헬라어 문장 검색 - Διοδορ́Βιβλιοτ́1́49́

(디오도로스 시켈로스, Bibliotheca Historica, book 1, chapter 48)

καὶ κατὰ μὲν τὸν πρῶτον τῶν τοίχων τὸν βασιλέα κατεσκευάσθαι πολιορκοῦντα τεῖχοσ ὑπὸ ποταμοῦ περίρρυτον καὶ προκινδυνεύοντα πρόσ τινασ ἀντιτεταγμένουσ μετὰ λέοντοσ, συναγωνιζομένου τοῦ θηρίου καταπληκτικῶσ· ὑπὲρ οὗ τῶν ἐξηγουμένων οἱ μὲν ἔφασαν πρὸσ ἀλήθειαν χειροήθη λέοντα τρεφόμενον ὑπὸ τοῦ βασιλέωσ συγκινδυνεύειν αὐτῷ κατὰ τὰσ μάχασ καὶ τροπὴν ποιεῖν τῶν ἐναντίων διὰ τὴν ἀλκήν, τινὲσ δ’ ἱστόρουν ὅτι καθ’ ὑπερβολὴν ἀνδρεῖοσ ὢν καὶ φορτικῶσ ἑαυτὸν ἐγκωμιάζειν βουλόμενοσ, διὰ τῆσ τοῦ λέοντοσ εἰκόνοσ τὴν διάθεσιν ἑαυτοῦ τῆσ ψυχῆσ ἐσήμαινεν. ἐν δὲ τῷ δευτέρῳ τοίχῳ τοὺσ αἰχμαλώτουσ ὑπὸ τοῦ βασιλέωσ ἀγομένουσ εἰργάσθαι τά τε αἰδοῖα καὶ τὰσ χεῖρασ οὐκ ἔχοντασ, δι’ ὧν δοκεῖν δηλοῦσθαι διότι ταῖσ ψυχαῖσ ἄνανδροι καὶ κατὰ τὰσ ἐν τοῖσ δεινοῖσ ἐνεργείασ ἄχειρεσ ἦσαν.

τὸν δὲ τρίτον ἔχειν γλυφὰσ παντοίασ καὶ διαπρεπεῖσ γραφάσ, δι’ ὧν δηλοῦσθαι βουθυσίασ τοῦ βασιλέωσ καὶ θρίαμβον ἀπὸ τοῦ πολέμου καταγόμενον.

κατὰ δὲ μέσον τὸν περίστυλον ὑπαίθριον βωμὸν ᾠκοδομῆσθαι τοῦ καλλίστου λίθου τῇ τε χειρουργίᾳ διάφορον καὶ τῷ μεγέθει θαυμαστόν.

κατὰ δὲ τὸν τελευταῖον τοῖχον ὑπάρχειν ἀνδριάντασ καθημένουσ δύο μονολίθουσ ἑπτὰ καὶ εἴκοσι πηχῶν, παρ’ οὓσ εἰσόδουσ τρεῖσ ἐκ τοῦ περιστύλου κατεσκευάσθαι, καθ’ ἃσ οἶκον ὑπάρχειν ὑπόστυλον, ᾠδείου τρόπον κατεσκευασμένον, ἑκάστην πλευρὰν ἔχοντα δίπλεθρον.

ἐν τούτῳ δ’ εἶναι πλῆθοσ ἀνδριάντων ξυλίνων, διασημαῖνον τοὺσ ἀμφισβητήσεισ ἔχοντασ καὶ προσβλέποντασ τοῖσ τὰσ δίκασ κρίνουσι·

τούτουσ δ’ ἐφ’ ἑνὸσ τῶν τοίχων ἐγγεγλύφθαι τριάκοντα τὸν ἀριθμόν, καὶ κατὰ τὸ μέσον τὸν ἀρχιδικαστήν, ἔχοντα τὴν ἀλήθειαν ἐξηρτημένην ἐκ τοῦ τραχήλου καὶ τοῦσ ὀφθαλμοὺσ ἐπιμύοντα, καὶ βιβλίων αὐτῷ παρακείμενον πλῆθοσ· ταύτασ δὲ τὰσ εἰκόνασ ἐνδείκνυσθαι διὰ τοῦ σχήματοσ ὅτι τοὺσ μὲν δικαστὰσ οὐδὲν δεῖ λαμβάνειν, τὸν ἀρχιδικαστὴν δὲ πρὸσ μόνην βλέπειν τὴν ἀλήθειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 48

(디오도로스 시켈로스, Bibliotheca Historica, book 1, chapter 48)

상위

목록

SEARCH

MENU NAVIGATION