헬라어 문장 검색 - Διοδορ́Βιβλιοτ́1́85́

(디오도로스 시켈로스, Bibliotheca Historica, book 1, chapter 84)

ἀπίστων δὲ φαινομένων πολλοῖσ τῶν εἰρημένων καὶ μύθοισ παραπλησίων πολλῷ παραδοξότερα φανήσεται τὰ μετὰ ταῦτα ῥηθησόμενα. λιμῷ γάρ ποτε πιεζομένων τῶν κατ’ Αἴγυπτόν φασι πολλοὺσ ἀλλήλων μὲν ἅψασθαι διὰ τὴν ἔνδειαν, τῶν δ’ ἀφιερωμένων ζῴων τὸ παράπαν μηδ’ αἰτίαν σχεῖν μηδένα προσενηνέχθαι. ἀλλὰ μήν γε καὶ καθ’ ἣν ἂν οἰκίαν εὑρεθῇ κύων τετελευτηκώσ, ξυρῶνται πάντεσ οἱ κατ’ οἶκον ὄντεσ ὅλον τὸ σῶμα καὶ ποιοῦνται πένθοσ, καὶ τὸ τούτου θαυμασιώτερον, ἐὰν οἶνοσ ἢ σῖτοσ ἤ τι τῶν πρὸσ τὸν βίον ἀναγκαίων τυγχάνῃ κείμενον ἐν τοῖσ οἰκήμασιν οὗ τὸ ζῆν ἐξέλιπέ τι τῶν θηρίων, οὐκ ἂν ἔτι χρήσασθαι πρὸσ οὐδὲν αὐτοῖσ ὑπομείνειαν.

κἂν ἐν ἄλλῃ χώρᾳ που στρατευόμενοι τύχωσι, λυτρούμενοι τοὺσ αἰλούρουσ καὶ τοὺσ ἱέρακασ κατάγουσιν εἰσ Αἴγυπτον·

καὶ τοῦτο πράττουσιν ἐνίοτε τῶν ἐφοδίων αὐτοὺσ ὑπολιπόντων. τὰ δὲ γινόμενα περὶ τὸν Ἆπιν τὸν ἐν Μέμφει καὶ τὸν Μνεῦιν τὸν ἐν Ἡλιουπόλει καὶ τὰ περὶ τὸν τράγον τὸν ἐν Μένδητι, πρὸσ δὲ τούτοισ τὸν κροκόδειλον τὸν κατὰ τὴν Μοίριδοσ λίμνην καὶ τὸν λέοντα τὸν τρεφόμενον ἐν τῇ καλουμένῃ Λεόντων πόλει, καὶ πολλὰ τοιαῦθ’ ἕτερα, διηγήσασθαι μὲν εὐχερέσ, ἀπαγγείλαντα δὲ πιστευθῆναι παρὰ τοῖσ μὴ τεθεαμένοισ δύσκολον.

ταῦτα γὰρ ἐν ἱεροῖσ μὲν περιβόλοισ τρέφεται, θεραπεύουσι δ’ αὐτὰ πολλοὶ τῶν ἀξιολόγων ἀνδρῶν τροφὰσ διδόντεσ τὰσ πολυτελεστάτασ·

σεμίδαλιν γὰρ ἢ χόνδρον ἕψοντεσ ἐν γάλακτι καὶ πέμματα παντοδαπὰ μέλιτι φυρῶντεσ, καὶ κρέα χήνεια τὰ μὲν ἕψοντεσ, τὰ δ’ ὀπτῶντεσ ἀνεκλείπτωσ χορηγοῦσι, τοῖσ δ’ ὠμοφάγοισ πολλὰ τῶν ὀρνέων θηρεύοντεσ παραβάλλουσι, καὶ τὸ καθόλου μεγάλην εἰσφέρονται σπουδὴν εἰσ τὴν πολυτέλειαν τῆσ τροφῆσ. λουτροῖσ τε χλιαροῖσ χρώμενοι καὶ μύροισ τοῖσ κρατίστοισ ἀλείφοντεσ καὶ παντοδαπὰσ εὐωδίασ θυμιῶντεσ οὐ διαλείπουσι, στρωμνάσ τε τὰσ πολυτελεστάτασ καὶ κόσμον εὐπρεπῆ χορηγοῦσι, καὶ τῶν συνουσιῶν ὅπωσ τυγχάνῃ κατὰ φύσιν φροντίδα ποιοῦνται τὴν μεγίστην, πρὸσ δὲ τούτοισ ὁμοφύλουσ θηλείασ ἑκάστῳ τῶν ζῴων τὰσ εὐειδεστάτασ συντρέφουσιν, ἃσ παλλακίδασ προσαγορεύουσι καὶ θεραπεύουσι ταῖσ μεγίσταισ δαπάναισ καὶ λειτουργίαισ.

πενθοῦσι μὲν ἴσα τοῖσ ἀγαπητῶν τέκνων στερομένοισ, θάπτουσι δὲ οὐ κατὰ τὴν ἑαυτῶν δύναμιν, ἀλλὰ πολὺ τὴν ἀξίαν τῆσ ἑαυτῶν οὐσίασ ὑπερβάλλοντεσ.

μετὰ γὰρ τὴν Ἀλεξάνδρου τελευτήν, Πτολεμαίου τοῦ Λάγου παρειληφότοσ ἄρτι τὴν Αἴγυπτον, ἔτυχεν ἐν Μέμφει τελευτήσασ ὁ Ἆπισ γήρᾳ·

ὁ δὲ τὴν ἐπιμέλειαν ἔχων αὐτοῦ τήν τε ἡτοιμασμένην χορηγίαν, οὖσαν πάνυ πολλήν, εἰσ ταφὴν ἅπασαν ἐδαπάνησε καὶ παρὰ τοῦ Πτολεμαίου πεντήκοντα ἀργυρίου τάλαντα προσεδανείσατο. καὶ καθ’ ἡμᾶσ δὲ τινεσ τῶν τὰ ζῷα ταῦτα τρεφόντων εἰσ τὰσ ταφὰσ αὐτῶν οὐκ ἔλαττον τῶν ἑκατὸν ταλάντων δεδαπανήκασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 84

(디오도로스 시켈로스, Bibliotheca Historica, book 1, chapter 84)

상위

목록

SEARCH

MENU NAVIGATION