헬라어 문장 검색 - Διοδορ́Βιβλιοτ́1́04́

(디오도로스 시켈로스, Bibliotheca Historica, book 1, chapter 3)

διὸ καὶ θεωροῦντεσ ἡμεῖσ δικαίασ ἀποδοχῆσ τυγχάνοντασ τοὺσ ταύτην πραγματευσαμένουσ προήχθημεν ἐπὶ τὸν ὅμοιον τῆσ ὑποθέσεωσ ζῆλον. ἐπιστήσαντεσ δὲ τὸν νοῦν τοῖσ πρὸ ἡμῶν συγγραφεῦσιν ἀπεδεξάμεθα μὲν ὡσ ἔνι μάλιστα τὴν προαίρεσιν αὐτῶν, οὐ μὴν ἐξειργάσθαι πρὸσ τὸ συμφέρον καὶ τὸ δυνατὸν τὰσ πραγματείασ αὐτῶν ὑπελάβομεν. κειμένησ γὰρ τοῖσ ἀναγινώσκουσι τῆσ ὠφελείασ ἐν τῷ πλείστασ καὶ ποικιλωτάτασ περιστάσεισ λαμβάνειν, οἱ πλεῖστοι μὲν ἑνὸσ ἔθνουσ ἢ μιᾶσ πόλεωσ αὐτοτελεῖσ πολέμουσ ἀνέγραψαν, ὀλίγοι δ’ ἀπὸ τῶν ἀρχαίων χρόνων ἀρξάμενοι τὰσ κοινὰσ πράξεισ ἐπεχείρησαν ἀναγράφειν μέχρι τῶν καθ’ αὑτοὺσ καιρῶν, καὶ τούτων οἱ μὲν τοὺσ οἰκείουσ χρόνουσ ἑκάστοισ οὐ παρέζευξαν, οἱ δὲ τὰσ τῶν βαρβάρων πράξεισ ὑπερέβησαν, ἔτι δ’ οἱ μὲν τὰσ παλαιὰσ μυθολογίασ διὰ τὴν δυσχέρειαν τῆσ πραγματείασ ἀπεδοκίμασαν, οἱ δὲ τὴν ὑπόστασιν τῆσ ἐπιβολῆσ οὐ συνετέλεσαν, μεσολαβηθέντεσ τὸν βίον ὑπὸ τῆσ πεπρωμένησ.

τῶν δὲ τὴν ἐπιβολὴν ταύτησ τῆσ πραγματείασ πεποιημένων οὐδεὶσ προεβίβασε τὴν ἱστορίαν κατωτέρω τῶν Μακεδονικῶν καιρῶν·

οἱ μὲν γὰρ εἰσ τὰσ Φιλίππου πράξεισ, οἱ δ’ εἰσ τὰσ Ἀλεξάνδρου, τινὲσ δ’ εἰσ τοὺσ διαδόχουσ ἢ τοὺσ ἐπιγόνουσ κατέστρεψαν τὰσ συντάξεισ· πολλῶν δὲ καὶ μεγάλων τῶν μετὰ ταῦτα πράξεων ἀπολελειμμένων μέχρι τοῦ καθ’ ἡμᾶσ βίου τῶν ἱστοριογράφων οὐδεὶσ ἐπεβάλετο αὐτὰσ μιᾶσ συντάξεωσ περιγραφῇ πραγματεύσασθαι διὰ τὸ μέγεθοσ τῆσ ὑποθέσεωσ. διὸ καὶ ἐρριμμένων τῶν τε χρόνων καὶ τῶν πράξεων ἐν πλείοσι πραγματείαισ καὶ διαφόροισ συγγραφεῦσι δυσπερίληπτοσ ἡ τούτων ἀνάληψισ γίνεται καὶ δυσμνημόνευτοσ.

ἐξετάσαντεσ οὖν τὰσ ἑκάστου τούτων διαθέσεισ ἐκρίναμεν ὑπόθεσιν ἱστορικὴν πραγματεύσασθαι τὴν πλεῖστα μὲν ὠφελῆσαι δυναμένην, ἐλάχιστα δὲ τοὺσ ἀναγινώσκοντασ ἐνοχλήσουσαν.

εἰ γάρ τισ τὰσ εἰσ μνήμην παραδεδομένασ τοῦ σύμπαντοσ κόσμου πράξεισ, ὥσπερ τινὸσ μιᾶσ πόλεωσ, ἀρξάμενοσ ἀπὸ τῶν ἀρχαιοτάτων χρόνων ἀναγράψαι κατὰ τὸ δυνατὸν μέχρι τῶν καθ’ αὑτὸν καιρῶν, πόνον μὲν ἂν πολὺν ὑπομείναι δῆλον ὅτι, πραγματείαν δὲ πασῶν εὐχρηστοτάτην συντάξαιτο τοῖσ φιλαναγνωστοῦσιν.

ἐξέσται γὰρ ἐκ ταύτησ ἕκαστον πρὸσ τὴν ἰδίαν ὑπόστασιν ἑτοίμωσ λαμβάνειν τὸ χρήσιμον, ὥσπερ ἐκ μεγάλησ ἀρυόμενον πηγῆσ.

τοῖσ μὲν γὰρ ἐπιβαλλομένοισ διεξιέναι τὰσ τῶν τοσούτων συγγραφέων ἱστορίασ πρῶτον μὲν οὐ ῥᾴδιον εὐπορῆσαι τῶν εἰσ τὴν χρείαν πιπτουσῶν βίβλων, ἔπειτα διὰ τὴν ἀνωμαλίαν καὶ τὸ πλῆθοσ τῶν συνταγμάτων δυσκατάληπτοσ γίνεται τελέωσ καὶ δυσέφικτοσ ἡ τῶν πεπραγμένων ἀνάληψισ·

ἡ δ’ ἐν μιᾶσ συντάξεωσ περιγραφῇ πραγματεία τὸ τῶν πράξεων εἰρόμενον ἔχουσα τὴν μὲν ἀνάγνωσιν ἑτοίμην παρέχεται, τὴν δ’ ἀνάληψιν ἔχει παντελῶσ εὐπαρακολούθητον. καθόλου δὲ τῶν ἄλλων τοσοῦτον ὑπερέχειν ταύτην ἡγητέον ὅσῳ χρησιμώτερόν ἐστι τὸ πᾶν τοῦ μέρουσ καὶ τὸ συνεχὲσ τοῦ διερρηγμένου, πρὸσ δὲ τούτοισ τὸ διηκριβωμένον τοῖσ χρόνοισ τοῦ μηδὲ γινωσκομένου τίσιν ἐπράχθη καιροῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 3

(디오도로스 시켈로스, Bibliotheca Historica, book 1, chapter 3)

상위

목록

SEARCH

MENU NAVIGATION