헬라어 문장 검색 - Διοδορ́Βιβλιοτ́1́29́

(디오도로스 시켈로스, Bibliotheca Historica, book 1, chapter 28)

οἱ δ’ οὖν Αἰγύπτιοί φασι καὶ μετὰ ταῦτα ἀποικίασ πλείστασ ἐξ Αἰγύπτου κατὰ πᾶσαν διασπαρῆναι τὴν οἰκουμένην. εἰσ Βαβυλῶνα μὲν γὰρ ἀγαγεῖν ἀποίκουσ Βῆλον τὸν νομιζόμενον Ποσειδῶνοσ εἶναι καὶ Λιβύησ· ὃν παρὰ τὸν Εὐφράτην ποταμὸν καθιδρυθέντα τούσ τε ἱερεῖσ καταστήσασθαι παραπλησίωσ τοῖσ κατ’ Αἴγυπτον ἀτελεῖσ καὶ πάσησ λειτουργίασ ἀπολελυμένουσ, οὓσ Βαβυλώνιοι καλοῦσι Χαλδαίουσ, τάσ τε παρατηρήσεισ τῶν ἄστρων τούτουσ ποιεῖσθαι, μιμουμένουσ τοὺσ παρ’ Αἰγυπτίοισ ἱερεῖσ καὶ φυσικούσ, ἔτι δὲ ἀστρολόγουσ. λέγουσι δὲ καὶ τοὺσ περὶ τὸν Δαναὸν ὁρμηθέντασ ὁμοίωσ ἐκεῖθεν συνοικίσαι τὴν ἀρχαιοτάτην σχεδὸν τῶν παρ’ Ἕλλησι πόλεων Ἄργοσ, τό τε τῶν Κόλχων ἔθνοσ ἐν τῷ Πόντῳ καὶ τὸ τῶν Ιοὐδαίων ἀνὰ μέσον Ἀραβίασ καὶ Συρίασ οἰκίσαι τινὰσ ὁρμηθέντασ παρ’ ἑαυτῶν·

διὸ καὶ παρὰ τοῖσ γένεσι τούτοισ ἐκ παλαιοῦ παραδεδόσθαι τὸ περιτέμνειν τοὺσ γεννωμένουσ παῖδασ, ἐξ Αἰγύπτου μετενηνεγμένου τοῦ νομίμου.

καὶ τοὺσ Ἀθηναίουσ δέ φασιν ἀποίκουσ εἶναι Σαϊτῶν τῶν ἐξ Αἰγύπτου, καὶ πειρῶνται τῆσ οἰκειότητοσ ταύτησ φέρειν ἀποδείξεισ·

παρὰ μόνοισ γὰρ τῶν Ἑλλήνων τὴν πόλιν ἄστυ καλεῖσθαι, μετενηνεγμένησ τῆσ προσηγορίασ ἀπὸ τοῦ παρ’ αὐτοῖσ Ἄστεοσ. ἔτι δὲ τὴν πολιτείαν τὴν αὐτὴν ἐσχηκέναι τάξιν καὶ διαίρεσιν τῇ παρ’ Αἰγυπτίοισ, εἰσ τρία μέρη διανεμηθείσῃ· καὶ πρώτην μὲν ὑπάρξαι μερίδα τοὺσ εὐπατρίδασ καλουμένουσ, οἵτινεσ ὑπῆρχον ἐν παιδείᾳ μάλιστα διατετριφότεσ καὶ τῆσ μεγίστησ ἠξιωμένοι τιμῆσ παραπλησίωσ τοῖσ κατ’ Αἴγυπτον ἱερεῦσι·

δευτέραν δὲ τάξιν γενέσθαι τὴν τῶν γεωμόρων τῶν ὀφειλόντων ὅπλα κεκτῆσθαι καὶ πολεμεῖν ὑπὲρ τῆσ πόλεωσ ὁμοίωσ τοῖσ κατ’ Αἴγυπτον ὀνομαζομένοισ γεωργοῖσ καὶ τοὺσ μαχίμουσ παρεχομένοισ· τελευταίαν δὲ μερίδα καταριθμηθῆναι τὴν τῶν δημιουργῶν τῶν τὰσ βαναύσουσ τέχνασ μεταχειριζομένων καὶ λειτουργίασ τελούντων τὰσ ἀναγκαιοτάτασ, τὸ παραπλήσιον ποιούσησ τῆσ τάξεωσ ταύτησ παρ’ Αἰγυπτίουσ. γεγονέναι δὲ καὶ τῶν ἡγεμόνων τινὰσ Αἰγυπτίουσ παρὰ τοῖσ Ἀθηναίοισ·

τὸν γὰρ Πέτην τὸν πατέρα Μενεσθέωσ τοῦ στρατεύσαντοσ εἰσ Τροίαν φανερῶσ Αἰγύπτιον ὑπάρξαντα τυχεῖν ὕστερον Ἀθήνησι πολιτείασ τε καὶ βασιλείασ. διφυοῦσ δ’ αὐτοῦ γεγονότοσ, τοὺσ μὲν Ἀθηναίουσ μὴ δύνασθαι κατὰ τὴν ἰδίαν ὑπόστασιν ἀποδοῦναι περὶ τῆσ φύσεωσ ταύτησ τὰσ ἀληθεῖσ αἰτίασ, ἐν μέσῳ κειμένου πᾶσιν ὅτι δυοῖν πολιτειῶν μετασχών, Ἑλληνικῆσ καὶ βαρβάρου, διφυὴσ ἐνομίσθη, τὸ μὲν ἔχων μέροσ θηρίου, τὸ δὲ ἀνθρώπου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 28

(디오도로스 시켈로스, Bibliotheca Historica, book 1, chapter 28)

상위

목록

SEARCH

MENU NAVIGATION