헬라어 문장 검색 - Διοδορ́Βιβλιοτ́1́25́

(디오도로스 시켈로스, Bibliotheca Historica, book 1, chapter 24)

καὶ γὰρ Ἡρακλέα τὸ γένοσ Αἰγύπτιον ὄντα, δι’ ἀνδρείαν ἐπελθεῖν πολλὴν τῆσ οἰκουμένησ, καὶ τὴν ἐπὶ τῆσ Λιβύησ θέσθαι στήλην· ὑπὲρ οὗ πειρῶνται τὰσ ἀποδείξεισ παρὰ τῶν Ἑλλήνων λαμβάνειν. ὁμολογουμένου γὰρ ὄντοσ παρὰ πᾶσιν ὅτι τοῖσ Ὀλυμπίοισ θεοῖσ Ἡρακλῆσ συνηγωνίσατο τὸν πρὸσ τοὺσ γίγαντασ πόλεμον, φασὶ τῇ γῇ μηδαμῶσ ἁρμόττειν γεγεννηκέναι τοὺσ γίγαντασ κατὰ τὴν ἡλικίαν ἣν οἱ Ἕλληνέσ φασιν Ἡρακλέα γεγενῆσθαι, γενεᾷ πρότερον τῶν Τρωικῶν, ἀλλὰ μᾶλλον, ὡσ αὐτοὶ λέγουσι, κατὰ τὴν ἐξ ἀρχῆσ γένεσιν τῶν ἀνθρώπων·

ἀπ’ ἐκείνησ μὲν γὰρ παρ’ Αἰγυπτίοισ ἔτη καταριθμεῖσθαι πλείω τῶν μυρίων, ἀπὸ δὲ τῶν Τρωικῶν ἐλάττω τῶν χιλίων καὶ διακοσίων. ὁμοίωσ δὲ τό τε ῥόπαλον καὶ τὴν λεοντῆν τῷ παλαιῷ πρέπειν Ἡρακλεῖ διὰ τὸ κατ’ ἐκείνουσ τοὺσ χρόνουσ μήπω τῶν ὅπλων εὑρημένων τοὺσ ἀνθρώπουσ τοῖσ μὲν ξύλοισ ἀμύνεσθαι τοὺσ ἀντιταττομένουσ, ταῖσ δὲ δοραῖσ τῶν θηρίων σκεπαστηρίοισ ὅπλοισ χρῆσθαι.

καὶ Διὸσ μὲν υἱὸν αὐτὸν ἀναγορεύουσι, μητρὸσ δὲ ἧσ ἐστιν οὔ φασι γινώσκειν. τὸν δ’ ἐξ Ἀλκμήνησ γενόμενον ὕστερον πλείοσιν ἔτεσιν ἢ μυρίοισ, Ἀλκαῖον ἐκ γενετῆσ καλούμενον, ὕστερον Ἡρακλέα μετονομασθῆναι, οὐχ ὅτι δι’ Ἥραν ἔσχε κλέοσ, ὥσ φησιν ὁ Μᾶτρισ, ἀλλ’ ὅτι τὴν αὐτὴν ἐζηλωκὼσ προαίρεσιν Ἡρακλεῖ τῷ παλαιῷ τὴν ἐκείνου δόξαν ἅμα καὶ προσηγορίαν ἐκληρονόμησε.

συμφωνεῖν δὲ τοῖσ ὑφ’ ἑαυτῶν λεγομένοισ καὶ τὴν παρὰ τοῖσ Ἕλλησιν ἐκ πολλῶν χρόνων παραδεδομένην φήμην, ὅτι καθαρὰν τὴν γῆν τῶν θηρίων ἐποίησεν Ἡρακλῆσ·

ὅπερ μηδαμῶσ ἁρμόττειν τῷ γεγονότι σχεδὸν κατὰ τοὺσ Τρωικοὺσ χρόνουσ, ὅτε τὰ πλεῖστα μέρη τῆσ οἰκουμένησ ἐξημέρωτο γεωργίαισ καὶ πόλεσι καὶ πλήθει τῶν κατοικούντων τὴν χώραν πανταχοῦ. μᾶλλον οὖν πρέπειν τῷ γεγονότι κατὰ τοὺσ ἀρχαίουσ χρόνουσ τὴν ἡμέρωσιν τῆσ χώρασ, κατισχυομένων ἔτι τῶν ἀνθρώπων ὑπὸ τοῦ πλήθουσ τῶν θηρίων, καὶ μάλιστα κατὰ τὴν Αἴγυπτον καὶ τὴν ὑπερκειμένην χώραν μέχρι τοῦ νῦν ἔρημον οὖσαν καὶ θηριώδη.

εἰκὸσ γὰρ ταύτησ ὡσ πατρίδοσ προνοηθέντα τὸν Ἡρακλέα, καὶ καθαρὰν τὴν γῆν τῶν θηρίων ποιήσαντα, παραδοῦναι τοῖσ γεωργοῖσ τὴν χώραν, καὶ διὰ τὴν εὐεργεσίαν τυχεῖν ἰσοθέου τιμῆσ.

φασὶ δὲ καὶ τὸν Περσέα γεγονέναι κατ’ Αἴγυπτον, καὶ τῆσ Ἴσιδοσ τὴν γένεσιν ὑπὸ τῶν Ἑλλήνων εἰσ Ἄργοσ μεταφέρεσθαι, μυθολογούντων τὴν Ιὢ τὴν εἰσ βοὸσ τύπον μεταμορφωθεῖσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 24

(디오도로스 시켈로스, Bibliotheca Historica, book 1, chapter 24)

상위

목록

SEARCH

MENU NAVIGATION