헬라어 문장 검색 - Διοδορ́Βιβλιοτ́1́61́

(디오도로스 시켈로스, Bibliotheca Historica, book 1, chapter 60)

μετὰ δὲ τοῦτον τὸν βασιλέα συχνοὶ τῶν διαδεξαμένων τὴν ἀρχήν τινεσ οὐδὲν ἔπραξαν ἀναγραφῆσ ἄξιον. πολλαῖσ δ’ ὕστερον γενεαῖσ Ἄμασισ γενόμενοσ βασιλεὺσ ἦρχε τῶν ὄχλων βιαιότερον· πολλοὺσ μὲν γὰρ παρὰ τὸ δίκαιον ἐτιμωρεῖτο, συχνοὺσ δὲ τῶν οὐσιῶν ἐστέρισκε, πᾶσι δ’ ὑπεροπτικῶσ καὶ κατὰ πᾶν ὑπερηφάνωσ προσεφέρετο. μέχρι μὲν οὖν τινοσ οἱ πάσχοντεσ ἐκαρτέρουν, οὐ δυνάμενοι κατ’ οὐδένα τρόπον ἀμύνασθαι τοὺσ πλέον ἰσχύοντασ·

ἐπεὶ δ’ Ἀκτισάνησ ὁ τῶν Αἰθιόπων βασιλεὺσ ἐστράτευσεν ἐπ’ αὐτόν, τότε τοῦ μίσουσ καιρὸν λαβόντοσ ἀπέστησαν οἱ πλεῖστοι. διόπερ ῥᾳδίωσ αὐτοῦ χειρωθέντοσ ἡ μὲν Αἴγυπτοσ ἔπεσεν ὑπὸ τὴν τῶν Αἰθιόπων βασιλείαν, ὁ δ’ Ἀκτισάνησ ἀνθρωπίνωσ ἐνέγκασ τὴν εὐτυχίαν ἐπιεικῶσ προσεφέρετο τοῖσ ὑποτεταγμένοισ·

ὅτε δὴ καὶ συνετέλεσεν ἴδιόν τι περὶ τοὺσ λῃστάσ, οὔτε θανατώσασ τοὺσ ἐνόχουσ οὔτε ὁλοσχερῶσ ἀφεὶσ ἀτιμωρήτουσ·

συναγαγὼν γὰρ ἐξ ἁπάσησ τῆσ χώρασ τοὺσ ἐν ἐγκλήμασιν ὄντασ κακουργίασ, καὶ τὴν διάγνωσιν αὐτῶν δικαιοτάτην ποιησάμενοσ, ἤθροισεν ἅπαντασ τοὺσ καταδεδικασμένουσ, ἀποτεμὼν δ’ αὐτῶν τοὺσ μυκτῆρασ κατῴκισεν ἐν τοῖσ ἐσχάτοισ τῆσ ἐρήμου , κτίσασ πόλιν τὴν ἀπὸ τοῦ συμπτώματοσ τῶν οἰκητόρων Ῥινοκόλουρα προσαγορευθεῖσαν.

αὕτη δὲ κειμένη πρὸσ τοῖσ μεθορίοισ τῆσ Αἰγύπτου καὶ Συρίασ οὐ μακρὰν τοῦ παρήκοντοσ αἰγιαλοῦ πάντων σχεδὸν τῶν πρὸσ ἀνθρωπίνην δίαιταν ἀνηκόντων ἐστέρηται·

περιέχει μὲν γὰρ αὐτὴν χώρα πλήρησ ἁλμυρίδοσ ἐντὸσ δὲ τοῦ τείχουσ ὀλίγον ἐστὶν ὕδωρ ἐν φρέασι, καὶ τοῦτο διεφθαρμένον καὶ παντελῶσ τῇ γεύσει πικρόν.

κατῴκισε δ’ αὐτοὺσ εἰσ ταύτην τὴν χώραν, ὅπωσ μήτε τοὺσ ἐξ ἀρχῆσ ἐπιτηδευθέντασ βίουσ διατηροῦντεσ λυμαίνωνται τοὺσ μηδὲν ἀδικοῦντασ, μήτε κατὰ τὰσ πρὸσ τοὺσ ἄλλουσ ἐπιμιξίασ ἀγνοούμενοι λανθάνωσιν.

ἀλλ’ ὅμωσ ἐκριφέντεσ εἰσ χώραν ἔρημον καὶ πάντων σχεδὸν τῶν χρησίμων ἄπορον ἐπενόησαν βίον οἰκεῖον τῆσ περὶ αὐτοὺσ ἐνδείασ, ἀναγκαζούσησ τῆσ φύσεωσ πρὸσ τὴν ἀπορίαν πάντα μηχανᾶσθαι.

καλάμην γὰρ κείροντεσ ἐκ τῆσ ὁμόρου χώρασ, καὶ ταύτην σχίζοντεσ, λίνα παραμήκη κατεσκεύαζον, ταῦτα δὲ παρὰ τὸν αἰγιαλὸν ἐπὶ πολλοὺσ σταδίουσ ἱστάντεσ τὰσ θήρασ τῶν ὀρτύγων ἐποιοῦντο·

φέρονται γὰρ οὗτοι κατ’ ἀγέλασ μείζονασ ἐκ τοῦ πελάγουσ· οὓσ θηρεύοντεσ ἤθροιζον πλῆθοσ ἱκανὸν εἰσ διατροφὴν ἑαυτοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 60

(디오도로스 시켈로스, Bibliotheca Historica, book 1, chapter 60)

상위

목록

SEARCH

MENU NAVIGATION