헬라어 문장 검색 - Διοδορ́Βιβλιοτ́1́09́

(디오도로스 시켈로스, Bibliotheca Historica, book 1, chapter 8)

καὶ περὶ μὲν τῆσ πρώτησ τῶν ὅλων γενέσεωσ τοιαῦτα παρειλήφαμεν, τοὺσ δὲ ἐξ ἀρχῆσ γεννηθέντασ τῶν ἀνθρώπων φασὶν ἐν ἀτάκτῳ καὶ θηριώδει βίῳ καθεστῶτασ σποράδην ἐπὶ τὰσ νομὰσ ἐξιέναι, καὶ προσφέρεσθαι τῆσ τε βοτάνησ τὴν προσηνεστάτην καὶ τοὺσ αὐτομάτουσ ἀπὸ τῶν δένδρων καρπούσ. καὶ πολεμουμένουσ μὲν ὑπὸ τῶν θηρίων ἀλλήλοισ βοηθεῖν ὑπὸ τοῦ συμφέροντοσ διδασκομένουσ, ἀθροιζομένουσ δὲ διὰ τὸν φόβον ἐπιγινώσκειν ἐκ τοῦ κατὰ μικρὸν τοὺσ ἀλλήλων τύπουσ.

τῆσ φωνῆσ δ’ ἀσήμου καὶ συγκεχυμένησ οὔσησ ἐκ τοῦ κατ’ ὀλίγον διαρθροῦν τὰσ λέξεισ, καὶ πρὸσ ἀλλήλουσ τιθέντασ σύμβολα περὶ ἑκάστου τῶν ὑποκειμένων γνώριμον σφίσιν αὐτοῖσ ποιῆσαι τὴν περὶ ἁπάντων ἑρμηνείαν.

τοιούτων δὲ συστημάτων γινομένων καθ’ ἅπασαν τὴν οἰκουμένην, οὐχ ὁμόφωνον πάντασ ἔχειν τὴν διάλεκτον, ἑκάστων ὡσ ἔτυχε συνταξάντων τὰσ λέξεισ·

διὸ καὶ παντοίουσ τε ὑπάρξαι χαρακτῆρασ διαλέκτων καὶ τὰ πρῶτα γενόμενα συστήματα τῶν ἁπάντων ἐθνῶν ἀρχέγονα γενέσθαι. τοὺσ οὖν πρώτουσ τῶν ἀνθρώπων μηδενὸσ τῶν πρὸσ βίον χρησίμων εὑρημένου ἐπιπόνωσ διάγειν, γυμνοὺσ μὲν ἐσθῆτοσ ὄντασ, οἰκήσεωσ δὲ καὶ πυρὸσ ἀήθεισ, τροφῆσ δ’ ἡμέρου παντελῶσ ἀνεννοήτουσ.

καὶ γὰρ τὴν συγκομιδὴν τῆσ ἀγρίασ τροφῆσ ἀγνοοῦντασ μηδεμίαν τῶν καρπῶν εἰσ τὰσ ἐνδείασ ποιεῖσθαι παράθεσιν·

ἐκ δὲ τοῦ κατ’ ὀλίγον ὑπὸ τῆσ πείρασ διδασκομένουσ εἴσ τε τὰ σπήλαια καταφεύγειν ἐν τῷ χειμῶνι καὶ τῶν καρπῶν τοὺσ φυλάττεσθαι δυναμένουσ ἀποτίθεσθαι.

γνωσθέντοσ δὲ τοῦ πυρὸσ καὶ τῶν ἄλλων τῶν χρησίμων κατὰ μικρὸν καὶ τὰσ τέχνασ εὑρεθῆναι καὶ τἄλλα τὰ δυνάμενα τὸν κοινὸν βίον ὠφελῆσαι.

καθόλου γὰρ πάντων τὴν χρείαν αὐτὴν διδάσκαλον γενέσθαι τοῖσ ἀνθρώποισ, ὑφηγουμένην οἰκείωσ τὴν ἑκάστου μάθησιν εὐφυεῖ ζῴῳ καὶ συνεργοὺσ ἔχοντι πρὸσ ἅπαντα χεῖρασ καὶ λόγον καὶ ψυχῆσ ἀγχίνοιαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 8

(디오도로스 시켈로스, Bibliotheca Historica, book 1, chapter 8)

상위

목록

SEARCH

MENU NAVIGATION