헬라어 문장 검색 - Διοδορ́Βιβλιοτ́1́42́

(디오도로스 시켈로스, Bibliotheca Historica, book 1, chapter 41)

Οἰνοπίδησ δὲ ὁ Χῖόσ φησι κατὰ μὲν τὴν θερινὴν ὡρ́αν τὰ ὕδατα κατὰ τὴν γῆν εἶναι ψυχρά, τοῦ δὲ χειμῶνοσ τοὐναντίον θερμά, καὶ τοῦτο εὔδηλον ἐπὶ τῶν βαθέων φρεάτων γίνεσθαι· κατὰ μὲν γὰρ τὴν ἀκμὴν τοῦ χειμῶνοσ ἥκιστα τὸ ὕδωρ ἐν αὐτοῖσ ὑπάρχειν ψυχρόν, κατὰ δὲ τὰ μέγιστα καύματα ψυχρότατον ἐξ αὐτῶν ὑγρὸν ἀναφέρεσθαι. διὸ καὶ τὸν Νεῖλον εὐλόγωσ κατὰ μὲν τὸν χειμῶνα μικρὸν εἶναι καὶ συστέλλεσθαι, διὰ τὸ τὴν μὲν κατὰ γῆν θερμασίαν τὸ πολὺ τῆσ ὑγρᾶσ οὐσίασ ἀναλίσκειν, ὄμβρουσ δὲ κατὰ τὴν Αἴγυπτον μὴ γίνεσθαι·

κατὰ δὲ τὸ θέροσ μηκέτι τῆσ κατὰ γῆν ἀπαναλώσεωσ γινομένησ ἐν τοῖσ κατὰ βάθοσ τόποισ πληροῦσθαι τὴν κατὰ φύσιν αὐτοῦ ῥύσιν ἀνεμποδίστωσ. ῥητέον δὲ καὶ πρὸσ τοῦτον ὅτι πολλοὶ ποταμοὶ τῶν κατὰ τὴν Λιβύην ὁμοίωσ μὲν κείμενοι τοῖσ στόμασι, παραπλησίουσ δὲ τὰσ ῥύσεισ ποιούμενοι, τὴν ἀνάβασιν οὐκ ἔχουσιν ἀνάλογον τῷ Νείλῳ·

τοὐναντίον γὰρ ἐν μὲν τῷ χειμῶνι πληρούμενοι, κατὰ δὲ τὸ θέροσ λήγοντεσ ἐλέγχουσι τὸ ψεῦδοσ τοῦ πειρωμένου τοῖσ πιθανοῖσ καταμάχεσθαι τὴν ἀλήθειαν. ἔγγιστα δὲ τῇ ἀληθείᾳ προσελήλυθεν Ἀγαθαρχίδησ ὁ Κνίδιοσ.

φησὶ γὰρ κατ’ ἐνιαυτὸν ἐν τοῖσ κατὰ τὴν Αἰθιοπίαν ὄρεσι γίνεσθαι συνεχεῖσ ὄμβρουσ ἀπὸ θερινῶν τροπῶν μέχρι τῆσ μετοπωρινῆσ ἰσημερίασ· εὐλόγωσ οὖν τὸν Νεῖλον ἐν μὲν τῷ χειμῶνι συστέλλεσθαι, τὴν κατὰ φύσιν ἔχοντα ῥύσιν ἀπὸ μόνων τῶν πηγῶν, κατὰ δὲ τὸ θέροσ διὰ τοὺσ ἐκχεομένουσ ὄμβρουσ λαμβάνειν τὴν αὔξησιν.

εἰ δὲ τὰσ αἰτίασ μηδεὶσ ἀποδοῦναι δύναται μέχρι τοῦ νῦν τῆσ τῶν ὑδάτων γενέσεωσ, οὐ προσήκειν ἀθετεῖσθαι τὴν ἰδίαν ἀπόφασιν·

πολλὰ γὰρ τὴν φύσιν ἐναντίωσ φέρειν, ὧν τὰσ αἰτίασ οὐκ ἐφικτὸν ἀνθρώποισ ἀκριβῶσ ἐξευρεῖν. μαρτυρεῖν δὲ τοῖσ ὑφ’ ἑαυτοῦ λεγομένοισ καὶ τὸ γινόμενον περί τινασ τόπουσ τῆσ Ἀσίασ·

πρὸσ μὲν γὰρ τοῖσ ὁρ́οισ τῆσ Σκυθίασ τοῖσ πρὸσ τὸ Καυκάσιον ὄροσ συνάπτουσι, παρεληλυθότοσ ἤδη τοῦ χειμῶνοσ, καθ’ ἕκαστον ἔτοσ νιφετοὺσ ἐξαισίουσ γίνεσθαι συνεχῶσ ἐπὶ πολλὰσ ἡμέρασ, ἐν δὲ τοῖσ πρὸσ βορρᾶν ἐστραμμένοισ μέρεσι τῆσ Ἰνδικῆσ ὡρισμένοισ καιροῖσ καὶ χάλαζαν ἄπιστον τὸ μέγεθοσ καὶ τὸ πλῆθοσ καταράττειν, καὶ περὶ μὲν τὸν Ὑδάσπην ποταμὸν ἀρχομένου θέρουσ συνεχεῖσ ὄμβρουσ γίνεσθαι, κατὰ δὲ τὴν Αἰθιοπίαν μεθ’ ἡμέρασ τινὰσ ταὐτὸ συμβαίνειν, καὶ ταύτην τὴν περίστασιν κυκλουμένην ἀεὶ τοὺσ συνεχεῖσ τόπουσ χειμάζειν. οὐδὲν οὖν εἶναι παράδοξον εἰ καὶ κατὰ τὴν Αἰθιοπίαν τὴν κειμένην ὑπὲρ Αἰγύπτου συνεχεῖσ ἐν τοῖσ ὄρεσιν ὄμβροι καταράττοντεσ ἐν τῷ θέρει πληροῦσι τὸν ποταμόν, ἄλλωσ τε καὶ τῆσ ἐναργείασ αὐτῆσ μαρτυρουμένησ ὑπὸ τῶν περὶ τοὺσ τόπουσ οἰκούντων βαρβάρων.

εἰ δὲ τοῖσ παρ’ ἡμῖν γινομένοισ ἐναντίαν ἔχει τὰ λεγόμενα φύσιν, οὐ διὰ τοῦτ’ ἀπιστητέον·

καὶ γὰρ τὸν νότον παρ’ ἡμῖν μὲν εἶναι χειμέριον, περὶ δὲ τὴν Αἰθιοπίαν αἴθριον ὑπάρχειν, καὶ τὰσ βορείουσ πνοὰσ περὶ μὲν τὴν Εὐρώπην εὐτόνουσ εἶναι, κατ’ ἐκείνην δὲ τὴν χώραν βληχρὰσ καὶ ἀτόνουσ . καὶ περὶ μὲν τῆσ πληρώσεωσ τοῦ Νείλου, δυνάμενοι ποικιλώτερον ἀντειπεῖν πρὸσ ἅπαντασ, ἀρκεσθησόμεθα τοῖσ εἰρημένοισ, ἵνα μὴ τὴν ἐξ ἀρχῆσ ἡμῖν προκειμένην συντομίαν ὑπερβαίνωμεν.

ἐπεὶ δὲ τὴν βίβλον ταύτην διὰ τὸ μέγεθοσ εἰσ δύο μέρη διῃρήκαμεν, στοχαζόμενοι τῆσ συμμετρίασ, τὴν πρώτην μερίδα τῶν ἱστορουμένων αὐτοῦ περιγράψομεν, τὰ δὲ συνεχῆ τῶν κατὰ τὴν Αἴγυπτον ἱστορουμένων ἐν τῇ δευτέρᾳ κατατάξομεν, ἀρχὴν ποιησάμενοι τὴν ἀπαγγελίαν τῶν γενομένων βασιλέων τῆσ Αἰγύπτου καὶ τοῦ παλαιοτάτου βίου παρ’ Αἰγυπτίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 41

(디오도로스 시켈로스, Bibliotheca Historica, book 1, chapter 41)

상위

목록

SEARCH

MENU NAVIGATION