헬라어 문장 검색 - Διοδορ́Βιβλιοτ́1́82́

(디오도로스 시켈로스, Bibliotheca Historica, book 1, chapter 81)

παιδεύουσι δὲ τοὺσ υἱοὺσ οἱ μὲν ἱερεῖσ γράμματα διττά, τά τε ἱερὰ καλούμενα καὶ τὰ κοινοτέραν ἔχοντα τὴν μάθησιν. γεωμετρίαν δὲ καὶ τὴν ἀριθμητικὴν ἐπὶ πλέον ἐκπονοῦσιν. ὁ μὲν γὰρ ποταμὸσ κατ’ ἐνιαυτὸν ποικίλωσ μετασχηματίζων τὴν χώραν πολλὰσ καὶ παντοίασ ἀμφισβητήσεισ ποιεῖ περὶ τῶν ὁρ́ων τοῖσ γειτνιῶσι, ταύτασ δ’ οὐ ῥᾴδιον ἀκριβῶσ ἐξελέγξαι μὴ γεωμέτρου τὴν ἀλήθειαν ἐκ τῆσ ἐμπειρίασ μεθοδεύσαντοσ.

ἡ δ’ ἀριθμητικὴ πρόσ τε τὰσ κατὰ τὸν βίον οἰκονομίασ αὐτοῖσ χρησιμεύει καὶ πρὸσ τὰ γεωμετρίασ θεωρήματα, πρὸσ δὲ τούτοισ οὐκ ὀλίγα συμβάλλεται καὶ τοῖσ τὰ περὶ τὴν ἀστρολογίαν ἐκπονοῦσιν.

ἐπιμελοῦσ γὰρ, εἰ καὶ παρά τισιν ἄλλοισ, καὶ παρ’ Αἰγυπτίοισ παρατηρήσεωσ τυγχάνουσιν αἱ τῶν ἄστρων τάξεισ τε καὶ κινήσεισ·

καὶ τὰσ μὲν περὶ ἑκάστων ἀναγραφὰσ ἐξ ἐτῶν ἀπίστων τῷ πλήθει φυλάττουσιν, ἐκ παλαιῶν χρόνων ἐζηλωμένησ παρ’ αὐτοῖσ τῆσ περὶ ταῦτα σπουδῆσ, τὰσ δὲ τῶν πλανήτων ἀστέρων κινήσεισ καὶ περιόδουσ καὶ στηριγμούσ, ἔτι δὲ τὰσ ἑκάστου δυνάμεισ πρὸσ τὰσ τῶν ζῴων γενέσεισ, τίνων εἰσὶν ἀγαθῶν ἢ κακῶν ἀπεργαστικαί, φιλοτιμότατα παρατετηρήκασι. καὶ πολλάκισ μὲν τοῖσ ἀνθρώποισ τῶν αὐτοῖσ μελλόντων ἀπαντήσεσθαι κατὰ τὸν βίον προλέγοντεσ ἐπιτυγχάνουσιν, οὐκ ὀλιγάκισ δὲ καρπῶν φθορὰσ ἢ τοὐναντίον πολυκαρπίασ, ἔτι δὲ νόσουσ κοινὰσ ἀνθρώποισ ἢ βοσκήμασιν ἐσομένασ προσημαίνουσι, σεισμούσ τε καὶ κατακλυσμοὺσ καὶ κομητῶν ἀστέρων ἐπιτολὰσ καὶ πάντα τὰ τοῖσ πολλοῖσ ἀδύνατον ἔχειν δοκοῦντα τὴν ἐπίγνωσιν, ἐκ πολλοῦ χρόνου παρατηρήσεωσ γεγενημένησ, προγινώσκουσι.

φασὶ δὲ καὶ τοὺσ ἐν Βαβυλῶνι Χαλδαίουσ, ἀποίκουσ Αἰγυπτίων ὄντασ, τὴν δόξαν ἔχειν τὴν περὶ τῆσ ἀστρολογίασ παρὰ τῶν ἱερέων μαθόντασ τῶν Αἰγυπτίων.

τὸ δ’ ἄλλο πλῆθοσ τῶν Αἰγυπτίων ἐκ παίδων μανθάνει παρὰ τῶν πατέρων ἢ συγγενῶν τὰσ περὶ ἕκαστον βίον ἐπιτηδεύσεισ, καθάπερ προειρήκαμεν.

γράμματα δ’ ἐπ’ ὀλίγον διδάσκουσιν οὐχ ἅπαντεσ, ἀλλ’ οἱ τὰσ τέχνασ μεταχειριζόμενοι μάλιστα. παλαίστραν δὲ καὶ μουσικὴν οὐ νόμιμόν ἐστι παρ’ αὐτοῖσ μανθάνειν· ὑπολαμβάνουσι γὰρ ἐκ μὲν τῶν καθ’ ἡμέραν ἐν τῇ παλαίστρᾳ γυμνασίων τοὺσ νέουσ οὐχ ὑγίειαν ἕξειν, ἀλλὰ ῥώμην ὀλιγοχρόνιον καὶ παντελῶσ ἐπικίνδυνον, τὴν δὲ μουσικὴν νομίζουσιν οὐ μόνον ἄχρηστον ὑπάρχειν, ἀλλὰ καὶ βλαβεράν, ὡσ ἐκθηλύνουσαν τὰσ τῶν ἀκουόντων ψυχάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 81

(디오도로스 시켈로스, Bibliotheca Historica, book 1, chapter 81)

상위

목록

SEARCH

MENU NAVIGATION