헬라어 문장 검색 - Διοδορ́Βιβλιοτ́1́73́

(디오도로스 시켈로스, Bibliotheca Historica, book 1, chapter 72)

καὶ τὰ μετὰ τὴν τελευτὴν δὲ γινόμενα τῶν βασιλέων παρὰ τοῖσ Αἰγυπτίοισ οὐ μικρὰν ἀπόδειξιν εἶχε τῆσ τοῦ πλήθουσ εὐνοίασ εἰσ τοὺσ ἡγουμένουσ· εἰσ ἀνεπαίσθητον γὰρ χάριν ἡ τιμὴ τιθεμένη μαρτυρίαν ἀνόθευτον περιεῖχε τῆσ ἀληθείασ. ὁπότε γὰρ ἐκλείποι τισ τὸν βίον τῶν βασιλέων, πάντεσ οἱ κατὰ τὴν Αἴγυπτον κοινὸν ἀνῃροῦντο πένθοσ, καὶ τὰσ μὲν ἐσθῆτασ κατερρήττοντο, τὰ δ’ ἱερὰ συνέκλειον καὶ τὰσ θυσίασ ἐπεῖχον καὶ τὰσ ἑορτὰσ οὐκ ἦγον ἐφ’ ἡμέρασ ἑβδομήκοντα καὶ δύο·

καταπεπλασμένοι δὲ τὰσ κεφαλὰσ πηλῷ καὶ περιεζωσμένοι σινδόνασ ὑποκάτω τῶν μαστῶν ὁμοίωσ ἄνδρεσ καὶ γυναῖκεσ περιῇσαν ἀθροισθέντεσ κατὰ διακοσίουσ ἢ τριακοσίουσ, καὶ τὸν μὲν θρῆνον ἐν ῥυθμῷ μετ’ ᾠδῆσ ποιούμενοι δὶσ τῆσ ἡμέρασ ἐτίμων ἐγκωμίοισ, ἀνακαλούμενοι τὴν ἀρετὴν τοῦ τετελευτηκότοσ, τροφὴν δ’ οὔτε τὴν ἀπὸ τῶν ἐμψύχων οὔτε τὴν ἀπὸ τοῦ πυροῦ προσεφέροντο, τοῦ τε οἴνου καὶ πάσησ πολυτελείασ ἀπείχοντο. οὐδεὶσ δ’ ἂν οὔτε λουτροῖσ οὔτ’ ἀλείμμασιν οὔτε στρωμναῖσ προείλετο χρῆσθαι, οὐ μὴν οὐδὲ πρὸσ τὰ ἀφροδίσια προσελθεῖν ἂν ἐτόλμησεν, ἀλλὰ καθάπερ ἀγαπητοῦ τέκνου τελευτήσαντοσ ἕκαστοσ περιώδυνοσ γινόμενοσ ἐπένθει τὰσ εἰρημένασ ἡμέρασ.

ἐν δὲ τούτῳ τῷ χρόνῳ τὰ πρὸσ ταφὴν λαμπρῶσ παρεσκευασμένοι, καὶ τῇ τελευταίᾳ τῶν ἡμερῶν θέντεσ τὴν τὸ σῶμα ἔχουσαν λάρνακα πρὸ τῆσ εἰσ τὸν τάφον εἰσόδου, προετίθεσαν κατὰ νόμον τῷ τετελευτηκότι κριτήριον τῶν ἐν τῷ βίῳ πραχθέντων.

δοθείσησ δ’ ἐξουσίασ τῷ βουλομένῳ κατηγορεῖν, οἱ μὲν ἱερεῖσ ἐνεκωμίαζον ἕκαστα τῶν καλῶσ αὐτῷ πραχθέντων διεξιόντεσ, αἰ δὲ πρὸσ τὴν ἐκφορὰν συνηγμέναι μυριάδεσ τῶν ὄχλων ἀκούουσαι συνεπευφήμουν, εἰ τύχοι καλῶσ βεβιωκώσ, εἰ δὲ μή, τοὐναντίον ἐθορύβουν.

καὶ πολλοὶ τῶν βασιλέων διὰ τὴν τοῦ πλήθουσ ἐναντίωσιν ἀπεστερήθησαν τῆσ ἐμφανοῦσ καὶ νομίμου ταφῆσ·

διὸ καὶ συνέβαινε τοὺσ τὴν βασιλείαν διαδεχομένουσ μὴ μόνον διὰ τὰσ ἄρτι ῥηθείσασ αἰτίασ δικαιοπραγεῖν, ἀλλὰ καὶ διὰ τὸν φόβον τῆσ μετὰ τὴν τελευτὴν ἐσομένησ ὕβρεώσ τε τοῦ σώματοσ καὶ βλασφημίασ εἰσ ἅπαντα τὸν αἰῶνα. τῶν μὲν οὖν περὶ τοὺσ ἀρχαίουσ βασιλεῖσ νομίμων τὰ μέγιστα ταῦτ’ ἔστιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 72

(디오도로스 시켈로스, Bibliotheca Historica, book 1, chapter 72)

상위

목록

SEARCH

MENU NAVIGATION