헬라어 문장 검색 - Διοδορ́Βιβλιοτ́1́97́

(디오도로스 시켈로스, Bibliotheca Historica, book 1, chapter 96)

τούτων δ’ ἡμῖν διευκρινημένων ῥητέον ὅσοι τῶν παρ’ Ἕλλησι δεδοξασμένων ἐπὶ συνέσει καὶ παιδείᾳ παρέβαλον εἰσ Αἴγυπτον ἐν τοῖσ ἀρχαίοισ χρόνοισ, ἵνα τῶν ἐνταῦθα νομίμων καὶ τῆσ παιδείασ μετάσχωσιν. οἱ γὰρ ἱερεῖσ τῶν Αἰγυπτίων ἱστοροῦσιν ἐκ τῶν ἀναγραφῶν τῶν ἐν ταῖσ ἱεραῖσ βίβλοισ παραβαλεῖν πρὸσ ἑαυτοὺσ τὸ παλαιὸν Ὀρφέα τε καὶ Μουσαῖον καὶ Μελάμποδα καὶ Δαίδαλον, πρὸσ δὲ τούτοισ Ὅμηρόν τε τὸν ποιητὴν καὶ Λυκοῦργον τὸν Σπαρτιάτην, ἔτι δὲ Σόλωνα τὸν Ἀθηναῖον καὶ Πλάτωνα τὸν φιλόσοφον, ἐλθεῖν δὲ καὶ Πυθαγόραν τὸν Σάμιον καὶ τὸν μαθηματικὸν Εὔδοξον, ἔτι δὲ Δημόκριτον τὸν Ἀβδηρίτην καὶ Οἰνοπίδην τὸν Χῖον.

πάντων δὲ τούτων σημεῖα δεικνύουσι τῶν μὲν εἰκόνασ, τῶν δὲ τόπων ἢ κατασκευασμάτων ὁμωνύμουσ προσηγορίασ, ἔκ τε τῆσ ἑκάστῳ ζηλωθείσησ παιδείασ ἀποδείξεισ φέρουσι, συνιστάντεσ ἐξ Αἰγύπτου μετενηνέχθαι πάντα δι’ ὧν παρὰ τοῖσ Ἕλλησιν ἐθαυμάσθησαν.

Ὀρφέα μὲν γὰρ τῶν μυστικῶν τελετῶν τὰ πλεῖστα καὶ τὰ περὶ τὴν ἑαυτοῦ πλάνην ὀργιαζόμενα καὶ τὴν τῶν ἐν ᾅδου μυθοποιίαν ἀπενέγκασθαι.

τὴν μὲν γὰρ Ὀσίριδοσ τελετὴν τῇ Διονύσου τὴν αὐτὴν εἶναι, τὴν δὲ τῆσ Ἴσιδοσ τῇ τῆσ Δήμητροσ ὁμοιοτάτην ὑπάρχειν, τῶν ὀνομάτων μόνων ἐνηλλαγμένων·

τὰσ δὲ τῶν ἀσεβῶν ἐν ᾅδου τιμωρίασ καὶ τοὺσ τῶν εὐσεβῶν λειμῶνασ καὶ τὰσ παρὰ τοῖσ πολλοῖσ εἰδωλοποιίασ ἀναπεπλασμένασ παρεισαγαγεῖν μιμησάμενον τὰ γινόμενα περὶ τὰσ ταφὰσ τὰσ κατ’ Αἴγυπτον. τὸν μὲν γὰρ ψυχοπομπὸν Ἑρμῆν κατὰ τὸ παλαιὸν νόμιμον παρ’ Αἰγυπτίοισ ἀναγαγόντα τὸ τοῦ Ἄπιδοσ σῶμα μέχρι τινὸσ παραδιδόναι τῷ περικειμένῳ τὴν τοῦ Κερβέρου προτομήν.

τοῦ δ’ Ὀρφέωσ τοῦτο καταδείξαντοσ παρὰ τοῖσ Ἕλλησι τὸν Ὅμηρον ἀκολούθωσ τούτῳ θεῖναι κατὰ τὴν ποίησιν Ἑρμῆσ δὲ ψυχὰσ Κυλλήνιοσ ἐξεκαλεῖτο ἀνδρῶν μνηστήρων, ἔχε δὲ ῥάβδον μετὰ χερσίν. εἶτα πάλιν ὑποβάντα λέγειν πὰρ δ’ ἴσαν Ὠκεανοῦ τε ῥοὰσ καὶ Λευκάδα πέτρην, ἠδὲ παρ’ Ηἐλίοιο πύλασ καὶ δῆμον Ὀνείρων ἠίσαν· αἶψα δ’ ἵκοντο κατ’ ἀσφοδελὸν λειμῶνα, ἔνθα τε ναίουσι ψυχαί, εἴδωλα καμόντων. ὠκεανὸν μὲν οὖν καλεῖν τὸν ποταμὸν διὰ τὸ τοὺσ Αἰγυπτίουσ κατὰ τὴν ἰδίαν διάλεκτον Ὠκεανὸν λέγειν τὸν Νεῖλον, Ἡλίου δὲ πύλασ τὴν πόλιν τὴν τῶν Ἡλιοπολιτῶν, λειμῶνα δ’ ὀνομάζειν, τὴν μυθολογουμένην οἴκησιν τῶν μετηλλαχότων, τὸν παρὰ τὴν λίμνην τόπον τὴν καλουμένην μὲν Ἀχερουσίαν, πλησίον δὲ οὖσαν τῆσ Μέμφεωσ, ὄντων περὶ αὐτὴν λειμώνων καλλίστων, ἕλουσ καὶ λωτοῦ καὶ καλάμου.

ἀκολούθωσ δ’ εἰρῆσθαι καὶ τὸ κατοικεῖν τοὺσ τελευτήσαντασ ἐν τούτοισ τοῖσ τόποισ διὰ τὸ τὰσ τῶν Αἰγυπτίων ταφὰσ τὰσ πλείστασ καὶ μεγίστασ ἐνταῦθα γίνεσθαι, διαπορθμευομένων μὲν τῶν νεκρῶν διά τε τοῦ ποταμοῦ καὶ τῆσ Ἀχερουσίασ λίμνησ, τιθεμένων δὲ τῶν σωμάτων εἰσ τὰσ ἐνταῦθα κειμένασ θήκασ. συμφωνεῖν δὲ καὶ τἄλλα τὰ παρὰ τοῖσ Ἕλλησι καθ’ ᾅδου μυθολογούμενα τοῖσ ἔτι νῦν γινομένοισ κατ’ Αἴγυπτον·

τὸ μὲν γὰρ διακομίζον τὰ σώματα πλοῖον βᾶριν καλεῖσθαι, τὸ δ’ ἐπίβαθρον τῷ πορθμεῖ δίδοσθαι, καλουμένῳ κατὰ τὴν ἐγχώριον διάλεκτον χάρωνι. εἶναι δὲ λέγουσι πλησίον τῶν τόπων τούτων καὶ σκοτίασ Ἑκάτησ ἱερὸν καὶ πύλασ Κωκυτοῦ καὶ Λήθησ διειλημμένασ χαλκοῖσ ὀχεῦσιν.

ὑπάρχειν δὲ καὶ ἄλλασ πύλασ Ἀληθείασ, καὶ πλησίον τούτων εἴδωλον ἀκέφαλον ἑστάναι Δίκησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 96

(디오도로스 시켈로스, Bibliotheca Historica, book 1, chapter 96)

상위

목록

SEARCH

MENU NAVIGATION