헬라어 문장 검색 - Διοδορ́Βιβλιοτ́1́96́

(디오도로스 시켈로스, Bibliotheca Historica, book 1, chapter 95)

μετὰ δὲ τοῦτον προσελθεῖν λέγουσι τοῖσ νόμοισ Ἄμασιν τὸν βασιλέα, ὃν ἱστοροῦσι τὰ περὶ τοὺσ νομάρχασ διατάξαι καὶ τὰ περὶ τὴν σύμπασαν οἰκονομίαν τῆσ Αἰγύπτου. παραδέδοται δὲ συνετόσ τε γεγονέναι καθ’ ὑπερβολὴν καὶ τὸν τρόπον ἐπιεικὴσ καὶ δίκαιοσ· ὧν ἕνεκα καὶ τοὺσ Αἰγυπτίουσ αὐτῷ περιτεθεικέναι τὴν ἀρχὴν οὐκ ὄντι γένουσ βασιλικοῦ. φασὶ δὲ καὶ τοὺσ Ἠλείουσ, σπουδάζοντασ περὶ τὸν Ὀλυμπικὸν ἀγῶνα, πρεσβευτὰσ ἀποστεῖλαι πρὸσ αὐτὸν ἐρωτήσοντασ πῶσ ἂν γένοιτο δικαιότατοσ·

τὸν δ’ εἰπεῖν, ἐὰν μηδεὶσ Ἠλεῖοσ ἀγωνίζηται. Πολυκράτουσ δὲ τοῦ Σαμίων δυνάστου συντεθειμένου πρὸσ αὐτὸν φιλίαν, καὶ βιαίωσ προσφερομένου τοῖσ τε πολίταισ καὶ τοῖσ εἰσ Σάμον καταπλέουσι ξένοισ, τὸ μὲν πρῶτον λέγεται πρεσβευτὰσ ἀποστείλαντα παρακαλεῖν αὐτὸν ἐπὶ τὴν μετριότητα·

οὐ προσέχοντοσ δ’ αὐτοῦ τοῖσ λόγοισ ἐπιστολὴν γράψαι τὴν φιλίαν καὶ τὴν ξενίαν τὴν πρὸσ αὐτὸν διαλυόμενον· οὐ γὰρ βούλεσθαι λυπηθῆναι συντόμωσ ἑαυτόν, ἀκριβῶσ εἰδότα διότι πλησίον ἐστὶν αὐτῷ τὸ κακῶσ παθεῖν οὕτω προεστηκότι τῆσ τυραννίδοσ. θαυμασθῆναι δ’ αὐτόν φασι παρὰ τοῖσ Ἕλλησι διά τε τὴν ἐπιείκειαν καὶ διὰ τὸ τῷ Πολυκράτει ταχέωσ ἀποβῆναι τὰ ῥηθέντα. ἕκτον δὲ λέγεται τὸν Ξέρξου πατέρα Δαρεῖον τοῖσ νόμοισ ἐπιστῆναι τοῖσ τῶν Αἰγυπτίων·

μισήσαντα γὰρ τὴν παρανομίαν τὴν εἰσ τὰ κατ’ Αἴγυπτον ἱερὰ γενομένην ὑπὸ Καμβύσου τοῦ προβασιλεύσαντοσ ζηλῶσαι βίον ἐπιεικῆ καὶ φιλόθεον. ὁμιλῆσαι μὲν γὰρ αὐτοῖσ τοῖσ ἱερεῦσι τοῖσ ἐν Αἰγύπτῳ καὶ μεταλαβεῖν αὐτὸν τῆσ τε θεολογίασ καὶ τῶν ἐν ταῖσ ἱεραῖσ βίβλοισ ἀναγεγραμμένων πράξεων·

ἐκ δὲ τούτων ἱστορήσαντα τήν τε μεγαλοψυχίαν τῶν ἀρχαίων βασιλέων καὶ τὴν εἰσ τοὺσ ἀρχομένουσ εὔνοιαν μιμήσασθαι τὸν ἐκείνων βίον, καὶ διὰ τοῦτο τηλικαύτησ τυχεῖν τιμῆσ ὥσθ’ ὑπὸ τῶν Αἰγυπτίων ζῶντα μὲν θεὸν προσαγορεύεσθαι μόνον τῶν ἁπάντων βασιλέων, τελευτήσαντα δὲ τιμῶν τυχεῖν ἴσων τοῖσ τὸ παλαιὸν νομιμώτατα βασιλεύσασι κατ’ Αἴγυπτον. τὴν μὲν οὖν κοινὴν νομοθεσίαν συντελεσθῆναί φασιν ὑπὸ τῶν εἰρημένων ἀνδρῶν, καὶ δόξησ τυχεῖν τῆσ διαδεδομένησ παρὰ τοῖσ ἄλλοισ·

ἐν δὲ τοῖσ ὕστερον χρόνοισ πολλὰ τῶν καλῶσ ἔχειν δοκούντων νομίμων φασὶ κινηθῆναι, Μακεδόνων ἐπικρατησάντων καὶ καταλυσάντων εἰσ τέλοσ τὴν βασιλείαν τῶν ἐγχωρίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 95

(디오도로스 시켈로스, Bibliotheca Historica, book 1, chapter 95)

상위

목록

SEARCH

MENU NAVIGATION