο τὸ συνέδριον οὐκ ἐδόκει λείπεσθαι τῶν Ἀθήνησιν Ἀρεοπαγιτῶν ἢ τῶν παρὰ Λακεδαιμονίοισ γερόντων. ἐπεὶ δὲ συνέλθοιεν οἱ τριάκοντα, ἐπέκρινον ἐξ ἑαυτῶν ἕνα τὸν ἄριστον, καὶ τοῦτον μὲν ἀρχιδικαστὴν καθίσταντο, εἰσ δὲ τὸ τούτου τόπον ἀπέστελλεν ἡ πόλισ ἕτερον δικαστήν.

συντάξεισ δὲ τῶν ἀναγκαίων παρὰ τοῦ βασιλέωσ τοῖσ μὲν δικασταῖσ ἱκαναὶ πρὸσ διατροφὴν ἐχορηγοῦντο, τῷ δ’ ἀρχιδικαστῇ πολλαπλάσιοι. ἐφόρει δ’ οὗτοσ περὶ τὸν τράχηλον ἐκ χρυσῆσ ἁλύσεωσ ἠρτημένον ζῴδιον τῶν πολυτελῶν λίθων, ὃ προσηγόρευον ἀλήθειαν.

τῶν δ’ ἀμφισβητήσεων ἤρχοντο ἐπειδὰν τὴν τῆσ ἀληθείασ εἰκόνα ὁ ἀρχιδικαστὴσ πρόσθοιτο. τῶν δὲ πάντων νόμων ἐν βιβλίοισ ὀκτὼ γεγραμμένων, καὶ τούτων παρακειμένων τοῖσ δικασταῖσ, ἔθοσ ἦν τὸν μὲν κατήγορον γράψαι καθ’ ἓν ὧν ἐνεκάλει καὶ πῶσ γέγονε καὶ τὴν ἀξίαν τοῦ ἀδικήματοσ ἢ τῆσ βλάβησ, τὸν ἀπολογούμενον δὲ λαβόντα τὸ χρηματισθὲν ὑπὸ τῶν ἀντιδίκων ἀντιγράψαι πρὸσ ἕκαστον ὡσ οὐκ ἔπραξεν ἢ πράξασ οὐκ ἠδίκησεν ἢ ἀδικήσασ ἐλάττονοσ ζημίασ ἄξιόσ ἐστι τυχεῖν.

ἔπειτα νόμιμον ἦν τὸν κατήγορον ἀντιγράψαι καὶ πάλιν τὸν ἀπολογούμενον ἀντιθεῖναι.

ἀμφοτέρων δὲ τῶν ἀντιδίκων τὰ γεγραμμένα δὶσ τοῖσ δικασταῖσ δόντων, τὸ τηνικαῦτ’ ἔδει τοὺσ μὲν τριάκοντα τὰσ γνώμασ ἐν ἀλλήλοισ ἀποφαίνεσθαι, τὸν ἀρχιδικαστὴν δὲ τὸ ζῴδιον τῆσ ἀληθείασ προστίθεσθαι τῇ ἑτέρᾳ τῶν ἀμφισβητήσεων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 75

(디오도로스 시켈로스, Bibliotheca Historica, book 1, chapter 75)

상위

목록

SEARCH

MENU NAVIGATION