헬라어 문장 검색 - Διοδορ́Βιβλιοτ́1́22́

(디오도로스 시켈로스, Bibliotheca Historica, book 1, chapter 21)

τῶν δ’ ἱερέων περὶ τῆσ Ὀσίριδοσ τελευτῆσ ἐξ ἀρχαίων ἐν ἀπορρήτοισ παρειληφότων, τῷ χρόνῳ ποτὲ συνέβη διά τινων εἰσ τοὺσ πολλοὺσ ἐξενεχθῆναι τὸ σιωπώμενον. φασὶ γὰρ νομίμωσ βασιλεύοντα τῆσ Αἰγύπτου τὸν Ὄσιριν ὑπὸ Τυφῶνοσ ἀναιρεθῆναι τἀδελφοῦ, βιαίου καὶ ἀσεβοῦσ ὄντοσ·

ὃν διελόντα τὸ σῶμα τοῦ φονευθέντοσ εἰσ ἓξ καὶ εἴκοσι μέρη δοῦναι τῶν συνεπιθεμένων ἑκάστῳ μερίδα, βουλόμενον πάντασ μετασχεῖν τοῦ μύσουσ, καὶ διὰ τούτου νομίζοντα συναγωνιστὰσ ἕξειν καὶ φύλακασ τῆσ βασιλείασ βεβαίουσ. τὴν δὲ Ἶσιν ἀδελφὴν οὖσαν Ὀσίριδοσ καὶ γυναῖκα μετελθεῖν τὸν φόνον, συναγωνιζομένου τοῦ παιδὸσ αὐτῆσ Ὥρου·

ἀνελοῦσαν δὲ τὸν τυφῶνα καὶ τοὺσ συμπράξαντασ βασιλεῦσαι τῆσ Αἰγύπτου. γενέσθαι δὲ τὴν μάχην παρὰ τὸν ποταμὸν πλησίον τῆσ νῦν Ἀνταίου κώμησ καλουμένησ, ἣν κεῖσθαι μὲν λέγουσιν ἐν τῷ κατὰ τὴν Ἀραβίαν μέρει, τὴν προσηγορίαν δ’ ἔχειν ἀπὸ τοῦ κολασθέντοσ ὑφ’ Ἡρακλέουσ Ἀνταίου, τοῦ κατὰ τὴν Ὀσίριδοσ ἡλικίαν γενομένου.

τὴν δ’ οὖν Ἶσιν πάντα τὰ μέρη τοῦ σώματοσ πλὴν τῶν αἰδοίων ἀνευρεῖν·

βουλομένην δὲ τὴν τἀνδρὸσ ταφὴν ἄδηλον ποιῆσαι καὶ τιμωμένην παρὰ πᾶσι τοῖσ τὴν Αἴγυπτον κατοικοῦσι, συντελέσαι τὸ δόξαν τοιῷδέ τινι τρόπῳ. ἑκάστῳ τῶν μερῶν περιπλάσαι λέγουσιν αὐτὴν τύπον ἀνθρωποειδῆ, παραπλήσιον Ὀσίριδι τὸ μέγεθοσ, ἐξ ἀρωμάτων καὶ κηροῦ· εἰσκαλεσαμένην δὲ κατὰ γένη τῶν ἱερέων ἐξορκίσαι πάντασ μηδενὶ δηλώσειν τὴν δοθησομένην αὐτοῖσ πίστιν, κατ’ ἰδίαν δ’ ἑκάστοισ εἰπεῖν ὅτι μόνοισ ἐκείνοισ παρατίθεται τὴν τοῦ σώματοσ ταφήν, καὶ τῶν εὐεργεσιῶν ὑπομνήσασαν παρακαλέσαι θάψαντασ ἐν τοῖσ ἰδίοισ τόποισ τὸ σῶμα τιμᾶν ὡσ θεὸν τὸν Ὄσιριν, καθιερῶσαι δὲ καὶ τῶν γινομένων παρ’ αὐτοῖσ ζῴων ἓν ὁποῖον ἂν βουληθῶσι, καὶ τοῦτ’ ἐν μὲν τῷ ζῆν τιμᾶν, καθάπερ καὶ πρότερον τὸν Ὄσιριν, μετὰ δὲ τὴν τελευτὴν τῆσ ὁμοίασ ἐκείνῳ κηδείασ ἀξιοῦν.

βουλομένην δὲ τὴν Ἶσιν καὶ τῷ λυσιτελεῖ προτρέψασθαι τοὺσ ἱερεῖσ ἐπὶ τὰσ προειρημένασ τιμάσ, τὸ τρίτον μέροσ τῆσ χώρασ αὐτοῖσ δοῦναι πρὸσ τὰσ τῶν θεῶν θεραπείασ τε καὶ λειτουργίασ.

τοὺσ δ’ ἱερεῖσ λέγεται, μνημονεύοντασ τῶν Ὀσίριδοσ εὐεργεσιῶν καὶ τῇ παρακαλούσῃ βουλομένουσ χαρίζεσθαι, πρὸσ δὲ τούτοισ τῷ λυσιτελεῖ προκληθέντασ, πάντα πρᾶξαι κατὰ τὴν Ἴσιδοσ ὑποθήκην.

διὸ καὶ μέχρι τοῦ νῦν ἑκάστουσ τῶν ἱερέων ὑπολαμβάνειν παρ’ ἑαυτοῖσ τεθάφθαι τὸν Ὄσιριν, καὶ τά τε ἐξ ἀρχῆσ καθιερωθέντα ζῷα τιμᾶν, καὶ τελευτησάντων αὐτῶν ἐν ταῖσ ταφαῖσ ἀνανεοῦσθαι τὸ τοῦ Ὀσίριδοσ πένθοσ.

τοὺσ δὲ ταύρουσ τοὺσ ἱερούσ, τόν τε ὀνομαζόμενον Ἆπιν καὶ τὸν Μνεῦιν, Ὀσίριδι καθιερωθῆναι, καὶ τούτουσ σέβεσθαι καθάπερ θεοὺσ κοινῇ καταδειχθῆναι πᾶσιν Αἰγυπτίοισ·

ταῦτα γὰρ τὰ ζῷα τοῖσ εὑροῦσι τὸν τοῦ σίτου καρπὸν συνεργῆσαι μάλιστα πρόσ τε τὸν σπόρον καὶ τὰσ κοινὰσ ἁπάντων ἐκ τῆσ γεωργίασ ὠφελείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 21

(디오도로스 시켈로스, Bibliotheca Historica, book 1, chapter 21)

상위

목록

SEARCH

MENU NAVIGATION