헬라어 문장 검색 - Διοδορ́Βιβλιοτ́1́16́

(디오도로스 시켈로스, Bibliotheca Historica, book 1, chapter 15)

κτίσαι δέ φασι τοὺσ περὶ τὸν Ὄσιριν πόλιν ἐν τῇ Θηβαΐδι τῇ κατ’ Αἴγυπτον ἑκατόμπυλον, ἣν ἐκείνουσ μὲν ἐπώνυμον ποιῆσαι τῆσ μητρόσ, τοὺσ δὲ μεταγενεστέρουσ αὐτὴν ὀνομάζειν Διὸσ πόλιν, ἐνίουσ δὲ Θήβασ. ἀμφισβητεῖται δ’ ἡ κτίσισ τῆσ πόλεωσ ταύτησ οὐ μόνον παρὰ τοῖσ συγγραφεῦσιν, ἀλλὰ καὶ παρ’ αὐτοῖσ τοῖσ κατ’ Αἴγυπτον ἱερεῦσι·

πολλοὶ γὰρ ἱστοροῦσιν οὐχ ὑπὸ τῶν περὶ τὸν Ὄσιριν κτισθῆναι τὰσ Θήβασ, ἀλλὰ πολλοῖσ ὕστερον ἔτεσιν ὑπό τινοσ βασιλέωσ, περὶ οὗ τὰ κατὰ μέροσ ἐν τοῖσ οἰκείοισ χρόνοισ ἀναγράψομεν. ἱδρύσασθαι δὲ καὶ ἱερὸν τῶν γονέων Διόσ τε καὶ Ἥρασ ἀξιόλογον τῷ τε μεγέθει καὶ τῇ λοιπῇ πολυτελείᾳ, καὶ ναοὺσ χρυσοῦσ δύο Διόσ, τὸν μὲν μείζονα τοῦ οὐρανίου, τὸν δὲ ἐλάττονα τοῦ βεβασιλευκότοσ καὶ πατρὸσ αὐτῶν, ὅν τινεσ Ἄμμωνα καλοῦσι.

κατασκευάσαι δὲ καὶ τῶν ἄλλων θεῶν τῶν προειρημένων ναοὺσ χρυσοῦσ, ὧν ἑκάστῳ τιμὰσ ἀπονεῖμαι καὶ καταστῆσαι τοὺσ ἐπιμελομένουσ ἱερεῖσ.

προτιμᾶσθαι δὲ παρὰ τῷ Ὀσίριδι καὶ τῇ Ἴσιδι τοὺσ τὰσ τέχνασ ἀνευρίσκοντασ ἢ μεθοδεύοντάσ τι τῶν χρησίμων· διόπερ ἐν τῇ Θηβαΐδι χαλκουργείων εὑρεθέντων καὶ χρυσείων ὅπλα τε κατασκευάσασθαι, δἰ ὧν τὰ θηρία κτείνοντασ καὶ τὴν γῆν ἐργαζομένουσ φιλοτίμωσ ἐξημερῶσαι τὴν χώραν, ἀγάλματά τε καὶ χρυσοῦσ ναοὺσ κατασκευάσασθαι τῶν θεῶν διαπρεπεῖσ.

γενέσθαι δὲ καὶ φιλογέωργον τὸν Ὄσιριν, καὶ τραφῆναι μὲν τῆσ εὐδαίμονοσ Ἀραβίασ ἐν Νύσῃ πλησίον Αἰγύπτου Διὸσ ὄντα παῖδα, καὶ τὴν προσηγορίαν ἔχειν παρὰ τοῖσ Ἕλλησιν ἀπό τε τοῦ πατρὸσ καὶ τοῦ τόπου Διόνυσον ὀνομασθέντα.

μεμνῆσθαι δὲ τῆσ Νύσησ καὶ τὸν ποιητὴν ἐν τοῖσ ὕμνοισ, ὅτι περὶ τὴν Αἴγυπτον γέγονεν, ἐν οἷσ λέγει ἔστι δέ τισ Νύση, ὕπατον ὄροσ ἀνθέον ὕλῃ, τηλοῦ Φοινίκησ, σχεδὸν Αἰγύπτοιο ῥοάων.

εὑρετὴν δ’ αὐτὸν γενέσθαι φασὶ τῆσ ἀμπέλου περὶ τὴν Νῦσαν, καὶ τὴν κατεργασίαν τοῦ ταύτησ καρποῦ προσεπινοήσαντα πρῶτον οἴνῳ χρήσασθαι, καὶ διδάξαι τοὺσ ἄλλουσ ἀνθρώπουσ τήν τε φυτείαν τῆσ ἀμπέλου καὶ τὴν χρῆσιν τοῦ οἴνου καὶ τὴν συγκομιδὴν αὐτοῦ καὶ τήρησιν.

τιμᾶσθαι δ’ ὑπ’ αὐτοῦ μάλιστα πάντων τὸν Ἑρμῆν, διαφόρῳ φύσει κεχορηγημένον πρὸσ ἐπίνοιαν τῶν δυναμένων ὠφελῆσαι τὸν κοινὸν βίον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 15

(디오도로스 시켈로스, Bibliotheca Historica, book 1, chapter 15)

상위

목록

SEARCH

MENU NAVIGATION