헬라어 문장 검색 - Διοδορ́Βιβλιοτ́1́52́

(디오도로스 시켈로스, Bibliotheca Historica, book 1, chapter 51)

ὁ δὲ τὴν Μέμφιν κτίσασ μετὰ τὴν τοῦ χώματοσ καὶ τῆσ λίμνησ κατασκευὴν ᾠκοδόμησε βασίλεια τῶν μὲν παρὰ τοῖσ ἄλλοισ οὐ λειπόμενα, τῆσ δὲ τῶν προβασιλευσάντων μεγαλοψυχίασ καὶ φιλοκαλίασ οὐκ ἄξια. οἱ γὰρ ἐγχώριοι τὸν μὲν ἐν τῷ ζῆν χρόνον εὐτελῆ παντελῶσ εἶναι νομίζουσι, τὸν δὲ μετὰ τὴν τελευτὴν δι’ ἀρετὴν μνημονευθησόμενον περὶ πλείστου ποιοῦνται, καὶ τὰσ μὲν τῶν ζώντων οἰκήσεισ καταλύσεισ ὀνομάζουσιν, ὡσ ὀλίγον χρόνον ἐν ταύταισ οἰκούντων ἡμῶν, τοὺσ δὲ τῶν τετελευτηκότων τάφουσ ἀιδίουσ οἴκουσ προσαγορεύουσιν, ὡσ ἐν ᾅδου διατελούντων τὸν ἄπειρον αἰῶνα·

διόπερ τῶν μὲν κατὰ τὰσ οἰκίασ κατασκευῶν ἧττον φροντίζουσι, περὶ δὲ τὰσ ταφὰσ ὑπερβολὴν οὐκ ἀπολείπουσι φιλοτιμίασ. τὴν δὲ προειρημένην πόλιν ὀνομασθῆναί τινέσ φασιν ἀπὸ τῆσ θυγατρὸσ τοῦ κτίσαντοσ αὐτὴν βασιλέωσ.

ταύτησ δὲ μυθολογοῦσιν ἐρασθῆναι τὸν ποταμὸν Νεῖλον ὁμοιωθέντα ταύρῳ, καὶ γεννῆσαι τὸν ἐπ’ ἀρετῇ θαυμασθέντα παρὰ τοῖσ ἐγχωρίοισ Αἴγυπτον, ἀφ’ οὗ καὶ τὴν σύμπασαν χώραν τυχεῖν τῆσ προσηγορίασ. διαδεξάμενον γὰρ τοῦτον τὴν ἡγεμονίαν γενέσθαι βασιλέα φιλάνθρωπον καὶ δίκαιον καὶ καθόλου σπουδαῖον ἐν πᾶσι·

διὸ καὶ μεγάλησ ἀποδοχῆσ ἀξιούμενον ὑπὸ πάντων διὰ τὴν εὔνοιαν τυχεῖν τῆσ προειρημένησ τιμῆσ. μετὰ δὲ τὸν προειρημένον βασιλέα δώδεκα γενεαῖσ ὕστερον διαδεξάμενοσ τὴν κατ’ Αἴγυπτον ἡγεμονίαν Μοῖρισ ἐν μὲν τῇ Μέμφει κατεσκεύασε τὰ βόρεια προπύλαια, τῇ μεγαλοπρεπείᾳ πολὺ τῶν ἄλλων ὑπερέχοντα, ἐπάνω δὲ τῆσ πόλεωσ ἀπὸ δέκα σχοίνων λίμνην ὤρυξε τῇ μὲν εὐχρηστίᾳ θαυμαστήν, τῷ δὲ μεγέθει τῶν ἔργων ἄπιστον·

τὴν μὲν γὰρ περίμετρον αὐτῆσ φασιν ὑπάρχειν σταδίων τρισχιλίων καὶ ἑξακοσίων, τὸ δὲ βάθοσ ἐν τοῖσ πλείστοισ μέρεσιν ὀργυιῶν πεντήκοντα·

ὥστε τίσ οὐκ ἂν ἀναλογιζόμενοσ τὸ μέγεθοσ τοῦ κατασκευάσματοσ εἰκότωσ ζητήσαι πόσαι μυριάδεσ ἀνδρῶν ἐν πόσοισ ἔτεσι τοῦτο συνετέλεσαν; τὴν δὲ χρείαν τὴν ἐκ ταύτησ καὶ κοινωφελίαν τοῖσ τὴν Αἴγυπτον οἰκοῦσιν, ἔτι δὲ τὴν τοῦ βασιλέωσ ἐπίνοιαν, οὐκ ἄν τισ ἐπαινέσειε τῆσ ἀληθείασ ἀξίωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 51

(디오도로스 시켈로스, Bibliotheca Historica, book 1, chapter 51)

상위

목록

SEARCH

MENU NAVIGATION