헬라어 문장 검색 - Διοδορ́Βιβλιοτ́1́08́

(디오도로스 시켈로스, Bibliotheca Historica, book 1, chapter 7)

κατὰ γὰρ τὴν ἐξ ἀρχῆσ τῶν ὅλων σύστασιν μίαν ἔχειν ἰδέαν οὐρανόν τε καὶ γῆν, μεμιγμένησ αὐτῶν τῆσ φύσεωσ· μετὰ δὲ ταῦτα διαστάντων τῶν σωμάτων ἀπ’ ἀλλήλων, τὸν μὲν κόσμον περιλαβεῖν ἅπασαν τὴν ὁρωμένην ἐν αὐτῷ σύνταξιν, τὸν δ’ ἀέρα κινήσεωσ τυχεῖν συνεχοῦσ, καὶ τὸ μὲν πυρῶδεσ αὐτοῦ πρὸσ τοὺσ μετεωροτάτουσ τόπουσ συνδραμεῖν, ἀνωφεροῦσ οὔσησ τῆσ τοιαύτησ φύσεωσ διὰ τὴν κουφότητα· ἀφ’ ἧσ αἰτίασ τὸν μὲν ἥλιον καὶ τὸ λοιπὸν πλῆθοσ τῶν ἄστρων ἐναποληφθῆναι τῇ πάσῃ δίνῃ· τὸ δὲ ἰλυῶδεσ καὶ θολερὸν μετὰ τῆσ τῶν ὑγρῶν συγκρίσεωσ ἐπὶ ταὐτὸ καταστῆναι διὰ τὸ βάροσ· εἰλούμενον δ’ ἐν ἑαυτῷ συνεχῶσ καὶ συστρεφόμενον ἐκ μὲν τῶν ὑγρῶν τὴν θάλατταν, ἐκ δὲ τῶν στερεμνιωτέρων ποιῆσαι τὴν γῆν πηλώδη καὶ παντελῶσ ἁπαλήν.

ταύτην δὲ τὸ μὲν πρῶτον τοῦ περὶ τὸν ἥλιον πυρὸσ καταλάμψαντοσ πῆξιν λαβεῖν, ἔπειτα διὰ τὴν θερμασίαν ἀναζυμουμένησ τῆσ ἐπιφανείασ συνοιδῆσαί τινα τῶν ὑγρῶν κατὰ πολλοὺσ τόπουσ, καὶ γενέσθαι περὶ αὐτὰ σηπεδόνασ ὑμέσι λεπτοῖσ περιεχομένασ·

ὅπερ ἐν τοῖσ ἕλεσι καὶ τοῖσ λιμνάζουσι τῶν τόπων ἔτι καὶ νῦν ὁρᾶσθαι γινόμενον, ἐπειδὰν τῆσ χώρασ κατεψυγμένησ ἄφνω διάπυροσ ὁ ἀὴρ γένηται, μὴ λαβὼν τὴν μεταβολὴν ἐκ τοῦ κατ’ ὀλίγον. ζωογονουμένων δὲ τῶν ὑγρῶν διὰ τῆσ θερμασίασ τὸν εἰρημένον τρόπον τὰσ μὲν νύκτασ λαμβάνειν αὐτίκα τὴν τροφὴν ἐκ τῆσ πιπτούσησ ἀπὸ τοῦ περιέχοντοσ ὁμίχλησ, τὰσ δ’ ἡμέρασ ὑπὸ τοῦ καύματοσ στερεοῦσθαι·

τὸ δ’ ἔσχατον τῶν κυοφορουμένων τὴν τελείαν αὔξησιν λαβόντων, καὶ τῶν ὑμένων διακαυθέντων τε καὶ περιρραγέντων, ἀναφυῆναι παντοδαποὺσ τύπουσ ζῴων. τὴν δὲ γῆν ἀεὶ μᾶλλον στερεουμένην ὑπό τε τοῦ περὶ τὸν ἥλιον πυρὸσ καὶ τῶν πνευμάτων τὸ τελευταῖον μηκέτι δύνασθαι μηδὲν τῶν μειζόνων ζωογονεῖν, ἀλλ’ ἐκ τῆσ πρὸσ ἄλληλα μίξεωσ ἕκαστα γεννᾶσθαι τῶν ἐμψύχων, ἐοίκε δὲ περὶ τῆσ τῶν ὅλων φύσεωσ οὐδ’ Εὐριπίδησ διαφωνεῖν τοῖσ προειρημένοισ, μαθητὴσ ὢν Ἀναξαγόρου τοῦ φυσικοῦ·

ἐν γὰρ τῇ Μελανίππῃ τίθησιν οὕτωσ, ὡσ οὐρανόσ τε γαῖά τ’ ἦν μορφὴ μία·

ἐπεὶ δ’ ἐχωρίσθησαν ἀλλήλων δίχα, τίκτουσι πάντα κἀνέδωκαν εἰσ φάοσ, δένδρη, πετηνά, θῆρασ, οὕσ θ’ ἅλμη τρέφει, γένοσ τε θνητῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 7

(디오도로스 시켈로스, Bibliotheca Historica, book 1, chapter 7)

상위

목록

SEARCH

MENU NAVIGATION