헬라어 문장 검색 - Διοδορ́Βιβλιοτ́1́48́

(디오도로스 시켈로스, Bibliotheca Historica, book 1, chapter 47)

ἀπὸ γὰρ τῶν πρώτων τάφων, ἐν οἷσ παραδέδοται τὰσ παλλακίδασ τοῦ Διὸσ τεθάφθαι, δέκα σταδίων φησὶν ὑπάρξαι βασιλέωσ μνῆμα τοῦ προσαγορευθέντοσ Ὀσυμανδύου. τούτου δὲ κατὰ μὲν τὴν εἴσοδον ὑπάρχειν πυλῶνα λίθου ποικίλου, τὸ μὲν μῆκοσ δίπλεθρον, τὸ δ’ ὕψοσ τετταράκοντα καὶ πέντε πηχῶν· διελθόντι δ’ αὐτὸν εἶναι λίθινον περίστυλον τετράγωνον, ἑκάστησ πλευρᾶσ οὔσησ τεττάρων πλέθρων·

ὑπηρεῖσθαι δ’ ἀντὶ τῶν κιόνων ζῴδια πηχῶν ἑκκαίδεκα μονόλιθα, τὸν τύπον εἰσ τὸν ἀρχαῖον τρόπον εἰργασμένα· τὴν ὀροφήν τε πᾶσαν ἐπὶ πλάτοσ δυοῖν ὀργυιῶν ὑπάρχειν μονόλιθον, ἀστέρασ ἐν κυανῷ καταπεποικιλμένην· ἑξῆσ δὲ τοῦ περιστύλου τούτου πάλιν ἑτέραν εἴσοδον καὶ πυλῶνα τὰ μὲν ἄλλα παραπλήσιον τῷ προειρημένῳ, γλυφαῖσ δὲ παντοίαισ περιττότερον εἰργασμένον· παρὰ δὲ τὴν εἴσοδον ἀνδριάντασ εἶναι τρεῖσ ἐξ ἑνὸσ τοὺσ πάντασ λίθου μέλανοσ τοῦ Συηνίτου, καὶ τούτων ἕνα μὲν καθήμενον ὑπάρχειν μέγιστον πάντων τῶν κατ’ Αἴγυπτον, οὗ τὸν πόδα μετρούμενον ὑπερβάλλειν τοὺσ ἑπτὰ πήχεισ, ἑτέρουσ δὲ δύο πρὸσ τοῖσ γόνασι, τὸν μὲν ἐκ δεξιῶν, τὸν δὲ ἐξ εὐωνύμων, θυγατρὸσ καὶ μητρόσ, τῷ μεγέθει λειπομένουσ τοῦ προειρημένου.

τὸ δ’ ἔργον τοῦτο μὴ μόνον εἶναι κατὰ τὸ μέγεθοσ ἀποδοχῆσ ἄξιον, ἀλλὰ καὶ τῇ τέχνῃ θαυμαστὸν καὶ τῇ τοῦ λίθου φύσει διαφέρον, ὡσ ἂν ἐν τηλικούτῳ μεγέθει μήτε διαφυάδοσ μήτε κηλῖδοσ μηδεμιᾶσ θεωρουμένησ.

"βασιλεὺσ βασιλέων Ὀσυμανδύασ εἰμί. εἰ δέ τισ εἰδέναι βούλεται πηλίκοσ εἰμὶ καὶ ποῦ κεῖμαι, νικάτω τι τῶν ἐμῶν ἔργων. εἶναι δὲ καὶ ἄλλην εἰκόνα τῆσ μητρὸσ αὐτοῦ καθ’ αὑτὴν πηχῶν εἴκοσι μονόλιθον, ἔχουσαν δὲ τρεῖσ βασιλείασ ἐπὶ τῆσ κεφαλῆσ, ἃσ διασημαίνειν ὅτι καὶ θυγάτηρ καὶ γυνὴ καὶ μήτηρ βασιλέωσ ὑπῆρξε.

μετὰ δὲ τὸν πυλῶνα περίστυλον εἶναι τοῦ προτέρου ἀξιολογώτερον, ἐν ᾧ γλυφὰσ ὑπάρχειν παντοίασ δηλούσασ τὸν πόλεμον τὸν γενόμενον αὐτῷ πρὸσ τοὺσ ἐν τοῖσ Βάκτροισ ἀποστάντασ·

ἐφ’ οὓσ ἐστρατεῦσθαι πεζῶν μὲν τετταράκοντα μυριάσιν, ἱππεῦσι δὲ δισμυρίοισ, εἰσ τέτταρα μέρη διῃρημένησ τῆσ πάσησ στρατιᾶσ, ὧν ἁπάντων υἱοὺσ τοῦ βασιλέωσ ἐσχηκέναι τὴν ἡγεμονίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 47

(디오도로스 시켈로스, Bibliotheca Historica, book 1, chapter 47)

상위

목록

SEARCH

MENU NAVIGATION