헬라어 문장 검색 - Διοδορ́Βιβλιοτ́1́02́

(디오도로스 시켈로스, Bibliotheca Historica, book 1, chapter 1)

τοῖσ τὰσ κοινὰσ ἱστορίασ πραγματευσαμένοισ μεγάλασ χάριτασ ἀπονέμειν δίκαιον πάντασ ἀνθρώπουσ, ὅτι τοῖσ ἰδίοισ πόνοισ ὠφελῆσαι τὸν κοινὸν βίον ἐφιλοτιμήθησαν· ἀκίνδυνον γὰρ διδασκαλίαν τοῦ συμφέροντοσ εἰσηγησάμενοι καλλίστην ἐμπειρίαν διὰ τῆσ πραγματείασ ταύτησ περιποιοῦσι τοῖσ ἀναγινώσκουσιν. ἡ μὲν γὰρ ἐκ τῆσ πείρασ ἑκάστου μάθησισ μετὰ πολλῶν πόνων καὶ κινδύνων ποιεῖ τῶν χρησίμων ἕκαστα διαγινώσκειν, καὶ διὰ τοῦτο τῶν ἡρώων ὁ πολυπειρότατοσ μετὰ μεγάλων ἀτυχημάτων πολλῶν ἀνθρώπων ἴδεν ἄστεα καὶ νόον ἔγνω·

ἡ δὲ διὰ τῆσ ἱστορίασ περιγινομένη σύνεσισ τῶν ἀλλοτρίων ἀποτευγμάτων τε καὶ κατορθωμάτων ἀπείρατον κακῶν ἔχει τήν διδασκαλίαν. ἔπειτα πάντασ ἀνθρώπουσ, μετέχοντασ μὲν τῆσ πρὸσ ἀλλήλουσ συγγενείασ, τόποισ δὲ καὶ χρόνοισ διεστηκότασ, ἐφιλοτιμήθησαν ὑπὸ μίαν καὶ τὴν αὐτὴν σύνταξιν ἀγαγεῖν, ὥσπερ τινὲσ ὑπουργοὶ τῆσ θείασ προνοίασ γενηθέντεσ.

ἐκείνη τε γὰρ τὴν τῶν ὁρωμένων ἄστρων διακόσμησιν καὶ τὰσ ἀνθρώπων φύσεισ εἰσ κοινὴν ἀναλογίαν συνθεῖσα κυκλεῖ συνεχῶσ ἅπαντα τὸν αἰῶνα, τὸ ἐπιβάλλον ἑκάστοισ ἐκ τῆσ πεπρωμένησ μερίζουσα, οἵ τε τὰσ κοινὰσ τῆσ οἰκουμένησ πράξεισ καθάπερ μιᾶσ πόλεωσ ἀναγράψαντεσ ἕνα λόγον καὶ κοινὸν χρηματιστήριον τῶν συντετελεσμένων ἀπέδειξαν τὰσ ἑαυτῶν πραγματείασ. καλὸν γὰρ τὸ δύνασθαι τοῖσ τῶν ἄλλων ἀγνοήμασι πρὸσ διόρθωσιν χρῆσθαι παραδείγμασι, καὶ πρὸσ τὰ συγκυροῦντα ποικίλωσ κατὰ τὸν βίον ἔχειν μὴ ζήτησιν τῶν πραττομένων, ἀλλὰ μίμησιν τῶν ἐπιτετευγμένων.

καὶ γὰρ τοὺσ πρεσβυτάτουσ ταῖσ ἡλικίαισ ἅπαντεσ τῶν νεωτέρων προκρίνουσιν ἐν ταῖσ συμβουλίαισ διὰ τὴν ἐκ τοῦ χρόνου περιγεγενημένην αὐτοῖσ ἐμπειρίαν· ἧσ τοσοῦτον ὑπερέχειν συμβέβηκε τὴν ἐκ τῆσ ἱστορίασ μάθησιν ὅσον καὶ τῷ πλήθει τῶν πραγμάτων προτεροῦσαν αὐτὴν ἐπεγνώκαμεν. διὸ καὶ πρὸσ ἁπάσασ τὰσ τοῦ βίου περιστάσεισ χρησιμωτάτην ἄν τισ εἶναι νομίσειε τὴν ταύτησ ἀνάληψιν. τοῖσ μὲν γὰρ νεωτέροισ τὴν τῶν γεγηρακότων περιποιεῖ σύνεσιν, τοῖσ δὲ πρεσβυτέροισ πολλαπλασιάζει τὴν ὑπάρχουσαν ἐμπειρίαν, καὶ τοὺσ μὲν ἰδιώτασ ἀξίουσ ἡγεμονίασ κατασκευάζει, τοὺσ δ’ ἡγεμόνασ τῷ διὰ τῆσ δόξησ ἀθανατισμῷ προτρέπεται τοῖσ καλλίστοισ τῶν ἔργων ἐπιχειρεῖν, χωρὶσ δὲ τούτων τοὺσ μὲν στρατιώτασ τοῖσ μετὰ τὴν τελευτὴν ἐπαίνοισ ἑτοιμοτέρουσ κατασκευάζει πρὸσ τοὺσ ὑπὲρ τῆσ πατρίδοσ κινδύνουσ, τοὺσ δὲ πονηροὺσ τῶν ἀνθρώπων ταῖσ αἰωνίοισ βλασφημίαισ ἀποτρέπει τῆσ ἐπὶ τὴν κακίαν ὁρμῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 1

(디오도로스 시켈로스, Bibliotheca Historica, book 1, chapter 1)

상위

목록

SEARCH

MENU NAVIGATION