헬라어 문장 검색 - Διοδορ́Βιβλιοτ́1́21́

(디오도로스 시켈로스, Bibliotheca Historica, book 1, chapter 20)

γενέσθαι δὲ καὶ περὶ τὴν τῶν ἐλεφάντων θήραν, καὶ στήλασ πανταχοῦ καταλιπεῖν τῆσ ἰδίασ στρατείασ. ἐπελθεῖν δὲ καὶ τἄλλα τὰ κατὰ τὴν Ἀσίαν ἔθνη, καὶ περαιωθῆναι κατὰ τὸν Ἑλλήσποντον εἰσ τὴν Εὐρώπην. καὶ κατὰ μὲν τὴν Θρᾴκην Λυκοῦργον τὸν βασιλέα τῶν βαρβάρων ἐναντιούμενον τοῖσ ὑπ’ αὐτοῦ πραττομένοισ ἀποκτεῖναι, Μάρωνα δὲ γηραιὸν ἤδη καθεστῶτα καταλιπεῖν ἐπιμελητὴν τῶν ἐν ταύτῃ τῇ χώρᾳ φυτευομένων, καὶ κτίστην αὐτὸν ποιῆσαι τῆσ ἐπωνύμου πόλεωσ, ἣν ὀνομάσαι Μαρώνειαν.

καὶ Μακεδόνα μὲν τὸν υἱὸν ἀπολιπεῖν βασιλέα τῆσ ἀπ’ ἐκείνου προσαγορευθείσησ Μακεδονίασ, Τριπτολέμῳ δ’ ἐπιτρέψαι τὰσ κατὰ τὴν Ἀττικὴν γεωργίασ.

τέλοσ δὲ τὸν Ὄσιριν πᾶσαν τὴν οἰκουμένην ἐπελθόντα τὸν κοινὸν βίον τοῖσ ἡμερωτάτοισ καρποῖσ εὐεργετῆσαι. εἰ δέ τισ χώρα τὸ φυτὸν τῆσ ἀμπέλου μὴ προσδέχοιτο, διδάξαι τὸ ἐκ τῆσ κριθῆσ κατασκευαζόμενον πόμα, λειπόμενον οὐ πολὺ τῆσ περὶ τὸν οἶνον εὐωδίασ τε καὶ δυνάμεωσ.

ἐπανελθόντα δ’ εἰσ τὴν Αἴγυπτον συναποκομίσαι δῶρά τε πανταχόθεν τὰ κράτιστα καὶ διὰ τὸ μέγεθοσ τῶν εὐεργεσιῶν συμπεφωνημένην λαβεῖν παρὰ πᾶσι τὴν ἀθανασίαν καὶ τὴν ἴσην τοῖσ οὐρανίοισ τιμήν.

μετὰ δὲ ταῦτ’ ἐξ ἀνθρώπων εἰσ θεοὺσ μεταστάντα τυχεῖν ὑπὸ Ἴσιδοσ καὶ Ἑρμοῦ θυσιῶν καὶ τῶν ἄλλων τῶν ἐπιφανεστάτων τιμῶν.

τούτουσ δὲ καὶ τελετὰσ καταδεῖξαι καὶ πολλὰ μυστικῶσ εἰσηγήσασθαι, μεγαλύνοντασ τοῦ θεοῦ τὴν δύναμιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 20

(디오도로스 시켈로스, Bibliotheca Historica, book 1, chapter 20)

상위

목록

SEARCH

MENU NAVIGATION