헬라어 문장 검색 - Διοδορ́Βιβλιοτ́1́34́

(디오도로스 시켈로스, Bibliotheca Historica, book 1, chapter 33)

περιείληφε δ’ ὁ ποταμὸσ καὶ νήσουσ ἐν αὑτῷ, κατὰ μὲν τὴν Αἰθιοπίαν ἄλλασ τε πλείουσ καὶ μίαν εὐμεγέθη, τὴν ὀνομαζομένην Μερόην, ἐν ᾗ καὶ πόλισ ἐστὶν ἀξιόλογοσ ὁμώνυμοσ τῇ νήσῳ, κτίσαντοσ αὐτὴν Καμβύσου καὶ θεμένου τὴν προσηγορίαν ἀπὸ τῆσ μητρὸσ αὐτοῦ Μερόησ. ταύτην δὲ τῷ μὲν σχήματί φασιν ὑπάρχειν θυρεῷ παραπλησίαν, τῷ δὲ μεγέθει πολὺ προέχειν τῶν ἄλλων νήσων τῶν ἐν τούτοισ τοῖσ τόποισ·

τὸ μὲν γὰρ μῆκοσ αὐτῆσ εἶναι λέγουσι σταδίων τρισχιλίων, τὸ δὲ πλάτοσ χιλίων. ἔχειν δ’ αὐτὴν καὶ πόλεισ οὐκ ὀλίγασ, ὧν ἐπιφανεστάτην ὑπάρχειν τὴν Μερόην. παρήκειν δὲ τῆσ νήσου τὸν περικλυζόμενον πάντα τόπον ἀπὸ μὲν τῆσ Λιβύησ θῖνασ ἔχοντασ ἅμμου μέγεθοσ ἀέριον, ἀπὸ δὲ τῆσ Ἀραβίασ κρημνοὺσ κατερρωγότασ.

ὑπάρχειν δ’ ἐν αὐτῇ καὶ μέταλλα χρυσοῦ τε καὶ ἀργύρου καὶ σιδήρου καὶ χαλκοῦ· πρὸσ δὲ τούτοισ ἔχειν πλῆθοσ ἐβένου, λίθων τε πολυτελῶν γένη παντοδαπά. καθόλου δὲ τοσαύτασ νήσουσ ποιεῖν τὸν ποταμὸν ὥστε τοὺσ ἀκούοντασ μὴ ῥᾳδίωσ πιστεῦσαι·

χωρὶσ γὰρ τῶν περικλυζομένων τόπων ἐν τῷ καλουμένῳ Δέλτα τὰσ ἄλλασ εἶναι νήσουσ πλείουσ τῶν ἑπτακοσίων, ὧν τὰσ μὲν ὑπὸ Αἰθιόπων ἐπαντλουμένασ γεωργεῖσθαι κέγχρῳ, τὰσ δὲ πλήρεισ ὑπάρχειν ὄφεων καὶ κυνοκεφάλων καὶ ἄλλων θηρίων παντοδαπῶν, καὶ διὰ τοῦτο ἀπροσίτουσ εἶναι τοῖσ ἀνθρώποισ. ὁ δ’ οὖν Νεῖλοσ κατὰ τὴν Αἴγυπτον εἰσ πλείω μέρη σχιζόμενοσ ποιεῖ τὸ καλούμενον ἀπὸ τοῦ σχήματοσ Δέλτα.

τούτου δὲ τὰσ μὲν πλευρὰσ καταγράφει τὰ τελευταῖα τῶν ῥευμάτων, τὴν δὲ βάσιν ἀναπληροῖ τὸ δεχόμενον πέλαγοσ τὰσ ἐκβολὰσ τοῦ ποταμοῦ.

ἐξίησι δ’ εἰσ τὴν θάλατταν ἑπτὰ στόμασιν, ὧν τὸ μὲν πρὸσ ἑώ κεκλιμένον καὶ πρῶτον καλεῖται Πηλουσιακόν, τὸ δὲ δεύτερον Τανιτικόν, εἶτα Μενδήσιον καὶ Φατνιτικὸν καὶ Σεβεννυτικόν, ἔτι δὲ Βολβίτινον, καὶ τελευταῖον Κανωβικόν, ὅ τινεσ Ἡρακλεωτικὸν ὀνομάζουσιν.

ἔστι δὲ καὶ ἕτερα στόματα χειροποίητα, περὶ ὧν οὐδὲν κατεπείγει γράφειν.

ἐφ’ ἑκάστῳ δὲ πόλισ τετείχισται διαιρουμένη τῷ ποταμῷ καὶ καθ’ ἑκάτερον μέροσ τῆσ ἐκβολῆσ ζεύγμασι καὶ φυλακαῖσ εὐκαίροισ διειλημμένη. ἀπὸ δὲ τοῦ Πηλουσιακοῦ στόματοσ διῶρύξ ἐστι χειροποίητοσ εἰσ τὸν Ἀράβιον κόλπον καὶ τὴν Ἐρυθρὰν θάλατταν. ταύτην δ’ ἐπεβάλετο πρῶτοσ κατασκευάζειν Νεκῶσ ὁ Ψαμμητίχου, μετὰ δὲ τοῦτον Δαρεῖοσ ὁ Πέρσησ, καὶ προκόψασ τοῖσ ἔργοισ ἑώσ τινὸσ τὸ τελευταῖον εἰάσεν αὐτὴν ἀσυντέλεστον·

ἐδιδάχθη γὰρ ὑπό τινων ὅτι διορύξασ τὸν ἰσθμὸν αἴτιοσ ἔσται τοῦ κατακλυσθῆναι τὴν Αἴγυπτον·

μετεωροτέραν γὰρ ἀπεδείκνυον ὑπάρχειν τῆσ Αἰγύπτου τὴν Ἐρυθρὰν θάλατταν. ὕστερον δὲ ὁ δεύτεροσ Πτολεμαῖοσ συνετέλεσεν αὐτήν, καὶ κατὰ τὸν ἐπικαιρότατον τόπον ἐμηχανήσατό τι φιλότεχνον διάφραγμα.

τοῦτο δ’ ἐξήνοιγεν, ὁπότε βούλοιτο διαπλεῦσαι, καὶ ταχέωσ πάλιν συνέκλειεν, εὐστόχωσ ἐκλαμβανομένησ τῆσ χρείασ. ὁ δὲ διὰ τῆσ διώρυχοσ ταύτησ ῥέων ποταμὸσ ὀνομάζεται μὲν ἀπὸ τοῦ κατασκευάσαντοσ Πτολεμαῖοσ, ἐπὶ δὲ τῆσ ἐκβολῆσ πόλιν ἔχει τὴν προσαγορευομένην Ἀρσινόην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 33

(디오도로스 시켈로스, Bibliotheca Historica, book 1, chapter 33)

상위

목록

SEARCH

MENU NAVIGATION