헬라어 문장 검색 - Διοδορ́Βιβλιοτ́1́46́

(디오도로스 시켈로스, Bibliotheca Historica, book 1, chapter 45)

μετὰ τοὺσ θεοὺσ τοίνυν πρῶτόν φασι βασιλεῦσαι τῆσ Αἰγύπτου Μηνᾶν, καὶ καταδεῖξαι τοῖσ λαοῖσ θεούσ τε σέβεσθαι καὶ θυσίασ ἐπιτελεῖν, πρὸσ δὲ τούτοισ παρατίθεσθαι τραπέζασ καὶ κλίνασ καὶ στρωμνῇ πολυτελεῖ χρῆσθαι, καὶ τὸ σύνολον τρυφὴν καὶ πολυτελῆ βίον εἰσηγήσασθαι. διὸ καὶ πολλαῖσ ὕστερον γενεαῖσ βασιλεύοντα Τνέφαχθον τὸν Βοκχόριδοσ τοῦ σοφοῦ πατέρα λέγουσιν εἰσ τὴν Ἀραβίαν στρατεύσαντα, τῶν ἐπιτηδείων αὐτὸν διά τε τὴν ἐρημίαν καὶ τὰσ δυσχωρίασ ἐκλιπόντων, ἀναγκασθῆναι μίαν ἡμέραν ἐνδεᾶ γενόμενον χρήσασθαι διαίτῃ παντελῶσ εὐτελεῖ παρά τισι τῶν τυχόντων ἰδιωτῶν, ἡσθέντα δὲ καθ’ ὑπερβολὴν καταγνῶναι τῆσ τρυφῆσ καὶ τῷ καταδείξαντι τὴν πολυτέλειαν ἐξ ἀρχῆσ βασιλεῖ καταρᾶσθαι·

οὕτω δ’ ἐγκάρδιον αὐτῷ τὴν μεταβολὴν γενέσθαι τὴν περὶ τὴν βρῶσιν καὶ πόσιν καὶ κοίτην ὥστε τὴν κατάραν ἀναγράψαι τοῖσ ἱεροῖσ γράμμασιν εἰσ τὸν τοῦ Διὸσ ναὸν ἐν Θήβαισ· ὃ δὴ δοκεῖ μάλιστα αἴτιον γενέσθαι τοῦ μὴ διαμεῖναι τὴν δόξαν τοῦ Μηνᾶ καὶ τὰσ τιμὰσ εἰσ τοὺσ ὕστερον χρόνουσ. ἑξῆσ δ’ ἄρξαι λέγεται τοῦ προειρημένου βασιλέωσ τοὺσ ἀπογόνουσ δύο πρὸσ τοῖσ πεντήκοντα τοὺσ ἅπαντασ ἔτη πλείω τῶν χιλίων καὶ τετταράκοντα·

ἐφ’ ὧν μηδὲν ἄξιον ἀναγραφῆσ γενέσθαι. μετὰ δὲ ταῦτα κατασταθέντοσ βασιλέωσ Βουσίριδοσ καὶ τῶν τούτου πάλιν ἐκγόνων ὀκτώ, τὸν τελευταῖον ὁμώνυμον ὄντα τῷ πρώτῳ φασὶ κτίσαι τὴν ὑπὸ μὲν τῶν Αἰγυπτίων καλουμένην Διὸσ πόλιν τὴν μεγάλην, ὑπὸ δὲ τῶν Ἑλλήνων Θήβασ.

τὸν μὲν οὖν περίβολον αὐτὸν ὑποστήσασθαι σταδίων ἑκατὸν καὶ τετταράκοντα, οἰκοδομήμασι δὲ μεγάλοισ καὶ ναοῖσ ἐκπρεπέσι καὶ τοῖσ ἄλλοισ ἀναθήμασι κοσμῆσαι θαυμαστῶσ· ὁμοίωσ δὲ καὶ τὰσ τῶν ἰδιωτῶν οἰκίασ, ἃσ μὲν τετρωρόφουσ, ἃσ δὲ πεντωρόφουσ κατασκευάσαι, καὶ καθόλου τὴν πόλιν εὐδαιμονεστάτην οὐ μόνον τῶν κατ’ Αἴγυπτον, ἀλλὰ καὶ τῶν ἄλλων πασῶν ποιῆσαι.

διὰ δὲ τὴν ὑπερβολὴν τῆσ περὶ αὐτὴν εὐπορίασ τε καὶ δυνάμεωσ εἰσ πάντα τόπον τῆσ φήμησ διαδεδομένησ ἐπιμεμνῆσθαι καὶ τὸν ποιητὴν αὐτῆσ φασιν ἐν οἷσ λέγει οὐδ’ ὅσα Θήβασ Αἰγυπτίασ, ὅθι πλεῖστα δόμοισ ἔνι κτήματα κεῖται, αἵθ’ ἑκατόμπυλοί εἰσι, διηκόσιοι δ’ ἀν’ ἑκάστην ἀνέρεσ ἐξοιχνεῦσι σὺν ἵπποισιν καὶ ὄχεσφιν.

ἔνιοι δέ φασιν οὐ πύλασ ἑκατὸν ἐσχηκέναι τὴν πόλιν, ἀλλὰ πολλὰ καὶ μεγάλα προπύλαια τῶν ἱερῶν, ἀφ’ ὧν ἑκατόμπυλον ὠνομάσθαι, καθαπερεὶ πολύπυλον.

δισμύρια δ’ ἁρ́ματα πρὸσ ἀλήθειαν ἐξ αὐτῆσ εἰσ τοὺσ πολέμουσ ἐκπορεύεσθαι· τοὺσ γὰρ ἱππῶνασ ἑκατὸν γεγονέναι κατὰ τὴν παραποταμίαν τὴν ἀπὸ Μέμφεωσ ἄχρι Θηβῶν τῶν κατὰ τὴν Λιβύην, ἑκάστου δεχομένου ἀνὰ διακοσίουσ ἵππουσ, ὧν ἔτι νῦν τὰ θεμέλια δείκνυσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 45

(디오도로스 시켈로스, Bibliotheca Historica, book 1, chapter 45)

상위

목록

SEARCH

MENU NAVIGATION