헬라어 문장 검색 - Διοδορ́Βιβλιοτ́1́92́

(디오도로스 시켈로스, Bibliotheca Historica, book 1, chapter 91)

οὐχ ἥκιστα δ’ ἄν τισ πυθόμενοσ τὰ περὶ τοὺσ τετελευτηκότασ νόμιμα τῶν Αἰγυπτίων θαυμάσαι τὴν ἰδιότητα τῶν ἐθῶν. ὅταν γάρ τισ ἀποθάνῃ παρ’ αὐτοῖσ, οἱ μὲν συγγενεῖσ καὶ φίλοι πάντεσ καταπλαττόμενοι πηλῷ τὰσ κεφαλὰσ περιέρχονται τὴν πόλιν θρηνοῦντεσ, ἑώσ ἂν ταφῆσ τύχῃ τὸ σῶμα. οὐ μὴν οὔτε λουτρῶν οὔτε οἴνου οὔτε τῆσ ἄλλησ τροφῆσ ἀξιολόγου μεταλαμβάνουσιν, οὔτε ἐσθῆτασ λαμπρὰσ περιβάλλονται. τῶν δὲ ταφῶν τρεῖσ ὑπάρχουσι τάξεισ, ἥ τε πολυτελεστάτη καὶ μέση καὶ ταπεινοτάτη.

κατὰ μὲν οὖν τὴν πρώτην ἀναλίσκεσθαί φασιν ἀργυρίου τάλαντον, κατὰ δὲ τὴν δευτέραν μνᾶσ εἴκοσι, κατὰ δὲ τὴν ἐσχάτην παντελῶσ ὀλίγον τι δαπάνημα γίνεσθαι λέγουσιν. οἱ μὲν οὖν τὰ σώματα θεραπεύοντέσ εἰσι τεχνῖται, τὴν ἐπιστήμην ταύτην ἐκ γένουσ παρειληφότεσ·

οὗτοι δὲ γραφὴν ἑκάστου τῶν εἰσ τὰσ ταφὰσ δαπανωμένων τοῖσ οἰκείοισ τῶν τελευτησάντων προσενέγκαντεσ ἐπερωτῶσι τίνα τρόπον βούλονται τὴν θεραπείαν γενέσθαι τοῦ σώματοσ. διομολογησάμενοι δὲ περὶ πάντων καὶ τὸν νεκρὸν παραλαβόντεσ, τοῖσ τεταγμένοισ ἐπὶ τὴν κατειθισμένην ἐπιμέλειαν τὸ σῶμα παραδιδόασι.

καὶ πρῶτοσ μὲν ὁ γραμματεὺσ λεγόμενοσ τεθέντοσ χαμαὶ τοῦ σώματοσ ἐπὶ τὴν λαγόνα περιγράφει τὴν εὐώνυμον ὅσον δεῖ διατεμεῖν· ἔπειτα δ’ ὁ λεγόμενοσ παρασχίστησ λίθον ἔχων Αἰθιοπικὸν καὶ διατεμὼν ὡσ ὁ νόμοσ κελεύει τὴν σάρκα, παραχρῆμα φεύγει δρόμῳ, διωκόντων τῶν συμπαρόντων καὶ λίθοισ βαλλόντων, ἔτι δὲ καταρωμένων καὶ καθαπερεὶ τὸ μύσοσ εἰσ ἐκεῖνον τρεπόντων· ὑπολαμβάνουσι γὰρ μισητὸν εἶναι πάντα τὸν ὁμοφύλῳ σώματι βίαν προσφέροντα καὶ τραύματα ποιοῦντα καὶ καθόλου τι κακὸν ἀπεργαζόμενον. οἱ ταριχευταὶ δὲ καλούμενοι πάσησ μὲν τιμῆσ καὶ πολυωρίασ ἀξιοῦνται, τοῖσ τε ἱερεῦσι συνόντεσ καὶ τὰσ εἰσ ἱερὸν εἰσόδουσ ἀκωλύτωσ ὡσ καθαροὶ ποιοῦνται·

πρὸσ δὲ τὴν θεραπείαν τοῦ παρεσχισμένου σώματοσ ἀθροισθέντων αὐτῶν εἷσ καθίησι τὴν χεῖρα διὰ τῆσ τοῦ νεκροῦ τομῆσ εἰσ τὸν θώρακα καὶ πάντα ἐξαιρεῖ χωρὶσ νεφρῶν καὶ καρδίασ, ἕτεροσ δὲ καθαίρει τῶν ἐγκοιλίων ἕκαστον κλύζων οἴνῳ φοινικείῳ καὶ θυμιάμασι. καθόλου δὲ πᾶν τὸ σῶμα τὸ μὲν πρῶτον κεδρίᾳ καί τισιν ἄλλοισ ἐπιμελείασ ἀξιοῦσιν ἐφ’ ἡμέρασ πλείουσ τῶν τριάκοντα, ἔπειτα σμύρνῃ καὶ κιναμώμῳ καὶ τοῖσ δυναμένοισ μὴ μόνον πολυχρόνιον τήρησιν, ἀλλὰ καὶ τὴν εὐωδίαν παρέχεσθαι·

θεραπεύσαντεσ δὲ παραδιδόασι τοῖσ συγγενέσι τοῦ τετελευτηκότοσ οὕτωσ ἕκαστον τῶν τοῦ σώματοσ μελῶν ἀκέραιον τετηρημένον ὥστε καὶ τὰσ ἐπὶ τοῖσ βλεφάροισ καὶ ταῖσ ὀφρύσι τρίχασ διαμένειν καὶ τὴν ὅλην πρόσοψιν τοῦ %5σώματοσ ἀπαράλλακτον εἶναι καὶ τὸν τῆσ μορφῆσ τύπον γνωρίζεσθαι· διὸ καὶ πολλοὶ τῶν Αἰγυπτίων ἐν οἰκήμασι πολυτελέσι φυλάττοντεσ τὰ σώματα τῶν προγόνων, κατ’ ὄψιν ὁρῶσι τοὺσ γενεαῖσ πολλαῖσ τῆσ ἑαυτῶν γενέσεωσ προτετελευτηκότασ, ὥστε ἑκάστων τά τε μεγέθη καὶ τὰσ περιοχὰσ τῶν σωμάτων, ἔτι δὲ τοὺσ τῆσ ὄψεωσ χαρακτῆρασ ὁρωμένουσ παράδοξον ψυχαγωγίαν παρέχεσθαι καθάπερ συμβεβιωκότασ τοῖσ θεωμένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 91

(디오도로스 시켈로스, Bibliotheca Historica, book 1, chapter 91)

상위

목록

SEARCH

MENU NAVIGATION