헬라어 문장 검색 - Διοδορ́Βιβλιοτ́1́35́

(디오도로스 시켈로스, Bibliotheca Historica, book 1, chapter 34)

τὸ δ’ οὖν Δέλτα τῇ Σικελίᾳ τῷ σχήματι παραπλήσιον ὑπάρχον τῶν μὲν πλευρῶν ἑκατέραν ἔχει σταδίων ἑπτακοσίων καὶ πεντήκοντα, τὴν δὲ βάσιν θαλάττῃ προσκλυζομένην σταδίων χιλίων καὶ τριακοσίων. ἡ δὲ νῆσοσ αὕτη πολλαῖσ διώρυξι χειροποιήτοισ διείληπται καὶ χώραν περιέχει καλλίστην τῆσ Αἰγύπτου.

ποταμόχωστοσ γὰρ οὖσα καὶ κατάρρυτοσ πολλοὺσ καὶ παντοδαποὺσ ἐκφέρει καρπούσ, τοῦ μὲν ποταμοῦ διὰ τὴν κατ’ ἔτοσ ἀνάβασιν νεαρὰν ἰλὺν ἀεὶ καταχέοντοσ, τῶν δ’ ἀνθρώπων ῥᾳδίωσ ἅπασαν ἀρδευόντων διά τινοσ μηχανῆσ, ἣν ἐπενόησε μὲν Ἀρχιμήδησ ὁ Συρακόσιοσ, ὀνομάζεται δὲ ἀπὸ τοῦ σχήματοσ κοχλίασ. πραεῖαν δὲ τοῦ Νείλου τὴν ῥύσιν ποιουμένου, καὶ γῆν πολλὴν καὶ παντοδαπὴν καταφέροντοσ, ἔτι δὲ κατὰ τοὺσ κοίλουσ τόπουσ λιμνάζοντοσ, ἕλη γίνεται πάμφορα.

ῥίζαι γὰρ ἐν αὐτοῖσ φύονται παντοδαπαὶ τῇ γεύσει καὶ καρπῶν καὶ καυλῶν ἰδιάζουσαι φύσεισ, πολλὰ συμβαλλόμεναι τοῖσ ἀπόροισ τῶν ἀνθρώπων καὶ τοῖσ ἀσθενέσι πρὸσ αὐτάρκειαν.

οὐ γὰρ μόνον τροφὰσ παρέχονται ποικίλασ καὶ πᾶσι τοῖσ δεομένοισ ἑτοίμασ καὶ δαψιλεῖσ, ἀλλὰ καὶ τῶν ἄλλων τῶν εἰσ τὸ ζῆν ἀναγκαίων οὐκ ὀλίγα φέρουσι βοηθήματα·

λωτόσ τε γὰρ φύεται πολύσ, ἐξ οὗ κατασκευάζουσιν ἄρτουσ οἱ κατ’ Αἴγυπτον δυναμένουσ ἐκπληροῦν τὴν φυσικὴν τοῦ σώματοσ ἔνδειαν, τό τε κιβώριον δαψιλέστατον ὑπάρχον φέρει τὸν καλούμενον Αἰγύπτιον κύαμον.

ἔστι δὲ καὶ δένδρων γένη πλείονα, καὶ τούτων αἱ μὲν ὀνομαζόμεναι περσαῖαι καρπὸν διάφορον ἔχουσι τῇ γλυκύτητι, μετενεχθέντοσ ἐξ Αἰθιοπίασ ὑπὸ Περσῶν τοῦ φυτοῦ καθ’ ὃν καιρὸν Καμβύσησ ἐκράτησεν ἐκείνων τῶν τόπων·

τῶν δὲ συκαμίνων αἱ μὲν τὸν τῶν μόρων καρπὸν φέρουσιν, αἱ δὲ τὸν τοῖσ σύκοισ ἐμφερῆ, καὶ παρ’ ὅλον σχεδὸν τὸν ἐνιαυτὸν αὐτοῦ φυομένου συμβαίνει τοὺσ ἀπόρουσ καταφυγὴν ἑτοίμην ἔχειν τῆσ ἐνδείασ.

τὰ δὲ βάτα καλούμενα συνάγεται μὲν κατὰ τὴν ἀποχώρησιν τοῦ ποταμοῦ, διὰ δὲ τὴν γλυκύτητα τῆσ φύσεωσ αὐτῶν ἐν τραγήματοσ μέρει καταναλίσκεται.

κατασκευάζουσι δὲ καὶ ἐκ τῶν κριθῶν Αἰγύπτιοι πόμα λειπόμενον οὐ πολὺ τῆσ περὶ τὸν οἶνον εὐωδίασ, ὃ καλοῦσι ζῦθοσ.

χρῶνται δὲ καὶ πρὸσ τὴν τῶν λύχνων καῦσιν ἐπιχέοντεσ ἀντ’ ἐλαίου τὸ ἀποθλιβόμενον ἔκ τινοσ φυτοῦ, προσαγορευόμενον δὲ κίκι.

πολλὰ δὲ καὶ ἄλλα τὰ δυνάμενα τὰσ ἀναγκαίασ χρείασ παρέχεσθαι τοῖσ ἀνθρώποισ δαψιλῆ φύεται κατὰ τὴν Αἴγυπτον. ὑπὲρ ὧν μακρὸν ἂν εἰή γράφειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 34

(디오도로스 시켈로스, Bibliotheca Historica, book 1, chapter 34)

상위

목록

SEARCH

MENU NAVIGATION