헬라어 문장 검색 - Διοδορ́Βιβλιοτ́1́88́

(디오도로스 시켈로스, Bibliotheca Historica, book 1, chapter 87)

τρίτην δ’ αἰτίαν φέρουσι τῆσ ἀμφισβητήσεωσ τῶν ζῴων τὴν χρείαν, ἣν ἕκαστον αὐτῶν προσφέρεται πρὸσ τὴν ὠφέλειαν τοῦ κοινοῦ βίου καὶ τῶν ἀνθρώπων. τὴν μὲν γὰρ θήλειαν βοῦν ἐργάτασ τίκτειν καὶ τὴν ἐλαφρὰν τῆσ γῆσ ἀροῦν, τὰ δὲ πρόβατα δὶσ μὲν τίκτειν καὶ τοῖσ ἐρίοισ τὴν σκέπην ἅμα καὶ τὴν εὐσχημοσύνην περιποιεῖν, τῷ δὲ γάλακτι καὶ τῷ τυρῷ τροφὰσ παρέχεσθαι προσηνεῖσ ἅμα καὶ δαψιλεῖσ.

τὸν δὲ κύνα πρόσ τε τὰσ θήρασ εἶναι χρήσιμον καὶ πρὸσ τὴν φυλακήν· διόπερ τὸν θεὸν τὸν παρ’ αὐτοῖσ καλούμενον Ἄνουβιν παρεισάγουσι κυνὸσ ἔχοντα κεφαλήν, ἐμφαίνοντεσ ὅτι σωματοφύλαξ ἦν τῶν περὶ τὸν Ὄσιριν καὶ τὴν Ἶσιν. ἔνιοι δέ φασι τῆσ Ἴσιδοσ προηγουμένουσ τοὺσ κύνασ καθ’ ὃν καιρὸν ἐζήτει τὸν Ὄσιριν, τά τε θηρία καὶ τοὺσ ἀπαντῶντασ ἀπείργειν, ἔτι δ’ εὐνοϊκῶσ διακειμένουσ συζητεῖν ὠρυομένουσ·

διὸ καὶ τοῖσ Ἰσείοισ προπορεύεσθαι τοὺσ κύνασ κατὰ τὴν πομπήν, τῶν καταδειξάντων τοῦτο τὸ νόμιμον σημαινόντων τὴν παλαιὰν τοῦ ζῴου χάριν. καὶ τὸν μὲν αἴλουρον πρόσ τε τὰσ ἀσπίδασ θανάσιμα δακνούσασ εὔθετον ὑπάρχειν καὶ τἄλλα δάκετα τῶν ἑρπετῶν, τὸν δ’ ἰχνεύμονα τῶν κροκοδείλων παρατηροῦντα τοὺσ γόνουσ τὰ καταληφθέντα τῶν ᾠῶν συντρίβειν, καὶ ταῦτ’ ἐπιμελῶσ καὶ φιλοτίμωσ ἐνεργεῖν μηδὲν ὠφελούμενον.

τοῦτο δ’ εἰ μὴ συνέβαινε γίνεσθαι, διὰ τὸ πλῆθοσ τῶν γεννωμένων θηρίων ἄβατον ἂν γενέσθαι τὸν ποταμόν.

ἀπόλλυσθαι δὲ καὶ τοὺσ κροκοδείλουσ αὐτοὺσ ὑπὸ τοῦ προειρημένου ζῴου παραδόξωσ καὶ παντελῶσ ἀπιστουμένῃ μεθόδῳ· τοὺσ γὰρ ἰχνεύμονασ κυλιομένουσ ἐν τῷ πηλῷ χασκόντων αὐτῶν καθ’ ὃν ἂν χρόνον ἐπὶ τῆσ χέρσου καθεύδωσιν εἰσπηδᾶν διὰ τοῦ στόματοσ εἰσ μέσον τὸ σῶμα· ἔπειτα συντόμωσ τὴν κοιλίαν διαφαγόντασ αὐτοὺσ μὲν ἀκινδύνωσ ἐξιέναι, τοὺσ δὲ τοῦτο παθόντασ νεκροὺσ ποιεῖν παραχρῆμα. τῶν δ’ ὀρνέων τὴν μὲν ἶβιν χρησίμην ὑπάρχειν πρόσ τε τοὺσ ὄφεισ καὶ τὰσ ἀκρίδασ καὶ τὰσ κάμπασ, τὸν δ’ ἱέρακα πρὸσ τοὺσ σκορπίουσ καὶ κεράστασ καὶ τὰ μικρὰ τῶν δακέτων θηρίων τὰ μάλιστα τοὺσ ἀνθρώπουσ ἀναιροῦντα.

ἔνιοι δὲ λέγουσι τιμᾶσθαι τὸ ζῷον τοῦτο διὰ τὸ τοὺσ μάντεισ οἰωνοῖσ τοῖσ ἱέραξι χρωμένουσ προλέγειν τὰ μέλλοντα τοῖσ Αἰγυπτίοισ.

τινὲσ δέ φασιν ἐν τοῖσ ἀρχαίοισ χρόνοισ ἱέρακα βιβλίον ἐνεγκεῖν εἰσ Θήβασ τοῖσ ἱερεῦσι φοινικῷ ῥάμματι περιειλημένον, ἔχον γεγραμμένασ τὰσ τῶν θεῶν θεραπείασ τε καὶ τιμάσ·

διὸ καὶ τοὺσ ἱερογραμματεῖσ φορεῖν φοινικοῦν ῥάμμα καὶ πτερὸν ἱέρακοσ ἐπὶ τῆσ κεφαλῆσ. τὸν δ’ ἀετὸν Θηβαῖοι τιμῶσι διὰ τὸ βασιλικὸν εἶναι δοκεῖν τοῦτο τὸ ζῷον καὶ τοῦ Διὸσ ἄξιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 87

(디오도로스 시켈로스, Bibliotheca Historica, book 1, chapter 87)

상위

목록

SEARCH

MENU NAVIGATION