헬라어 문장 검색 - Διοδορ́Βιβλιοτ́1́51́

(디오도로스 시켈로스, Bibliotheca Historica, book 1, chapter 50)

ἀλλὰ καὶ τῇ τῶν τεχνιτῶν ἐπινοίᾳ. οἱ δὲ Θηβαῖοί φασιν ἑαυτοὺσ ἀρχαιοτάτουσ εἶναι πάντων ἀνθρώπων καὶ παρ’ ἑαυτοῖσ πρώτοισ φιλοσοφίαν τε εὑρῆσθαι καὶ τὴν ἐπ’ ἀκριβὲσ ἀστρολογίαν, ἅμα καὶ τῆσ χώρασ αὐτοῖσ συνεργούσησ πρὸσ τὸ τηλαυγέστερον ὁρᾶν τὰσ ἐπιτολάσ τε καὶ δύσεισ τῶν ἄστρων. ἰδίωσ δὲ καὶ τὰ περὶ τοὺσ μῆνασ αὐτοῖσ καὶ τοὺσ ἐνιαυτοὺσ διατετάχθαι.

τὰσ γὰρ ἡμέρασ οὐκ ἄγουσι κατὰ σελήνην, ἀλλὰ κατὰ τὸν ἥλιον, τριακονθημέρουσ μὲν τιθέμενοι τοὺσ μῆνασ, πέντε δ’ ἡμέρασ καὶ τέταρτον τοῖσ δώδεκα μησὶν ἐπάγουσι, καὶ τούτῳ τῷ τρόπῳ τὸν ἐνιαύσιον κύκλον ἀναπληροῦσιν. ἐμβολίμουσ δὲ μῆνασ οὐκ ἄγουσιν οὐδ’ ἡμέρασ ὑφαιροῦσι, καθάπερ οἱ πλεῖστοι τῶν Ἑλλήνων. περὶ δὲ τῶν ἐκλείψεων ἡλίου τε καὶ σελήνησ ἀκριβῶσ ἐπεσκέφθαι δοκοῦσι, καὶ προρρήσεισ περὶ τούτων ποιοῦνται, πάντα τὰ κατὰ μέροσ γινόμενα προλέγοντεσ ἀδιαπτώτωσ. τῶν δὲ τούτου τοῦ βασιλέωσ ἀπογόνων ὄγδοοσ ὁ προσαγορευθεὶσ Οὐχορεὺσ ἔκτισε πόλιν Μέμφιν, ἐπιφανεστάτην τῶν κατ’ Αἴγυπτον.

ἐξελέξατο μὲν γὰρ τόπον ἐπικαιρότατον ἁπάσησ τῆσ χώρασ, ὅπου σχιζόμενοσ ὁ Νεῖλοσ εἰσ πλείονα μέρη ποιεῖ τὸ καλούμενον ἀπὸ τοῦ σχήματοσ Δέλτα· διὸ καὶ συνέβη τὴν πόλιν εὐκαίρωσ κειμένην ἐπὶ τῶν κλείθρων εἶναι κυριεύουσαν τῶν εἰσ τὴν ἄνω χώραν ἀναπλεόντων. τὸ μὲν οὖν περίβολον τῆσ πόλεωσ ἐποίησε σταδίων ἑκατὸν καὶ πεντήκοντα, τὴν δ’ ὀχυρότητα καὶ τὴν εὐχρηστίαν θαυμαστήν, τοιῷδέ τινι τρόπῳ κατασκευάσασ.

ῥέοντοσ γὰρ τοῦ Νείλου περὶ τὴν πόλιν καὶ κατὰ τὰσ ἀναβάσεισ ἐπικλύζοντοσ, ἀπὸ μὲν τοῦ νότου προεβάλετο χῶμα παμμέγεθεσ, πρὸσ μὲν τὴν πλήρωσιν τοῦ ποταμοῦ προβλήματοσ, πρὸσ δὲ τοὺσ ἀπὸ τῆσ γῆσ πολεμίουσ ἀκροπόλεωσ ἔχον τάξιν·

ἐκ δὲ τῶν ἄλλων μερῶν πανταχόθεν ὤρυξε λίμνην μεγάλην καὶ βαθεῖαν, ἣ τὸ σφοδρὸν τοῦ ποταμοῦ δεχομένη καὶ πάντα τὸν περὶ τὴν πόλιν τόπον πληροῦσα, πλὴν ᾗ τὸ χῶμα κατεσκεύαστο, θαυμαστὴν ἐποίει τὴν ὀχυρότητα. οὕτω δὲ καλῶσ ὁ κτίσασ αὐτὴν ἐστοχάσατο τῆσ τῶν τόπων εὐκαιρίασ ὥστε τοὺσ ἑξῆσ βασιλεῖσ σχεδὸν ἅπαντασ καταλιπόντασ τὰσ Θήβασ τά τε βασίλεια καὶ τὴν οἴκησιν ἐν ταύτῃ ποιεῖσθαι.

διόπερ ἀπὸ τούτων τῶν χρόνων ἤρξατο ταπεινοῦσθαι μὲν τὰ περὶ τὰσ Θήβασ, αὔξεσθαι δὲ τὰ περὶ τὴν Μέμφιν, ἑώσ Ἀλεξάνδρου τοῦ βασιλέωσ· τούτου γὰρ ἐπὶ θαλάττῃ τὴν ἐπώνυμον αὐτῷ πόλιν οἰκίσαντοσ οἱ κατὰ τὸ ἑξῆσ βασιλεύσαντεσ τῆσ Αἰγύπτου πάντεσ ἐφιλοτιμήθησαν εἰσ τὴν ταύτησ αὔξησιν. οἱ μὲν γὰρ βασιλείοισ μεγαλοπρεπέσιν, οἱ δὲ νεωρίοισ καὶ λιμέσιν, οἱ δ’ ἑτέροισ ἀναθήμασι καὶ κατασκευάσμασιν ἀξιολόγοισ ἐπὶ τοσοῦτον ἐκόσμησαν αὐτὴν ὥστε παρὰ τοῖσ πλείστοισ πρώτην ἢ δευτέραν ἀριθμεῖσθαι τῶν κατὰ τὴν οἰκουμένην πόλεων.

ἀλλὰ περὶ μὲν ταύτησ τὰ κατὰ μέροσ ἐν τοῖσ ἰδίοισ χρόνοισ ἀναγράψομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 50

(디오도로스 시켈로스, Bibliotheca Historica, book 1, chapter 50)

상위

목록

SEARCH

MENU NAVIGATION