헬라어 문장 검색 - Διοδορ́Βιβλιοτ́1́50́

(디오도로스 시켈로스, Bibliotheca Historica, book 1, chapter 49)

ἑξῆσ δ’ ὑπάρχειν περίπατον οἴκων παντοδαπῶν πλήρη, καθ’ οὓσ παντοῖα γένη βρωτῶν κατεσκευάσθαι τῶν πρὸσ ἀπόλαυσιν ἡδίστων. καθ’ ὃν δὴ γλυφαῖσ ἐντυχεῖν εἶναι καὶ χρώμασιν ἐπηνθισμένον τὸν βασιλέα, φέροντα τῷ θεῷ χρυσὸν καὶ ἄργυρον, ὃν ἐξ ἁπάσησ ἐλάμβανε τῆσ Αἰγύπτου κατ’ ἐνιαυτὸν ἐκ τῶν ἀργυρείων καὶ χρυσείων μετάλλων·

ὑπογεγράφθαι δὲ καὶ τὸ πλῆθοσ, ὃ συγκεφαλαιούμενον εἰσ ἀργυρίου λόγον εἶναι μνῶν τρισχιλίασ καὶ διακοσίασ μυριάδασ. ἑξῆσ δ’ ὑπάρχειν τὴν ἱερὰν βιβλιοθήκην, ἐφ’ ἧσ ἐπιγεγράφθαι Ψυχῆσ ἰατρεῖον, συνεχεῖσ δὲ ταύτῃ τῶν κατ’ Αἴγυπτον θεῶν ἁπάντων εἰκόνασ, τοῦ βασιλέωσ ὁμοίωσ δωροφοροῦντοσ ἃ προσῆκον ἦν ἑκάστοισ, καθάπερ ἐνδεικνυμένου πρόσ τε τὸν Ὄσιριν καὶ τοὺσ κάτω παρέδρουσ ὅτι τὸν βίον ἐξετέλεσεν εὐσεβῶν καὶ δικαιοπραγῶν πρόσ τε ἀνθρώπουσ καὶ θεούσ.

ὁμότοιχον δὲ τῇ βιβλιοθήκῃ κατεσκευάσθαι περιττῶσ οἶκον εἰκοσίκλινον, ἔχοντα τοῦ τε Διὸσ καὶ τῆσ Ἥρασ, ἔτι δὲ τοῦ βασιλέωσ εἰκόνασ, ἐν ᾧ δοκεῖν καὶ τὸ σῶμα τοῦ βασιλέωσ ἐντεθάφθαι.

κύκλῳ δὲ τούτου πλῆθοσ οἰκημάτων κατεσκευάσθαι γραφὴν ἐχόντων ἐκπρεπῆ πάντων τῶν καθιερωμένων ἐν Αἰγύπτῳ ζῴων·

ἀνάβασίν τε δι’ αὐτῶν εἶναι πρὸσ ὅλον τὸν τάφον· ἣν διελθοῦσιν ὑπάρχειν ἐπὶ τοῦ μνήματοσ κύκλον χρυσοῦν τριακοσίων καὶ ἑξήκοντα καὶ πέντε πηχῶν τὴν περίμετρον, τὸ δὲ πάχοσ πηχυαῖον· ἐπιγεγράφθαι δὲ καὶ διῃρῆσθαι καθ’ ἕκαστον πῆχυν τὰσ ἡμέρασ τοῦ ἐνιαυτοῦ, παραγεγραμμένων τῶν κατὰ φύσιν γινομένων τοῖσ ἄστροισ ἀνατολῶν τε καὶ δύσεων καὶ τῶν διὰ ταύτασ ἐπιτελουμένων ἐπισημασιῶν κατὰ τοὺσ Αἰγυπτίουσ ἀστρολόγουσ. τοῦτον δὲ τὸν κύκλον ὑπὸ Καμβύσου καὶ Περσῶν ἔφασαν σεσυλῆσθαι καθ’ οὓσ χρόνουσ ἐκράτησεν Αἰγύπτου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 49

(디오도로스 시켈로스, Bibliotheca Historica, book 1, chapter 49)

상위

목록

SEARCH

MENU NAVIGATION