헬라어 문장 검색 - Διοδορ́Βιβλιοτ́1́58́

(디오도로스 시켈로스, Bibliotheca Historica, book 1, chapter 57)

ὁ δ’ οὖν Σεσόωσισ χώματα πολλὰ καὶ μεγάλα κατασκευάσασ τὰσ πόλεισ εἰσ ταῦτα μετῴκισεν, ὅσαι μὴ φυσικῶσ τὸ ἔδαφοσ ἐτύγχανον ἐπηρμένον ἔχουσαι, ὅπωσ κατὰ τὰσ πληρώσεισ τοῦ ποταμοῦ καταφυγὰσ ἔχωσιν ἀκινδύνουσ οἵ τε ἄνθρωποι καὶ τὰ κτήνη. κατὰ πᾶσαν δὲ τὴν χώραν τὴν ἀπὸ Μέμφεωσ ἐπὶ θάλατταν ὤρυξε πυκνὰσ ἐκ τοῦ ποταμοῦ διώρυχασ, ἵνα τὰσ μὲν συγκομιδὰσ τῶν καρπῶν ποιῶνται συντόμωσ καὶ ῥᾳδίωσ, ταῖσ δὲ πρὸσ ἀλλήλουσ τῶν λαῶν ἐπιμιξίαισ καὶ πᾶσι τοῖσ τόποισ ὑπάρχῃ ῥᾳστώνη καὶ πάντων τῶν πρὸσ ἀπόλαυσιν πολλὴ δαψίλεια·

τὸ δὲ μέγιστον, πρὸσ τὰσ τῶν πολεμίων ἐφόδουσ ὀχυρὰν καὶ δυσέμβολον ἐποίησε τὴν χώραν· τὸν γὰρ πρὸ τοῦ χρόνον ἡ κρατίστη τῆσ Αἰγύπτου πᾶσα σχεδὸν ἱππάσιμοσ οὖσα καὶ ταῖσ συνωρίσιν εὔβατοσ ἀπ’ ἐκείνου τοῦ χρόνου διὰ τὸ πλῆθοσ τῶν ἐκ τοῦ ποταμοῦ διωρύχων δυσεφοδωτάτη γέγονεν.

ἐτείχισε δὲ καὶ τὴν πρὸσ ἀνατολὰσ νεύουσαν πλευρὰν τῆσ Αἰγύπτου πρὸσ τὰσ ἀπὸ τῆσ Συρίασ καὶ τῆσ Ἀραβίασ ἐμβολὰσ ἀπὸ Πηλουσίου μέχρι Ἡλιουπόλεωσ διὰ τῆσ ἐρήμου, τὸ μῆκοσ ἐπὶ σταδίουσ χιλίουσ καὶ πεντακοσίουσ.

ἐναυπηγήσατο δὲ καὶ πλοῖον κέδρινον τὸ μὲν μῆκοσ πηχῶν διακοσίων καὶ ὀγδοήκοντα, τὴν δ’ ἐπιφάνειαν ἔχον τὴν μὲν ἔξωθεν ἐπίχρυσον, τὴν δ’ ἔνδοθεν κατηργυρωμένην·

καὶ τοῦτο μὲν ἀνέθηκε τῷ θεῷ τῷ μάλιστα ἐν Θήβαισ τιμωμένῳ, δύο τε λιθίνουσ ὀβελίσκουσ ἐκ τοῦ σκληροῦ λίθου πηχῶν τὸ ὕψοσ εἴκοσι πρὸσ τοῖσ ἑκατόν, ἐφ’ ὧν ἐπέγραψε τό τε μέγεθοσ τῆσ δυνάμεωσ καὶ τὸ πλῆθοσ τῶν προσόδων καὶ τὸν ἀριθμὸν τῶν καταπολεμηθέντων ἐθνῶν· ἐν Μέμφει δ’ ἐν τῷ τοῦ Ἡφαίστου ἱερῷ μονολίθουσ εἰκόνασ ἑαυτοῦ τε καὶ τῆσ γυναικὸσ τὸ ὕψοσ τριάκοντα πηχῶν, τῶν δ’ υἱῶν εἴκοσι πηχῶν, διὰ σύμπτωμα τοιόνδε. ἐκ τῆσ μεγάλησ στρατείασ ἀνακάμψαντοσ εἰσ Αἴγυπτον τοῦ Σεσοώσιοσ καὶ διατρίβοντοσ περὶ τὸ Πηλούσιον, ἑστιῶν αὐτὸν ὁ ἀδελφὸσ μετὰ τῆσ γυναικὸσ καὶ τῶν τέκνων ἐπιβουλὴν συνεστήσατο·

ἀναπαυσαμένων γὰρ αὐτῶν ἀπὸ τῆσ μέθησ, ἔχων καλάμου ξηροῦ πλῆθοσ ἐκ χρόνου παρεσκευασμένον, καὶ τοῦτο νυκτὸσ τῇ σκηνῇ περιθείσ, ἐνέπρησεν. ἄφνω δὲ τοῦ πυρὸσ ἐκλάμψαντοσ οἱ μὲν ἐπὶ τῆσ θεραπείασ τοῦ βασιλέωσ τεταγμένοι παρεβοήθουν ἀγεννῶσ ὡσ ἂν οἰνωμένοι, ὁ δὲ Σεσόωσισ ἀμφοτέρασ τὰσ χεῖρασ ἀνατείνασ καὶ ὑπὲρ τῆσ σωτηρίασ τῶν τε παίδων καὶ τῆσ γυναικὸσ τοῖσ θεοῖσ εὐξάμενοσ διεξέπεσε διὰ τῆσ φλογόσ.

σωθεὶσ δὲ παραδόξωσ τοὺσ ἄλλουσ θεοὺσ ἐτίμησεν ἀναθήμασι, καθότι προείρηται, πάντων δὲ μάλιστα τὸν Ἥφαιστον, ὡσ ὑπὸ τούτου τετευχὼσ τῆσ σωτηρίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 57

(디오도로스 시켈로스, Bibliotheca Historica, book 1, chapter 57)

상위

목록

SEARCH

MENU NAVIGATION