헬라어 문장 검색 - Διοδορ́Βιβλιοτ́1́69́

(디오도로스 시켈로스, Bibliotheca Historica, book 1, chapter 68)

μετὰ δὲ Ψαμμήτιχον ὕστερον τέτταρσι γενεαῖσ Ἀπρίησ ἐβασίλευσεν ἔτη δυσὶ πλείω τῶν εἴκοσι. στρατεύσασ δὲ δυνάμεσιν ἁδραῖσ πεζαῖσ τε καὶ ναυτικαῖσ ἐπὶ Κύπρον καὶ Φοινίκην Σιδῶνα μὲν κατὰ κράτοσ εἷλε, τὰσ δ’ ἄλλασ τὰσ ἐν τῇ Φοινίκῃ πόλεισ καταπληξάμενοσ προσηγάγετο· ἐνίκησε δὲ καὶ ναυμαχίᾳ μεγάλῃ Φοίνικάσ τε καὶ Κυπρίουσ, καὶ λαφύρων ἀθροίσασ πλῆθοσ ἐπανῆλθεν εἰσ Αἴγυπτον. μετὰ δὲ ταῦτα δύναμιν πέμψασ ἁδρὰν τῶν ὁμοεθνῶν ἐπὶ Κυρήνην καὶ Βάρκην, καὶ τὸ πλεῖστον αὐτῆσ ἀποβαλών, ἀλλοτρίουσ ἔσχε τοὺσ διασωθέντασ·

ὑπολαβόντεσ γὰρ αὐτὸν ἐπ’ ἀπωλείᾳ συντάξαι τὴν στρατείαν, ὅπωσ ἀσφαλέστερον ἄρχῃ τῶν λοιπῶν Αἰγυπτίων, ἀπέστησαν. ἀποσταλεὶσ δὲ πρὸσ τούτουσ ὑπὸ τοῦ βασιλέωσ Ἄμασισ, ἀνὴρ ἐμφανὴσ Αἰγύπτιοσ, τῶν μὲν ῥηθέντων ὑπ’ αὐτοῦ πρὸσ ὁμόνοιαν ἠμέλησε, τοὐναντίον δ’ ἐκείνουσ προτρεψάμενοσ εἰσ ἀλλοτριότητα συναπέστη καὶ βασιλεὺσ αὐτὸσ ᾑρέθη.

μετ’ οὐ πολὺν δὲ χρόνον καὶ τῶν ἄλλων ἐγχωρίων ἁπάντων συνεπιθεμένων, ὁ βασιλεὺσ διαπορούμενοσ ἠναγκάσθη καταφυγεῖν ἐπὶ τοὺσ μισθοφόρουσ, ὄντασ εἰσ τρισμυρίουσ.

γενομένησ οὖν παρατάξεωσ περὶ τὴν Μάρειαν κώμην, καὶ τῶν Αἰγυπτίων τῇ μάχῃ κρατησάντων, ὁ μὲν Ἀπρίησ ζωγρηθεὶσ ἀνήχθη καὶ στραγγαλισθεὶσ ἐτελεύτησεν, Ἄμασισ δὲ διατάξασ τὰ κατὰ τὴν βασιλείαν ὥσ ποτ’ ἔδοξεν αὐτῷ συμφέρειν, ἦρχε νομίμωσ τῶν Αἰγυπτίων καὶ μεγάλησ ἐτύγχανεν ἀποδοχῆσ.

κατεστρέψατο δὲ καὶ τὰσ ἐν Κύπρῳ πόλεισ καὶ πολλὰ τῶν ἱερῶν ἐκόσμησεν ἀναθήμασιν ἀξιολόγοισ.

βασιλεύσασ δ’ ἔτη πέντε πρὸσ τοῖσ πεντήκοντα κατέστρεψε τὸν βίον καθ’ ὃν χρόνον Καμβύσησ ὁ τῶν Περσῶν βασιλεὺσ ἐστράτευσεν ἐπὶ τὴν Αἴγυπτον, κατὰ τὸ τρίτον ἔτοσ τῆσ ἑξηκοστῆσ καὶ τρίτησ ὀλυμπιάδοσ, ἣν ἐνίκα στάδιον Παρμενίδησ Καμαριναῖοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 68

(디오도로스 시켈로스, Bibliotheca Historica, book 1, chapter 68)

상위

목록

SEARCH

MENU NAVIGATION