헬라어 문장 검색 - Διοδορ́Βιβλιοτ́1́33́

(디오도로스 시켈로스, Bibliotheca Historica, book 1, chapter 32)

ὁ γὰρ Νεῖλοσ φέρεται μὲν ἀπὸ μεσημβρίασ ἐπὶ τὴν ἄρκτον, τὰσ πηγὰσ ἔχων ἐκ τόπων ἀοράτων, οἳ κεῖνται τῆσ ἐσχάτησ Αἰθιοπίασ κατὰ τὴν ἔρημον, ἀπροσίτου τῆσ χώρασ οὔσησ διὰ τὴν τοῦ καύματοσ ὑπερβολήν. μέγιστοσ δ’ ὢν τῶν ἁπάντων ποταμῶν καὶ πλείστην γῆν διεξιὼν καμπὰσ ποιεῖται μεγάλασ, ποτὲ μὲν ἐπὶ τὴν ἀνατολὴν καὶ τὴν Ἀραβίαν ἐπιστρέφων, ποτὲ δ’ ἐπὶ τὴν δύσιν καὶ τὴν Λιβύην ἐκκλίνων% φέρεται γὰρ ἀπὸ τῶν Αἰθιοπικῶν ὀρῶν μέχρι τῆσ εἰσ θάλατταν ἐκβολῆσ στάδια μάλιστά πωσ μύρια καὶ δισχίλια σὺν αἷσ ποιεῖται καμπαῖσ.

κατὰ δὲ τοὺσ ὑποκάτω τόπουσ συστέλλεται τοῖσ ὄγκοισ ἀεὶ μᾶλλον, ἀποσπωμένου τοῦ ῥεύματοσ ἐπ’ ἀμφοτέρασ τὰσ ἠπείρουσ.

τῶν δ’ ἀποσχιζομένων μερῶν τὸ μὲν εἰσ τὴν Λιβύην ἐκκλῖνον ὑφ’ ἅμμου καταπίνεται τὸ βάθοσ ἐχούσησ ἄπιστον, τὸ δ’ εἰσ τὴν Ἀραβίαν ἐναντίωσ εἰσχεόμενον εἰσ τέλματα παμμεγέθη καὶ λίμνασ ἐκτρέπεται μεγάλασ καὶ περιοικουμένασ γένεσι πολλοῖσ.

εἰσ δὲ τὴν Αἴγυπτον ἐμβάλλει τῇ μὲν δέκα σταδίων, τῇ δ’ ἔλαττον τούτων, οὐκ ἐπ’ εὐθείασ φερόμενοσ, ἀλλὰ καμπὰσ παντοίασ ποιούμενοσ·

ποτὲ μὲν γὰρ ἑλίττεται πρὸσ τὴν ἑώ, ποτὲ δὲ πρὸσ τὴν ἑσπέραν, ἔστι δ’ ὅτε πρὸσ τὴν μεσημβρίαν, εἰσ τοὐπίσω λαμβάνων τὴν παλίρροιαν. ὄρη γὰρ ἐξ ἑκατέρου μέρουσ τοῦ ποταμοῦ παρήκει, πολλὴν μὲν τῆσ παραποταμίασ ἐπέχοντα, διειλημμένα δὲ φάραγξι καὶ κρημνοῖσ στενοπόροισ, οἷσ ἐμπῖπτον τὸ ῥεῦμα παλισσυτεῖ διὰ τῆσ πεδιάδοσ, καὶ πρὸσ τὴν μεσημβρίαν ἐφ’ ἱκανὸν τόπον ἐνεχθὲν πάλιν ἐπὶ τὴν κατὰ φύσιν φορὰν ἀποκαθίσταται.

τηλικαύτην δ’ ἔχων ὑπεροχὴν ἐν πᾶσιν ὁ ποταμὸσ οὗτοσ μόνοσ τῶν ἄλλων ἄνευ βίασ καὶ κυματώδουσ ὁρμῆσ τὴν ῥύσιν ποιεῖται, πλὴν ἐν τοῖσ καλουμένοισ καταράκταισ.

τόποσ γάρ τίσ ἐστι μήκει μὲν ὡσ δέκα σταδίων, κατάντησ δὲ καὶ κρημνοῖσ συγκλειόμενοσ εἰσ στενὴν ἐντομήν, ἅπασ δὲ τραχὺσ καὶ φαραγγώδησ, ἔτι δὲ πέτρουσ ἔχων πυκνοὺσ καὶ μεγάλουσ ἐοικότασ σκοπέλοισ·

τοῦ δὲ ῥεύματοσ περὶ τούτουσ σχιζομένου βιαιότερον καὶ πολλάκισ διὰ τὰσ ἐγκοπὰσ ἀνακλωμένου πρὸσ ἐναντίαν τὴν καταφορὰν συνίστανται δῖναι θαυμασταί· πᾶσ δ’ ὁ μεσάζων τόποσ ὑπὸ τῆσ παλιρροίασ ἀφροῦ τε πληροῦται καὶ τοῖσ προσιοῦσι μεγάλην παρέχεται κατάπληξιν·

καὶ γὰρ ἡ καταφορὰ τοῦ ποταμοῦ οὕτωσ ἐστὶν ὀξεῖα καὶ βίαιοσ ὥστε δοκεῖν μηδὲν βέλουσ διαφέρειν. κατὰ δὲ τὴν πλήρωσιν τοῦ Νείλου, τῶν σκοπέλων κατακλυζομένων καὶ παντὸσ τοῦ τραχύνοντοσ τόπου τῷ πλήθει τοῦ ῥεύματοσ καλυπτομένου, καταπλέουσι μέν τινεσ κατὰ τοῦ καταράκτου λαμβάνοντεσ ἐναντίουσ τοὺσ ἀνέμουσ, ἀναπλεῦσαι δὲ οὐδεὶσ δύναται, νικώσησ τῆσ τοῦ ποταμοῦ βίασ πᾶσαν ἐπίνοιαν ἀνθρωπίνην.

καταράκται μὲν οὖν εἰσι τοιοῦτοι πλείουσ, μέγιστοσ δ’ ὁ πρὸσ τοῖσ μεθορίοισ τῆσ Αἰθιοπίασ τε καὶ τῆσ Αἰγύπτου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 32

(디오도로스 시켈로스, Bibliotheca Historica, book 1, chapter 32)

상위

목록

SEARCH

MENU NAVIGATION