헬라어 문장 검색 - Διοδορ́Βιβλιοτ́1́05́

(디오도로스 시켈로스, Bibliotheca Historica, book 1, chapter 4)

διόπερ ἡμεῖσ ὁρῶντεσ ταύτην τὴν ὑπόθεσιν χρησιμωτάτην μὲν οὖσαν, πολλοῦ δὲ πόνου καὶ χρόνου προσδεομένην, τριάκοντα μὲν ἔτη περὶ αὐτὴν ἐπραγματεύθημεν, μετὰ δὲ πολλῆσ κακοπαθείασ καὶ κινδύνων ἐπήλθομεν πολλὴν τῆσ τε Ἀσίασ καὶ τῆσ Εὐρώπησ, ἵνα τῶν ἀναγκαιοτάτων καὶ πλείστων μερῶν αὐτόπται γενηθῶμεν· πολλὰ γὰρ παρὰ τὰσ ἀγνοίασ τῶν τόπων διήμαρτον οὐχ οἱ τυχόντεσ τῶν συγγραφέων, ἀλλά τινεσ καὶ τῶν τῇ δόξῃ πεπρωτευκότων. ἀφορμῇ δὲ πρὸσ τὴν ἐπιβολὴν ταύτην ἐχρησάμεθα μάλιστα μὲν τῇ πρὸσ τὴν πραγματείαν ἐπιθυμίᾳ, δι’ ἣν πᾶσιν ἀνθρώποισ τὸ δοκοῦν ἄπορον εἶναι τυγχάνει συντελείασ, ἔπειτα καὶ τῇ ἐν Ῥώμῃ χορηγίᾳ τῶν πρὸσ τὴν ὑποκειμένην ὑπόθεσιν ἀνηκόντων.

ἡ γὰρ ταύτησ τῆσ πόλεωσ ὑπεροχή, διατείνουσα τῇ δυνάμει πρὸσ τὰ πέρατα τῆσ οἰκουμένησ, ἑτοιμοτάτασ καὶ πλείστασ ἡμῖν ἀφορμὰσ παρέσχετο παρεπιδημήσασιν ἐν αὐτῇ πλείω χρόνον.

ἡμεῖσ γὰρ ἐξ Ἀγυρίου τῆσ Σικελίασ ὄντεσ, καὶ διὰ τὴν ἐπιμιξίαν τοῖσ ἐν τῇ νήσῳ πολλὴν ἐμπειρίαν τῆσ Ῥωμαίων διαλέκτου περιπεποιμένοι, πάσασ τὰσ τῆσ ἡγεμονίασ ταύτησ πράξεισ ἀκριβῶσ ἀνελάβομεν ἐκ τῶν παρ’ ἐκείνοισ ὑπομνημάτων ἐκ πολλῶν χρόνων τετηρημένων.

πεποιήμεθα δὲ τὴν ἀρχὴν τῆσ ἱστορίασ ἀπὸ τῶν μυθολογουμένων παρ’ Ἕλλησί τε καὶ βαρβάροισ, ἐξετάσαντεσ τὰ παρ’ ἑκάστοισ ἱστορούμενα κατὰ τοὺσ ἀρχαίουσ χρόνουσ, ἐφ’ ὅσον ἡμῖν δύναμισ.

ἐπεὶ δ’ ἡ μὲν ὑπόθεσισ ἔχει τέλοσ, αἱ βίβλοι δὲ μέχρι τοῦ νῦν ἀνέκδοτοι τυγχάνουσιν οὖσαι, βούλομαι βραχέα προδιορίσαι περὶ ὅλησ τῆσ πραγματείασ.

τῶν γὰρ βίβλων ἡμῖν ἓξ μὲν αἱ πρῶται περιέχουσι τὰσ πρὸ τῶν Τρωικῶν πράξεισ καὶ μυθολογίασ, καὶ τούτων αἱ μὲν προηγούμεναι τρεῖσ τὰσ βαρβαρικάσ, αἱ δ’ ἑξῆσ σχεδὸν τὰσ τῶν Ἑλλήνων ἀρχαιολογίασ· ἐν δὲ ταῖσ μετὰ ταύτασ ἕνδεκα τὰσ ἀπὸ τῶν Τρωικῶν κοινὰσ πράξεισ ἀναγεγράφαμεν ἑώσ τῆσ Ἀλεξάνδρου τελευτῆσ· ἐν δὲ ταῖσ ἑξῆσ εἴκοσι καὶ τρισὶ βίβλοισ τὰσ λοιπὰσ ἁπάσασ κατετάξαμεν μέχρι τῆσ ἀρχῆσ τοῦ συστάντοσ πολέμου Ῥωμαίοισ πρὸσ Κελτούσ, καθ’ ὃν ἡγούμενοσ Γάιοσ Ιοὔλιοσ Καῖσαρ ὁ διὰ τὰσ πράξεισ προσαγορευθεὶσ θεὸσ κατεπολέμησε μὲν τὰ πλεῖστα καὶ μαχιμώτατα τῶν Κελτῶν ἔθνη, προεβίβασε δὲ τὴν ἡγεμονίαν τῆσ Ῥώμησ μέχρι τῶν Βρεττανικῶν νήσων·

τούτου δ’ αἱ πρῶται πράξεισ ἐπετελέσθησαν ὀλυμπιάδοσ τῆσ ἑκατοστῆσ καὶ ὀγδοηκοστῆσ κατὰ τὸ πρῶτον ἔτοσ ἐπ’ ἄρχοντοσ Ἀθήνησιν Ἡρώδου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 4

(디오도로스 시켈로스, Bibliotheca Historica, book 1, chapter 4)

상위

목록

SEARCH

MENU NAVIGATION