헬라어 문장 검색 - Διοδορ́Βιβλιοτ́1́19́

(디오도로스 시켈로스, Bibliotheca Historica, book 1, chapter 18)

τῷ δ’ οὖν Ὀσίριδι συνεστρατεῦσθαι δύο λέγουσιν υἱοὺσ Ἄνουβίν τε καὶ Μακεδόνα, διαφέροντασ ἀνδρείᾳ. ἀμφοτέρουσ δὲ χρήσασθαι τοῖσ ἐπισημοτάτοισ ὅπλοισ ἀπό τινων ζῴων οὐκ ἀνοικείων τῇ περὶ αὐτοὺσ εὐτολμίᾳ· τὸν μὲν γὰρ Ἄνουβιν περιθέσθαι κυνῆν, τὸν δὲ Μακεδόνα λύκου προτομήν· ἀφ’ ἧσ αἰτίασ καὶ τὰ ζῷα ταῦτα τιμηθῆναι παρὰ τοῖσ Αἰγυπτίοισ. παραλαβεῖν δ’ ἐπὶ τὴν στρατείαν καὶ τὸν Πᾶνα, διαφερόντωσ ὑπὸ τῶν Αἰγυπτίων τιμώμενον·

τούτῳ γὰρ τοὺσ ἐγχωρίουσ οὐ μόνον ἀγάλματα πεποιηκέναι κατὰ πᾶν ἱερόν, ἀλλὰ καὶ πόλιν ἐπώνυμον κατὰ τὴν Θηβαΐδα, καλουμένην μὲν ὑπὸ τῶν ἐγχωρίων Χεμμώ, μεθερμηνευομένην δὲ Πανὸσ πόλιν. συνέπεσθαι δὲ καὶ τῆσ γεωργίασ ἐμπειρίαν ἔχοντασ, τῆσ μὲν περὶ τὴν ἄμπελον φυτείασ Μάρωνα, τοῦ δὲ κατὰ τὸν σῖτον σπόρου καὶ τῆσ ὅλησ συγκομιδῆσ Τριπτόλεμον. πάντων δ’ εὐτρεπῶν γενομένων τὸν Ὄσιριν, εὐξάμενον τοῖσ θεοῖσ θρέψειν τὴν κόμην μέχρι ἂν εἰσ Αἴγυπτον ἀνακάμψῃ, τὴν πορείαν ποιεῖσθαι δι’ Αἰθιοπίασ·

δι’ ἣν αἰτίαν μέχρι τῶν νεωτέρων χρόνων ἐνισχῦσαι τὸ περὶ τῆσ κόμησ νόμιμον παρ’ Αἰγυπτίοισ, καὶ τοὺσ ποιουμένουσ τὰσ ἀποδημίασ μέχρι τῆσ εἰσ οἶκον ἀνακομιδῆσ κομοτροφεῖν. ὄντι δ’ αὐτῷ περὶ τὴν Αἰθιοπίαν ἀχθῆναι λέγουσι πρὸσ αὐτὸν τὸ τῶν Σατύρων γένοσ, οὕσ φασιν ἐπὶ τῆσ ὀσφύοσ ἔχειν κόμασ.

εἶναι γὰρ τὸν Ὄσιριν φιλογέλωτά τε καὶ χαίροντα μουσικῇ καὶ χοροῖσ· διὸ καὶ περιάγεσθαι πλῆθοσ μουσουργῶν, ἐν οἷσ παρθένουσ ἐννέα δυναμένασ ᾅδειν καὶ κατὰ τὰ ἄλλα πεπαιδευμένασ, τὰσ παρὰ τοῖσ Ἕλλησιν ὀνομαζομένασ Μούσασ· τούτων δ’ ἡγεῖσθαι τὸν Ἀπόλλωνα λέγουσιν, ἀφ’ οὗ καὶ Μουσηγέτην αὐτὸν ὠνομάσθαι. τούσ τε Σατύρουσ πρὸσ ὄρχησιν καὶ μελῳδίαν καὶ πᾶσαν ἄνεσιν καὶ παιδιὰν ὄντασ εὐθέτουσ παραληφθῆναι πρὸσ τὴν στρατείαν·

οὐ γὰρ πολεμικὸν εἶναι τὸν Ὄσιριν οὐδὲ παρατάξεισ συνίστασθαι καὶ κινδύνουσ, ἅτε παντὸσ ἔθνουσ ὡσ θεὸν ἀποδεχομένου διὰ τὰσ εὐεργεσίασ. κατὰ δὲ τὴν Αἰθιοπίαν διδάξαντα τοὺσ ἀνθρώπουσ τὰ περὶ τὴν γεωργίαν καὶ πόλεισ ἀξιολόγουσ κτίσαντα καταλιπεῖν τοὺσ ἐπιμελησομένουσ τῆσ χώρασ καὶ φόρουσ πραξομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 18

(디오도로스 시켈로스, Bibliotheca Historica, book 1, chapter 18)

상위

목록

SEARCH

MENU NAVIGATION