헬라어 문장 검색 - Διοδορ́Βιβλιοτ́1́65́

(디오도로스 시켈로스, Bibliotheca Historica, book 1, chapter 64)

τελευτήσαντοσ δὲ τοῦ βασιλέωσ τούτου διεδέξατο τὴν ἀρχὴν ὁ ἀδελφὸσ Κεφρὴν καὶ ἦρξεν ἔτη ἓξ πρὸσ τοῖσ πεντήκοντα· ἔνιοι δέ φασιν οὐκ ἀδελφόν, ἀλλ’ υἱὸν παραλαβεῖν τὴν ἀρχήν, ὀνομαζόμενον Χαβρύην. ἐπιγέγραπται δ’ ἐπὶ τῆσ μείζονοσ τὸ πλῆθοσ τῶν ἀναλωθέντων χρημάτων, ὡσ εἰσ λάχανα καὶ συρμαίαν τοῖσ ἐργάταισ μηνύεται διὰ τῆσ γραφῆσ.

τάλαντα δεδαπανῆσθαι πλείω τῶν χιλίων καὶ ἑξακοσίων. ἡ δ’ ἐλάττων ἀνεπίγραφοσ μέν ἐστιν, ἀνάβασιν δ’ ἔχει διὰ μιᾶσ τῶν πλευρῶν ἐγκεκολαμμένην.

τῶν δὲ βασιλέων τῶν κατασκευασάντων αὐτὰσ ἑαυτοῖσ τάφουσ συνέβη μηδέτερον αὐτῶν ταῖσ πυραμίσιν ἐνταφῆναι· τὰ γὰρ πλήθη διά τε ταλαιπωρίαν τὴν ἐν τοῖσ ἔργοισ καὶ διὰ τὸ τούτουσ τοὺσ βασιλεῖσ ὠμὰ καὶ βίαια πολλὰ πρᾶξαι δι’ ὀργῆσ εἶχε τοὺσ αἰτίουσ, καὶ τὰ σώματα ἠπείλει διασπάσειν καὶ μεθ’ ὕβρεωσ ἐκρίψειν ἐκ τῶν τάφων·

διὸ καὶ τελευτῶν ἑκάτεροσ ἐνετείλατο τοῖσ προσήκουσιν ἐν ἀσήμῳ τόπῳ καὶ λάθρᾳ θάψαι τὸ σῶμα.

μετὰ δὲ τούτουσ ἐγένετο βασιλεὺσ Μυκερῖνοσ, ὅν τινεσ Μεγχερῖνον ὀνομάζουσιν, υἱὸσ ὢν τοῦ ποιήσαντοσ τὴν προτέραν πυραμίδα. οὗτοσ δ’ ἐπιβαλόμενοσ τρίτην κατασκευάζειν, πρότερον ἐτελεύτησε πρὶν ἢ τὸ πᾶν ἔργον λαβεῖν συντέλειαν.

τῆσ μὲν γὰρ βάσεωσ ἑκάστην πλευρὰν ὑπεστήσατο πλέθρων τριῶν, τοὺσ δὲ τοίχουσ ἐπὶ μὲν πεντεκαίδεκα δόμουσ κατεσκεύασεν ἐκ μέλανοσ λίθου τῷ Θηβαϊκῷ παραπλησίου, τὸ δὲ λοιπὸν ἀνεπλήρωσεν ἐκ λίθων ὁμοίων ταῖσ ἄλλαισ πυραμίσιν. τῷ δὲ μεγέθει λειπόμενον τοῦτο τὸ ἔργον τῶν προειρημένων τῇ κατὰ τὴν χειρουργίαν τέχνῃ πολὺ διαλλάττει καὶ τῇ τοῦ λίθου πολυτελείᾳ·

ἐπιγέγραπται δὲ κατὰ τὴν βόρειον αὐτῆσ πλευρὰν ὁ κατασκευάσασ αὐτὴν Μυκερῖνοσ. τοῦτον δέ φασι μισήσαντα τὴν τῶν προβασιλευσάντων ὠμότητα ζηλῶσαι βίον ἐπιεικῆ καὶ πρὸσ τοὺσ ἀρχομένουσ εὐεργετικόν, καὶ ποιεῖν αὐτὸν συνεχῶσ ἄλλα τε πλείω δι’ ὧν ἦν μάλιστα ἐκκαλέσασθαι τὴν τοῦ πλήθουσ πρὸσ αὐτὸν εὔνοιαν, καὶ κατὰ τοὺσ χρηματισμοὺσ ἀναλίσκειν χρημάτων πλῆθοσ, διδόντα δωρεὰσ τῶν ἐπιεικῶν τοῖσ δοκοῦσιν ἐν ταῖσ κρίσεσι μὴ κατὰ τρόπον ἀπαλλάττειν.

εἰσὶ δὲ καὶ ἄλλαι τρεῖσ πυραμίδεσ, ὧν ἑκάστη μὲν πλευρὰ πλεθριαία ὑπάρχει, τὸ δ’ ὅλον ἔργον παραπλήσιον τῇ κατασκευῇ ταῖσ ἄλλαισ πλὴν τοῦ μεγέθουσ·

ταύτασ δέ φασι τοὺσ προειρημένουσ τρεῖσ βασιλεῖσ ταῖσ ἰδίαισ κατασκευάσαι γυναιξίν. ὁμολογεῖται δὲ ταῦτα τὰ ἔργα πολὺ προέχειν τῶν κατ’ Αἴγυπτον οὐ μόνον τῷ βάρει τῶν κατασκευασμάτων καὶ ταῖσ δαπάναισ, ἀλλὰ καὶ τῇ φιλοτεχνίᾳ τῶν ἐργασαμένων.

καί φασι δεῖν θαυμάζειν μᾶλλον τοὺσ ἀρχιτέκτονασ τῶν ἔργων ἢ τοὺσ βασιλεῖσ τοὺσ παρασχομένουσ τὰσ εἰσ ταῦτα χορηγίασ·

τοὺσ μὲν γὰρ ταῖσ ἰδίαισ ψυχαῖσ καὶ ταῖσ φιλοτιμίαισ, τοὺσ δὲ τῷ κληρονομηθέντι πλούτῳ καὶ ταῖσ ἀλλοτρίαισ κακουχίαισ ἐπὶ τέλοσ ἀγαγεῖν τὴν προαίρεσιν. περὶ δὲ τῶν πυραμίδων οὐδὲν ὅλωσ οὔτε παρὰ τοῖσ ἐγχωρίοισ οὔτε παρὰ τοῖσ συγγραφεῦσι συμφωνεῖται·

οἱ μὲν γὰρ τοὺσ προειρημένουσ βασιλεῖσ κατασκευάσαι φασὶν αὐτάσ, οἱ δὲ ἑτέρουσ τινάσ· οἱο͂ν τὴν μὲν μεγίστην ποιῆσαι λέγουσιν Ἀρμαῖον, τὴν δὲ δευτέραν Ἄμωσιν, τὴν δὲ τρίτην Ἰναρῶν. ταύτην δ’ ἔνιοι λέγουσι Ῥοδώπιδοσ τάφον εἶναι τῆσ ἑταίρασ, ἧσ φασι τῶν νομαρχῶν τινασ ἐραστὰσ γενομένουσ διὰ φιλοστοργίαν ἐπιτελέσαι κοινῇ τὸ κατασκεύασμα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 64

(디오도로스 시켈로스, Bibliotheca Historica, book 1, chapter 64)

상위

목록

SEARCH

MENU NAVIGATION