헬라어 문장 검색 - Διοδορ́Βιβλιοτ́1́41́

(디오도로스 시켈로스, Bibliotheca Historica, book 1, chapter 40)

τῶν δ’ ἐν Μέμφει τινὲσ φιλοσόφων ἐπεχείρησαν αἰτίαν φέρειν τῆσ πληρώσεωσ ἀνεξέλεγκτον μᾶλλον ἢ πιθανήν, ᾗ πολλοὶ συγκατατέθεινται. διαιρούμενοι γὰρ τὴν γῆν εἰσ τρία μέρη φασὶν ὑπάρχειν ἓν μὲν τὸ κατὰ τὴν ἡμετέραν οἰκουμένην, ἕτερον δὲ τὸ τούτοισ τοῖσ τόποισ ἀντιπεπονθὸσ ταῖσ ὡρ́αισ, τὸ δὲ τρίτον μεταξὺ μὲν κεῖσθαι τούτων, ὑπάρχειν δὲ διὰ καῦμα ἀοίκητον.

εἰ μὲν οὖν ὁ Νεῖλοσ ἀνέβαινε κατὰ τὸν τοῦ χειμῶνοσ καιρόν, δῆλον ἂν ὑπῆρχεν ὡσ ἐκ τῆσ καθ’ ἡμᾶσ ζώνησ λαμβάνει τὴν ἐπίρρυσιν διὰ τὸ περὶ τούτουσ τοὺσ καιροὺσ μάλιστα γίνεσθαι παρ’ ἡμῖν τὰσ ἐπομβρίασ·

ἐπεὶ δὲ τοὐναντίον περὶ τὸ θέροσ πληροῦται, πιθανὸν εἶναι κατὰ τοὺσ ἀντικειμένουσ τόπουσ γεννᾶσθαι τοὺσ χειμῶνασ, καὶ τὸ πλεονάζον τῶν κατ’ ἐκείνουσ τοὺσ τόπουσ ὑδάτων εἰσ τὴν καθ’ ἡμᾶσ οἰκουμένην φέρεσθαι. διὸ καὶ πρὸσ τὰσ πηγὰσ τοῦ Νείλου μηδένα δύνασθαι παρελθεῖν, ὡσ ἂν ἐκ τῆσ ἐναντίασ ζώνησ διὰ τῆσ ἀοικήτου φερομένου τοῦ ποταμοῦ.

μαρτυρεῖν δὲ τούτοισ καὶ τὴν ὑπερβολὴν τῆσ γλυκύτητοσ τοῦ κατὰ τὸν Νεῖλον ὕδατοσ· διὰ γὰρ τῆσ κατακεκαυμένησ αὐτὸν ῥέοντα καθέψεσθαι, καὶ διὰ τοῦτο γλυκύτατον εἶναι πάντων τῶν ποταμῶν, ἅτε φύσει τοῦ πυρώδουσ πᾶν τὸ ὑγρὸν ἀπογλυκαίνοντοσ. οὗτοσ δ’ ὁ λόγοσ ἔχει μέν τινα πρόχειρον ἀντίρρησιν, ὅτι παντελῶσ ἀδύνατον εἶναι δοκεῖ ποταμὸν ἐκ τῆσ ἀντικειμένησ οἰκουμένησ εἰσ τὴν ἡμετέραν ἀναφέρεσθαι, καὶ μάλιστ’ εἴ τισ ὑπόθοιτο σφαιροειδῆ τὴν γῆν ὑπάρχειν.

καὶ γὰρ ἐάν τισ τοῖσ λόγοισ κατατολμήσασ βιάζηται τὴν ἐνάργειαν, ἥ γε φύσισ τῶν πραγμάτων οὐδαμῶσ συγχωρήσει. καθόλου μὲν γὰρ ἀνεξέλεγκτον ἀπόφασιν εἰσηγούμενοι, καὶ τὴν ἀοίκητον χώραν μεταξὺ τιθέμενοι, ταύτῃ διαφεύξεσθαι τοὺσ ἀκριβεῖσ ἐλέγχουσ νομίζουσι· δίκαιον δὲ τοὺσ περί τινων διαβεβαιουμένουσ ἢ τὴν ἐνάργειαν παρέχεσθαι μαρτυροῦσαν ἢ τὰσ ἀποδείξεισ λαμβάνειν ἐξ ἀρχῆσ συγκεχωρημένασ.

πῶσ δὲ μόνοσ ὁ Νεῖλοσ ἐξ ἐκείνησ τῆσ οἰκουμένησ φέρεται πρὸσ τοὺσ καθ’ ἡμᾶσ τόπουσ; εἰκὸσ γὰρ εἶναι καὶ ἑτέρουσ ποταμούσ, καθάπερ καὶ παρ’ ἡμῖν. ἥ τε τῆσ περὶ τὸ ὕδωρ γλυκύτητοσ αἰτία παντελῶσ ἄλογοσ.

εἰ γὰρ καθεψόμενοσ ὑπὸ τῶν καυμάτων ὁ ποταμὸσ ἐγλυκαίνετο, πολύγονοσ οὐκ ἂν ἦν οὐδὲ ποικίλασ ἰχθύων καὶ θηρίων ἰδέασ εἶχε· πᾶν γὰρ ὕδωρ ὑπὸ τῆσ πυρώδουσ φύσεωσ ἀλλοιωθὲν ἀλλοτριώτατόν ἐστι ζωογονίασ. διόπερ τῇ παρεισαγομένῃ καθεψήσει τῆσ φύσεωσ τοῦ Νείλου παντάπασιν ἐναντιουμένησ ψευδεῖσ τὰσ εἰρημένασ αἰτίασ τῆσ πληρώσεωσ ἡγητέον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 40

(디오도로스 시켈로스, Bibliotheca Historica, book 1, chapter 40)

상위

목록

SEARCH

MENU NAVIGATION