헬라어 문장 검색 - Διοδορ́Βιβλιοτ́1́54́

(디오도로스 시켈로스, Bibliotheca Historica, book 1, chapter 53)

Σεσόωσιν δέ φασιν ὕστερον ἑπτὰ γενεαῖσ βασιλέα γενόμενον ἐπιφανεστάτασ καὶ μεγίστασ τῶν πρὸ αὐτοῦ πράξεισ ἐπιτελέσασθαι. ἐπεὶ δὲ περὶ τούτου τοῦ βασιλέωσ οὐ μόνον οἱ συγγραφεῖσ οἱ παρὰ τοῖσ Ἕλλησι διαπεφωνήκασι πρὸσ ἀλλήλουσ, ἀλλὰ καὶ τῶν κατ’ Αἴγυπτον οἵ τε ἱερεῖσ καὶ οἱ διὰ τῆσ ᾠδῆσ αὐτὸν ἐγκωμιάζοντεσ οὐχ ὁμολογούμενα λέγουσιν, ἡμεῖσ πειρασόμεθα τὰ πιθανώτατα καὶ τοῖσ ὑπάρχουσιν ἔτι κατὰ τὴν χώραν σημείοισ τὰ μάλιστα συμφωνοῦντα διελθεῖν. γεννηθέντοσ γὰρ τοῦ Σεσοώσιοσ ἐποίησεν ὁ πατὴρ αὐτοῦ μεγαλοπρεπέσ τι καὶ βασιλικόν·

τοὺσ γὰρ κατὰ τὴν αὐτὴν ἡμέραν γεννηθέντασ παῖδασ ἐξ ὅλησ τῆσ Αἰγύπτου συναγαγὼν καὶ τροφοὺσ καὶ τοὺσ ἐπιμελησομένουσ ἐπιστήσασ τὴν αὐτὴν ἀγωγὴν καὶ παιδείαν ὡρ́ισε τοῖσ πᾶσιν, ὑπολαμβάνων τοὺσ μάλιστα συντραφέντασ καὶ τῆσ αὐτῆσ παρρησίασ κεκοινωνηκότασ εὐνουστάτουσ καὶ συναγωνιστὰσ ἐν τοῖσ πολέμοισ ἀρίστουσ ἔσεσθαι. πάντα δὲ δαψιλῶσ χορηγήσασ διεπόνησε τοὺσ παῖδασ ἐν γυμνασίοισ συνεχέσι καὶ πόνοισ·

οὐδενὶ γὰρ αὐτῶν ἐξῆν προσενέγκασθαι τροφήν, εἰ μὴ πρότερον δράμοι σταδίουσ ἑκατὸν καὶ ὀγδοήκοντα. διὸ καὶ πάντεσ ἀνδρωθέντεσ ὑπῆρξαν ἀθληταὶ μὲν τοῖσ σώμασιν εὔρωστοι, ἡγεμονικοὶ δὲ καὶ καρτερικοὶ ταῖσ ψυχαῖσ διὰ τὴν τῶν ἀρίστων ἐπιτηδευμάτων ἀγωγήν.

τὸ μὲν οὖν πρῶτον ὁ Σεσόωσισ ἀποσταλεὶσ ὑπὸ τοῦ πατρὸσ μετὰ δυνάμεωσ εἰσ τὴν Ἀραβίαν, συστρατευομένων καὶ τῶν συντρόφων, περί τε τὰσ θήρασ διεπονήθη καὶ ταῖσ ἀνυδρίαισ καὶ σπανοσιτίαισ ἐγκαρτερήσασ κατεστρέψατο τὸ ἔθνοσ ἅπαν τὸ τῶν Ἀράβων, ἀδούλωτον τὸν πρὸ τοῦ χρόνον γεγονόσ·

ἔπειτα εἰσ τοὺσ πρὸσ τὴν ἑσπέραν τόπουσ ἀποσταλεὶσ τὴν πλείστην τῆσ Λιβύησ ὑπήκοον ἐποιήσατο, παντελῶσ νέοσ ὢν τὴν ἡλικίαν.

τοῦ δὲ πατρὸσ τελευτήσαντοσ διαδεξάμενοσ τὴν βασιλείαν καὶ ταῖσ προκατεργασθείσαισ πράξεσι μετεωρισθείσ, ἐπεβάλετο τὴν οἰκουμένην κατακτήσασθαι.

ἔνιοι δὲ λέγουσιν αὐτὸν ὑπὸ τῆσ ἰδίασ θυγατρὸσ Ἀθύρτιοσ παρακληθῆναι πρὸσ τὴν τῶν ὅλων δυναστείαν, ἣν οἱ μὲν συνέσει πολὺ τῶν ἄλλων διαφέρουσάν φασι διδάξαι τὸν πατέρα ῥᾳδίωσ ἐσομένην τὴν στρατείαν, οἱ δὲ μαντικῇ χρωμένην καὶ τὸ μέλλον ἔσεσθαι προγινώσκουσαν ἔκ τε τῆσ θυτικῆσ καὶ τῆσ ἐγκοιμήσεωσ τῆσ ἐν τοῖσ ἱεροῖσ, ἔτι δὲ τῶν κατὰ τὸν οὐρανὸν γινομένων σημείων.

γεγράφασι δέ τινεσ καὶ διότι κατὰ τὴν γένεσιν τοῦ Σεσοώσιοσ ὁ πατὴρ αὐτοῦ καθ’ ὕπνον δόξαι τὸν Ἥφαιστον αὐτῷ λέγειν ὅτι πάσησ τῆσ οἰκουμένησ ὁ γεννηθεὶσ παῖσ κρατήσει.

διὰ ταύτην οὖν τὴν αἰτίαν τὸν μὲν πατέρα τοὺσ ἡλικιώτασ τοῦ προειρημένου ἀθροῖσαι καὶ βασιλικῆσ ἀγωγῆσ ἀξιῶσαι, προκατασκευαζόμενον εἰσ τὴν τῶν ὅλων ἐπίθεσιν, αὐτὸν δ’ ἀνδρωθέντα καὶ τῇ τοῦ θεοῦ προρρήσει πιστεύσαντα κατενεχθῆναι πρὸσ τὴν εἰρημένην στρατείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 53

(디오도로스 시켈로스, Bibliotheca Historica, book 1, chapter 53)

상위

목록

SEARCH

MENU NAVIGATION