헬라어 문장 검색 - Διοδορ́Βιβλιοτ́1́57́

(디오도로스 시켈로스, Bibliotheca Historica, book 1, chapter 56)

ὁ δὲ Σεσόωσισ ἀποστήσασ τὰ πλήθη ἀπὸ τῶν πολεμικῶν ἔργων τοῖσ μὲν συνανδραγαθήσασι συνεχώρησε τὴν ῥᾳστώνην καὶ τὴν ἀπόλαυσιν τῶν κατακτηθέντων ἀγαθῶν, αὐτὸσ δὲ φιλόδοξοσ ὢν καὶ τῆσ εἰσ τὸν αἰῶνα μνήμησ ὀρεγόμενοσ κατεσκεύασεν ἔργα μεγάλα καὶ θαυμαστὰ ταῖσ ἐπινοίαισ καὶ ταῖσ χορηγίαισ, ἑαυτῷ μὲν ἀθάνατον περιποιοῦντα δόξαν, τοῖσ δ’ Αἰγυπτίοισ τὴν εἰσ ἅπαντα τὸν χρόνον ἀσφάλειαν μετὰ ῥᾳστώνησ. πρῶτον μὲν γὰρ ἀπὸ θεῶν ἀρξάμενοσ ᾠκοδόμησεν ἐν πάσαισ ταῖσ κατ’ Αἴγυπτον πόλεσιν ἱερὸν θεοῦ τοῦ μάλιστα παρ’ ἑκάστοισ τιμωμένου.

πρὸσ δὲ τὰσ ἐργασίασ τῶν μὲν Αἰγυπτίων οὐδένα παρέλαβε, δι’ αὐτῶν δὲ τῶν αἰχμαλώτων ἅπαντα κατεσκεύασε· διόπερ ἐπὶ πᾶσι τοῖσ ἱεροῖσ ἐπέγραψεν ὡσ οὐδεὶσ ἐγχώριοσ εἰσ αὐτὰ μεμόχθηκε. λέγεται δὲ τῶν αἰχμαλώτων τοὺσ ἐκ τῆσ Βαβυλωνίασ ἁλόντασ ἀποστῆναι τοῦ βασιλέωσ, μὴ δυναμένουσ φέρειν τὰσ ἐν τοῖσ ἔργοισ ταλαιπωρίασ·

οὓσ καταλαβομένουσ παρὰ τὸν ποταμὸν χωρίον καρτερὸν διαπολεμεῖν τοῖσ Αἰγυπτίοισ καὶ τὴν σύνεγγυσ χώραν καταφθείρειν, τέλοσ δὲ δοθείσησ ἀδείασ αὐτοῖσ κατοικῆσαι τὸν τόπον, ὃν καὶ ἀπὸ τῆσ πατρίδοσ Βαβυλῶνα προσαγορεῦσαι. δἰ αἰτίασ δὲ παραπλησίουσ φασὶν ὠνομάσθαι καὶ τὴν Τροίαν τὴν ἔτι νῦν οὖσαν παρὰ τὸν Νεῖλον·

τὸν μὲν γὰρ Μενέλαον ἐξ Ἰλίου πλέοντα μετὰ πολλῶν αἰχμαλώτων παραβαλεῖν εἰσ Αἴγυπτον, τοὺσ δὲ Τρῶασ ἀποστάντασ αὐτοῦ καταλαβέσθαι τινὰ τόπον καὶ διαπολεμῆσαι μέχρι ὅτου συγχωρηθείσησ αὐτοῖσ τῆσ ἀσφαλείασ ἔκτισαν πόλιν, ἣν ὁμώνυμον αὐτοὺσ ποιῆσαι τῇ πατρίδι. οὐκ ἀγνοῶ δ’ ὅτι περὶ τῶν εἰρημένων πόλεων Κτησίασ ὁ Κνίδιοσ διαφόρωσ ἱστόρησε, φήσασ τῶν μετὰ Σεμιράμιδοσ παραβαλόντων εἰσ Αἴγυπτόν τινασ ἐκτικέναι ταύτασ, ἀπὸ τῶν ἰδίων πατρίδων θεμένουσ τὴν προσηγορίαν.

περὶ δὲ τούτων τὸ μὲν ἀληθὲσ ἐκθέσθαι μετὰ ἀκριβείασ οὐ ῥᾴδιον, τὸ δ’ ἀναγραφῆσ ἀξιῶσαι τὰ διαφωνούμενα παρὰ τοῖσ συγγραφεῦσιν ἀναγκαῖον, ὅπωσ ἀκέραιοσ ἡ περὶ τῆσ ἀληθείασ κρίσισ ἀπολείπηται.

τοῖσ ἀναγινώσκουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 56

(디오도로스 시켈로스, Bibliotheca Historica, book 1, chapter 56)

상위

목록

SEARCH

MENU NAVIGATION