헬라어 문장 검색 - Διοδορ́Βιβλιοτ́1́31́

(디오도로스 시켈로스, Bibliotheca Historica, book 1, chapter 30)

ἡ γὰρ Αἴγυπτοσ κεῖται μὲν μάλιστά πωσ κατὰ μεσημβρίαν, ὀχυρότητι δὲ φυσικῇ καὶ κάλλει χώρασ οὐκ ὀλίγῳ δοκεῖ προέχειν τῶν εἰσ βασιλείαν ἀφωρισμένων τόπων. ἀπὸ μὲν γὰρ τῆσ δύσεωσ ὠχύρωκεν αὐτὴν ἡ ἔρημοσ καὶ θηριώδησ τῆσ Λιβύησ, ἐπὶ πολὺ μὲν παρεκτείνουσα, διὰ δὲ τὴν ἀνυδρίαν καὶ τὴν σπάνιν τῆσ ἁπάσησ τροφῆσ ἔχουσα τὴν διέξοδον οὐ μόνον ἐπίπονον, ἀλλὰ καὶ παντελῶσ ἐπικίνδυνον·

ἐκ δὲ τῶν πρὸσ νότον μερῶν οἵ τε καταράκται τοῦ Νείλου καὶ τῶν ὀρῶν τὰ συνορίζοντα τούτοισ· ἀπὸ γὰρ τῆσ Τρωγλοδυτικῆσ καὶ τῶν ἐσχάτων τῆσ Αἰθιοπίασ μερῶν ἐντὸσ σταδίων πεντακισχιλίων καὶ πεντακοσίων οὔτε πλεῦσαι διὰ τοῦ ποταμοῦ ῥᾴδιον οὔτε πεζῇ πορευθῆναι μὴ τυχόντα βασιλικῆσ ἢ παντελῶσ μεγάλησ τινὸσ χορηγίασ.

τῶν δὲ πρὸσ τὴν ἀνατολὴν νευόντων μερῶν τὰ μὲν ὁ ποταμὸσ ὠχύρωκε, τὰ δ’ ἔρημοσ περιέχει καὶ πεδία τελματώδη τὰ προσαγορευόμενα Βάραθρα.

ἔστι γὰρ ἀνὰ μέσον τῆσ Κοίλησ Συρίασ καὶ τῆσ Αἰγύπτου λίμνη τῷ μὲν πλάτει στενὴ παντελῶσ, τῷ δὲ βάθει θαυμάσιοσ, τὸ δὲ μῆκοσ ἐπὶ διακοσίουσ παρήκουσα σταδίουσ, ἣ προσαγορεύεται μὲν Σερβωνίσ, τοῖσ δ’ ἀπείροισ τῶν προσπελαζόντων ἀνελπίστουσ ἐπιφέρει κινδύνουσ. στενοῦ γὰρ τοῦ ῥεύματοσ ὄντοσ καὶ ταινίᾳ παραπλησίου, θινῶν τε μεγάλων πάντῃ περικεχυμένων, ἐπειδὰν νότοι συνεχεῖσ πνεύσωσιν, ἐπισείεται πλῆθοσ ἅμμου.

αὕτη δὲ τὸ μὲν ὕδωρ κατὰ τὴν ἐπιφάνειαν ἄσημον ποιεῖ, τὸν δὲ τῆσ λίμνησ τύπον συμφυῆ τῇ χέρσῳ καὶ κατὰ πᾶν ἀδιάγνωστον.

διὸ καὶ πολλοὶ τῶν ἀγνοούντων τὴν ἰδιότητα τοῦ τόπου μετὰ στρατευμάτων ὅλων ἠφανίσθησαν τῆσ ὑποκειμένησ ὁδοῦ διαμαρτόντεσ. ἡ μὲν γὰρ ἅμμοσ ἐκ τοῦ κατ’ ὀλίγον πατουμένη τὴν ἔνδοσιν λαμβάνει, καὶ τοὺσ ἐπιβάλλοντασ ὥσπερ προνοίᾳ τινὶ πονηρᾷ παρακρούεται, μέχρι ἂν ὅτου λαβόντεσ ὑπόνοιαν τοῦ συμβησομένου βοηθήσωσιν ἑαυτοῖσ, οὐκ οὔσησ ἔτι φυγῆσ οὐδὲ σωτηρίασ.

ὁ γὰρ ὑπὸ τοῦ τέλματοσ καταπινόμενοσ οὔτε νήχεσθαι δύναται, παραιρουμένησ τῆσ ἰλύοσ τὴν τοῦ σώματοσ κίνησιν, οὔτ’ ἐκβῆναι κατισχύει, μηδὲν ἔχων στερέμνιον εἰσ ἐπίβασιν·

μεμιγμένησ γὰρ τῆσ ἅμμου τοῖσ ὑγροῖσ, καὶ διὰ τοῦτο τῆσ ἑκατέρων φύσεωσ ἠλλοιωμένησ, συμβαίνει τὸν τόπον μήτε πορευτὸν εἶναι μήτε πλωτόν. διόπερ οἱ τοῖσ μέρεσι τούτοισ ἐπιβάλλοντεσ φερόμενοι πρὸσ τὸν βυθὸν οὐδεμίαν ἀντίληψιν βοηθείασ ἔχουσι, συγκατολισθανούσησ τῆσ ἅμμου τῆσ παρὰ τὰ χείλη.

τὰ μὲν οὖν προειρημένα πεδία τοιαύτην ἔχοντα τὴν φύσιν οἰκείασ ἔτυχε προσηγορίασ, ὀνομασθέντα Βάραθρα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 30

(디오도로스 시켈로스, Bibliotheca Historica, book 1, chapter 30)

상위

목록

SEARCH

MENU NAVIGATION