헬라어 문장 검색 - Διοδορ́Βιβλιοτ́1́20́

(디오도로스 시켈로스, Bibliotheca Historica, book 1, chapter 19)

τούτων δ’ ὄντων περὶ ταῦτα, τὸν Νεῖλόν φασι κατὰ τὴν τοῦ σειρίου ἄστρου ἐπιτολήν, ἐν ᾧ καιρῷ μάλιστα εἰώθε πληροῦσθαι, ῥαγέντα κατακλύσαι πολλὴν τῆσ Αἰγύπτου, καὶ μάλιστα τοῦτο τὸ μέροσ ἐπελθεῖν οὗ Προμηθεὺσ εἶχε τὴν ἐπιμέλειαν· διαφθαρέντων δὲ σχεδὸν ἁπάντων τῶν κατὰ ταύτην τὴν χώραν τὸν Προμηθέα διὰ τὴν λύπην κινδυνεύειν ἐκλιπεῖν τὸν βίον ἑκουσίωσ. διὰ δὲ τὴν ὀξύτητα καὶ τὴν βίαν τοῦ κατενεχθέντοσ ῥεύματοσ τὸν μὲν ποταμὸν Αἐτὸν ὀνομασθῆναι, τὸν δ’ Ἡρακλέα, μεγαλεπίβολον ὄντα καὶ τὴν ἀνδρείαν ἐζηλωκότα, τό τε γενόμενον ἔκρηγμα ταχέωσ ἐμφράξαι καὶ τὸν ποταμὸν ἐπὶ τὴν προϋπάρξασαν ῥύσιν ἀποστρέψαι.

διὸ καὶ τῶν παρ’ Ἕλλησι ποιητῶν τινασ εἰσ μῦθον ἀγαγεῖν τὸ πραχθέν, ὡσ Ἡρακλέουσ τὸν ἀετὸν ἀνῃρηκότοσ τὸν τὸ τοῦ Προμηθέωσ ἧπαρ ἐσθίοντα.

τὸν δὲ ποταμὸν ἀρχαιότατον μὲν ὄνομα σχεῖν Ὠκεάνην, ὅσ ἐστιν ἑλληνιστὶ Ὠκεανόσ·

ἔπειτα διὰ τὸ γενόμενον ἔκρηγμά φασιν Αἐτὸν ὀνομασθῆναι, ὕστερον δ’ Αἴγυπτον ἀπὸ τοῦ βασιλεύσαντοσ τῆσ χώρασ προσαγορευθῆναι· μαρτυρεῖν δὲ καὶ τὸν ποιητὴν λέγοντα στῆσα δ’ ἐν Αἰγύπτῳ ποταμῷ νέασ ἀμφιελίσσασ. κατὰ γὰρ τὴν καλουμένην Θῶνιν ἐμβάλλοντοσ εἰσ θάλατταν τοῦ ποταμοῦ, τοῦτον τὸν τόπον ἐμπόριον εἶναι τὸ παλαιὸν τῆσ Αἰγύπτου· τελευταίασ δὲ τυχεῖν αὐτὸν ἧσ νῦν ἔχει προσηγορίασ ἀπὸ τοῦ βασιλεύσαντοσ Νειλέωσ. τὸν δ’ οὖν Ὄσιριν παραγενόμενον ἐπὶ τοὺσ τῆσ Αἰθιοπίασ ὁρ́ουσ τὸν ποταμὸν ἐξ ἀμφοτέρων τῶν μερῶν χώμασιν ἀναλαβεῖν, ὥστε κατὰ τὴν πλήρωσιν αὐτοῦ τὴν χώραν μὴ λιμνάζειν παρὰ τὸ συμφέρον, ἀλλὰ διά τινων κατεσκευασμένων θυρῶν εἰσαφίεσθαι τὸ ῥεῦμα πρᾴωσ καθ’ ὅσον ἂν ᾖ χρεία.

ἔπειτα ποιήσασθαι τὴν πορείαν δι’ Ἀραβίασ παρὰ τὴν Ἐρυθρὰν θάλατταν ἑώσ Ἰνδῶν καὶ τοῦ πέρατοσ τῆσ οἰκουμένησ.

κτίσαι δὲ καὶ πόλεισ οὐκ ὀλίγασ ἐν Ἰνδοῖσ, ἐν αἷσ καὶ Νῦσαν ὀνομάσαι, βουλόμενον μνημεῖον ἀπολιπεῖν ἐκείνησ καθ’ ἣν ἐτράφη κατ’ Αἴγυπτον.

φυτεῦσαι δὲ καὶ κιττὸν ἐν τῇ παρ’ Ἰνδοῖσ Νύσῃ, καὶ διαμένειν τοῦτο τὸ φυτὸν ἐν ἐκείνῳ μόνῳ τῷ τόπῳ τῶν τε κατὰ τὴν Ἰνδικὴν καὶ τὴν ὅμορον χώραν. πολλὰ δὲ καὶ ἄλλα σημεῖα τῆσ ἑαυτοῦ παρουσίασ ἀπολελοιπέναι κατ’ ἐκείνην τὴν χώραν, δι’ ὧν προαχθέντασ τοὺσ μεταγενεστέρουσ τῶν Ἰνδῶν ἀμφισβητῆσαι τοῦ θεοῦ, λέγοντασ Ἰνδὸν εἶναι τὸ γένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 19

(디오도로스 시켈로스, Bibliotheca Historica, book 1, chapter 19)

상위

목록

SEARCH

MENU NAVIGATION