헬라어 문장 검색 - Διοδορ́Βιβλιοτ́1́75́

(디오도로스 시켈로스, Bibliotheca Historica, book 1, chapter 74)

ἔστι δ’ ἕτερα συντάγματα τῆσ πολιτείασ τρία, τό τε τῶν νομέων καὶ τὸ τῶν γεωργῶν, ἔτι δὲ τὸ τῶν τεχνιτῶν. οἱ μὲν οὖν γεωργοὶ μικροῦ τινοσ τὴν καρποφόρον γῆν τὴν παρὰ τοῦ βασιλέωσ καὶ τῶν ἱερέων καὶ τῶν μαχίμων μισθούμενοι διατελοῦσι τὸν πάντα χρόνον περὶ τὴν ἐργασίαν ὄντεσ τῆσ χώρασ· ἐκ νηπίου δὲ συντρεφόμενοι ταῖσ γεωργικαῖσ ἐπιμελείαισ πολὺ προέχουσι τῶν παρὰ τοῖσ ἄλλοισ ἔθνεσι γεωργῶν ταῖσ ἐμπειρίαισ· καὶ γὰρ τὴν τῆσ γῆσ φύσιν καὶ τὴν τῶν ὑδάτων ἐπίρρυσιν, ἔτι δὲ τοὺσ καιροὺσ τοῦ τε σπόρου καὶ τοῦ θερισμοῦ καὶ τῆσ ἄλλησ τῶν καρπῶν συγκομιδῆσ ἀκριβέστατα πάντων γινώσκουσι, τὰ μὲν ἐκ τῆσ τῶν προγόνων παρατηρήσεωσ μαθόντεσ, τὰ δ’ ἐκ τῆσ ἰδίασ πείρασ διδαχθέντεσ.

καὶ πολλὰ μὲν παρὰ τῶν προγόνων πρὸσ θεραπείαν καὶ διατροφὴν ἀρίστην τῶν βοσκομένων παρειλήφασιν, οὐκ ὀλίγα δ’ αὐτοὶ διὰ τὸν εἰσ ταῦτα ζῆλον προσευρίσκουσι, καὶ τὸ θαυμασιώτατον, διὰ τὴν ὑπερβολὴν τῆσ εἰσ ταῦτα σπουδῆσ οἵ τε ὀρνιθοτρόφοι καὶ οἱ χηνοβοσκοὶ χωρὶσ τῆσ παρὰ τοῖσ ἄλλοισ ἀνθρώποισ ἐκ φύσεωσ συντελουμένησ γενέσεωσ τῶν εἰρημένων ζῴων αὐτοὶ διὰ τῆσ ἰδίασ φιλοτεχνίασ ἀμύθητον πλῆθοσ ὀρνέων ἀθροίζουσιν·

οὐ γὰρ ἐπῳάζουσι διὰ τῶν ὀρνίθων, ἀλλ’ αὐτοὶ παραδόξωσ χειρουργοῦντεσ τῇ συνέσει καὶ φιλοτεχνίᾳ τῆσ φυσικῆσ ἐνεργείασ οὐκ ἀπολείπονται.

ἀλλὰ μὴν καὶ τὰσ τέχνασ ἰδεῖν ἔστι παρὰ τοῖσ Αἰγυπτίοισ μάλιστα διαπεπονημένασ καὶ πρὸσ τὸ καθῆκον τέλοσ διηκριβωμένασ·

παρὰ μόνοισ γὰρ τούτοισ οἱ δημιουργοὶ πάντεσ οὔτ’ ἐργασίασ ἄλλησ οὔτε πολιτικῆσ τάξεωσ μεταλαμβάνειν ἐῶνται πλὴν τῆσ ἐκ τῶν νόμων ὡρισμένησ καὶ παρὰ τῶν γονέων παραδεδομένησ, ὥστε μήτε διδασκάλου φθόνον μήτε πολιτικοὺσ περισπασμοὺσ μήτ’ ἄλλο μηδὲν ἐμποδίζειν αὐτῶν τὴν εἰσ ταῦτα σπουδήν. παρὰ μὲν γὰρ τοῖσ ἄλλοισ ἰδεῖν ἔστι τοὺσ τεχνίτασ περὶ πολλὰ τῇ διανοίᾳ περισπωμένουσ καὶ διὰ τὴν πλεονεξίαν μὴ μένοντασ τὸ παράπαν ἐπὶ τῆσ ἰδίασ ἐργασίασ·

οἱ μὲν γὰρ ἐφάπτονται γεωργίασ, οἱ δ’ ἐμπορίασ κοινωνοῦσιν, οἱ δὲ δυοῖν ἢ τριῶν τεχνῶν ἀντέχονται, πλεῖστοι δ’ ἐν ταῖσ δημοκρατουμέναισ πόλεσιν εἰσ τὰσ ἐκκλησίασ σνντρέχοντεσ τὴν μὲν πολιτείαν λυμαίνονται, τὸ δὲ λυσιτελὲσ περιποιοῦνται παρὰ τῶν μισθοδοτούντων· παρὰ δὲ τοῖσ Αἰγυπτίοισ, εἴ τισ τῶν τεχνιτῶν μετάσχοι τῆσ πολιτείασ ἢ τέχνασ πλείουσ ἐργάζοιτο, μεγάλαισ περιπίπτει τιμωρίαισ. τὴν μὲν οὖν διαίρεσιν τῆσ πολιτείασ καὶ τὴν τῆσ ἰδίασ τάξεωσ ἐπιμέλειαν διὰ προγόνων τοιαύτην ἔσχον οἱ τὸ παλαιὸν τὴν Αἴγυπτον κατοικοῦντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 74

(디오도로스 시켈로스, Bibliotheca Historica, book 1, chapter 74)

상위

목록

SEARCH

MENU NAVIGATION