헬라어 문장 검색 - Διοδορ́Βιβλιοτ́1́68́

(디오도로스 시켈로스, Bibliotheca Historica, book 1, chapter 67)

τῆσ δ’ ὅλησ βασιλείασ κυριεύσασ ὁ Ψαμμήτιχοσ τῷ μὲν ἐν Μέμφει θεῷ τὸ πρὸσ ἑώ προπύλαιον κατεσκεύασε καὶ τῷ ναῷ τὸν περίβολον, κολοττοὺσ ὑποστήσασ ἀντὶ τῶν κιόνων δωδεκαπήχεισ· τοῖσ δὲ μισθοφόροισ χωρὶσ τῶν ὡμολογημένων συντάξεων δωρεάσ τε ἀξιολόγουσ ἀπένειμε καὶ τὰ καλούμενα στρατόπεδα τόπον οἰκεῖν ἔδωκε καὶ χώραν πολλὴν κατεκληρούχησε μικρὸν ἐπάνω τοῦ Πηλουσιακοῦ στόματοσ· οὓσ ἐντεῦθεν Ἄμασισ ὕστερον πολλοῖσ ἔτεσι βασιλεύσασ ἀνέστησε καὶ κατῴκισεν εἰσ Μέμφιν. διὰ δὲ τῶν μισθοφόρων κατωρθωκὼσ τὴν βασιλείαν ὁ Ψαμμήτιχοσ τούτοισ τὸ λοιπὸν μάλιστ’ ἐνεπίστευε τὰ κατὰ τὴν ἀρχὴν καὶ διετέλεσε ξενοτροφῶν μεγάλασ δυνάμεισ.

στρατεύσαντοσ δ’ εἰσ τὴν Συρίαν αὐτοῦ καὶ κατὰ τὰσ παρατάξεισ τοὺσ μὲν μισθοφόρουσ προτιμῶντοσ καὶ τάττοντοσ εἰσ τὰ δεξιὰ μέρη, τοὺσ δ’ ἐγχωρίουσ ἀτιμότερον ἄγοντοσ καὶ τὸν εὐώνυμον τόπον ἀπονέμοντοσ τῆσ φάλαγγοσ, οἱ μὲν Αἰγύπτιοι διὰ τὴν ὕβριν παροξυνθέντεσ καὶ γενόμενοι τὸ πλῆθοσ πλείουσ τῶν εἴκοσι μυριάδων ἀπέστησαν καὶ προῆγον ἐπ’ Αἰθιοπίασ, κεκρικότεσ ἰδίαν χώραν ἑαυτοῖσ κατακτᾶσθαι·

ὁ δὲ βασιλεὺσ τὸ μὲν πρῶτον ἔπεμψέ τινασ τῶν ἡγεμόνων τοὺσ ἀπολογησομένουσ ὑπὲρ τῆσ ἀτιμίασ, ὡσ δ’ οὐ προσεῖχον αὐτοῖσ, αὐτὸσ μετὰ τῶν φίλων ἐδίωξε πλοίοισ.

προαγόντων δ’ αὐτῶν παρὰ τὸν Νεῖλον καὶ τοὺσ ὁρ́ουσ ὑπερβαλλόντων τῆσ Αἰγύπτου, ἐδεῖτο μετανοῆσαι καὶ τῶν τε ἱερῶν καὶ τῶν πατρίδων, ἔτι δὲ καὶ γυναικῶν καὶ τέκνων ὑπεμίμνησκεν.

οἱ δ’ ἅμα πάντεσ ἀναβοήσαντεσ καὶ τοῖσ κοντοῖσ τὰσ ἀσπίδασ πατάξαντεσ ἔφασαν, ἑώσ ἂν κυριεύωσι τῶν ὅπλων, ῥᾳδίωσ εὑρήσειν πατρίδασ·

ἀναστειλάμενοι δὲ τοὺσ χιτῶνασ καὶ τὰ γεννητικὰ μέρη τοῦ σώματοσ δείξαντεσ οὔτε γυναικῶν οὔτε τέκνων ἀπορήσειν ἔφασαν ταῦτ’ ἔχοντεσ. τοιαύτῃ δὲ μεγαλοψυχίᾳ χρησάμενοι καὶ καταφρονήσαντεσ τῶν παρὰ τοῖσ ἄλλοισ μεγίστων εἶναι δοκούντων, κατελάβοντο μὲν τῆσ Αἰθιοπίασ τὴν κρατίστην, κατακληρουχήσαντεσ δὲ πολλὴν χώραν ἐν ταύτῃ κατῴκησαν.

ὁ δὲ Ψαμμήτιχοσ ἐπὶ μὲν τούτοισ οὐ μετρίωσ ἐλυπήθη, τὰ δὲ κατὰ τὴν Αἴγυπτον διατάξασ καὶ τῶν προσόδων ἐπιμελόμενοσ πρόσ τε Ἀθηναίουσ καί τινασ τῶν ἄλλων Ἑλλήνων συμμαχίαν ἐποιήσατο.

εὐηργέτει δὲ καὶ τῶν ξένων τοὺσ ἐθελοντὴν εἰσ τὴν Αἴγυπτον ἀποδημοῦντασ, καὶ φιλέλλην ὢν διαφερόντωσ τοὺσ υἱοὺσ τὴν Ἑλληνικὴν ἐδίδαξε παιδείαν·

καθόλου δὲ πρῶτοσ τῶν κατ’ Αἴγυπτον βασιλέων ἀνέῳξε τοῖσ ἄλλοισ ἔθνεσι τὰ κατὰ τὴν ἄλλην χώραν ἐμπόρια καὶ πολλὴν ἀσφάλειαν τοῖσ καταπλέουσι ξένοισ παρείχετο. οἱ μὲν γὰρ πρὸ τούτου δυναστεύσαντεσ ἄβατον ἐποίουν τοῖσ ξένοισ τὴν Αἴγυπτον, τοὺσ μὲν φονεύοντεσ, τοὺσ δὲ καταδουλούμενοι τῶν καταπλεόντων.

καὶ γὰρ ἡ περὶ τὸν Βούσιριν ἀσέβεια διὰ τὴν τῶν ἐγχωρίων ἀξενίαν διεβοήθη παρὰ τοῖσ Ἕλλησιν, οὐκ οὖσα μὲν πρὸσ ἀλήθειαν, διὰ δὲ τὴν ὑπερβολὴν τῆσ ἀνομίασ εἰσ μύθου πλάσμα καταχωρισθεῖσα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 67

(디오도로스 시켈로스, Bibliotheca Historica, book 1, chapter 67)

상위

목록

SEARCH

MENU NAVIGATION