헬라어 문장 검색 - Διοδορ́Βιβλιοτ́1́78́

(디오도로스 시켈로스, Bibliotheca Historica, book 1, chapter 77)

ἐπεὶ δὲ τῆσ νομοθεσίασ ἐμνήσθημεν, οὐκ ἀνοίκειον εἶναι τῆσ ὑποκειμένησ ἱστορίασ νομίζομεν ἐκθέσθαι τῶν νόμων ὅσοι παρὰ τοῖσ Αἰγυπτίοισ παλαιότητι διήνεγκαν ἢ παρηλλαγμένην τάξιν ἔσχον ἢ τὸ σύνολον ὠφέλειαν τοῖσ φιλαναγνωστοῦσι δύνανται παρασχέσθαι. πρῶτον μὲν οὖν κατὰ τῶν ἐπιόρκων θάνατοσ ἦν παρ’ αὐτοῖσ τὸ πρόστιμον, ὡσ δύο τὰ μέγιστα ποιούντων ἀνομήματα, θεούσ τε ἀσεβούντων καὶ τὴν μεγίστην τῶν παρ’ ἀνθρώποισ πίστιν ἀνατρεπόντων.

ἔπειτα εἴ τισ ἐν ὁδῷ κατὰ τὴν χώραν ἰδὼν φονευόμενον ἄνθρωπον ἢ τὸ καθόλου βίαιόν τι πάσχοντα μὴ ῥύσαιτο δυνατὸσ ὤν, θανάτῳ περιπεσεῖν ὤφειλεν·

εἰ δὲ πρὸσ ἀλήθειαν διὰ τὸ ἀδύνατον μὴ κατισχύσαι βοηθῆσαι, μηνῦσαί γε πάντωσ ὤφειλε τοὺσ λῃστὰσ καὶ ἐπεξιέναι τὴν παρανομίαν· τὸν δὲ ταῦτα μὴ πράξαντα κατὰ τὸν νόμον ἔδει μαστιγοῦσθαι τεταγμένασ πληγὰσ καὶ πάσησ εἴργεσθαι τροφῆσ ἐπὶ τρεῖσ ἡμέρασ. οἱ δὲ ψευδῶσ τινων κατηγορήσαντεσ ὤφειλον τοῦτο παθεῖν ὃ τοῖσ συκοφαντηθεῖσιν ἐτέτακτο πρόστιμον, εἴπερ ἔτυχον καταδικασθέντεσ.

προσετέτακτο δὲ καὶ πᾶσι τοῖσ Αἰγυπτίοισ ἀπογράφεσθαι πρὸσ τοὺσ ἄρχοντασ ἀπὸ τίνων ἕκαστοσ πορίζεται τὸν βίον, καὶ τὸν ἐν τούτοισ ψευσάμενον ἢ πόρον ἄδικον ἐπιτελοῦντα θανάτῳ περιπίπτειν ἦν ἀναγκαῖον.

λέγεται δὲ τοῦτον τὸν νόμον ὑπὸ Σόλωνοσ παραβαλόντοσ εἰσ Αἴγυπτον εἰσ τὰσ Ἀθήνασ μετενεχθῆναι. εἰ δέ τισ ἑκουσίωσ ἀποκτείναι τὸν ἐλεύθερον ἢ τὸν δοῦλον, ἀποθνήσκειν τοῦτον οἱ νόμοι προσέταττον, ἅμα μὲν βουλόμενοι μὴ ταῖσ διαφοραῖσ τῆσ τύχησ, ἀλλὰ ταῖσ τῶν πράξεων ἐπιβολαῖσ εἴργεσθαι πάντασ ἀπὸ τῶν φαύλων, ἅμα δὲ διὰ τῆσ τῶν δούλων φροντίδοσ ἐθίζοντεσ τοὺσ ἀνθρώπουσ πολὺ μᾶλλον εἰσ τοὺσ ἐλευθέρουσ μηδὲν ὅλωσ ἐξαμαρτάνειν.

καὶ κατὰ μὲν τῶν γονέων τῶν ἀποκτεινάντων τὰ τέκνα θάνατον μὲν οὐχ ὡρ́ισαν, ἡμέρασ δὲ τρεῖσ καὶ νύκτασ ἴσασ συνεχῶσ ἦν ἀναγκαῖον περιειληφότασ τὸν νεκρὸν ὑπομένειν φυλακῆσ παρεδρευούσησ δημοσίασ·

οὐ γὰρ δίκαιον ὑπελήφθη τὸ τοῦ βίου στερίσκειν τοὺσ τὸν βίον τοῖσ παισὶ δεδωκότασ, νουθετήσει δὲ μᾶλλον λύπην ἐχούσῃ καὶ μεταμέλειαν ἀποτρέπειν τῶν τοιούτων ἐγχειρημάτων· κατὰ δὲ τῶν τέκνων τῶν γονεῖσ φονευσάντων τιμωρίαν ἐξηλλαγμένην ἔθηκαν·

ἔδει γὰρ τοὺσ καταδικασθέντασ ἐπὶ τούτοισ καλάμοισ ὀξέσι δακτυλιαῖα μέρη τοῦ σώματοσ κατατμηθέντασ ἐπ’ ἀκάνθαισ κατακάεσθαι ζῶντασ· μέγιστον τῶν ἐν ἀνθρώποισ ἀδικημάτων κρίνοντεσ τὸ βιαίωσ τὸ ζῆν ἀφαιρεῖσθαι τῶν τὴν ζωὴν αὐτοῖσ δεδωκότων. τῶν δὲ γυναικῶν τῶν καταδικασθεισῶν θανάτῳ τὰσ ἐγκύουσ μὴ θανατοῦσθαι πρὶν ἂν τέκωσι.

καὶ τοῦτο τὸ νόμιμον πολλοὶ καὶ τῶν Ἑλλήνων κατέδειξαν, ἡγούμενοι παντελῶσ ἄδικον εἶναι τὸ μηδὲν ἀδικῆσαν τῷ ἀδικήσαντι τῆσ αὐτῆσ μετέχειν τιμωρίασ, καὶ παρανομήματοσ ἑνὸσ γενομένου παρὰ δυοῖν λαμβάνειν τὸ πρόστιμον, πρὸσ δὲ τούτοισ κατὰ προαίρεσιν πονηρὰν συντελεσθέντοσ τοῦ ἀδικήματοσ τὸ μηδεμίαν πω σύνεσιν ἔχον ὑπὸ τὴν ὁμοίαν ἄγειν κόλασιν, τὸ δὲ πάντων μέγιστον, ὅτι ταῖσ κυούσαισ ἰδίᾳ τῆσ αἰτίασ ἐπενηνεγμένησ οὐδαμῶσ προσήκει τὸ κοινὸν πατρὸσ καὶ μητρὸσ τέκνον ἀναιρεῖσθαι· ἐπ’ ἴσησ γὰρ ἄν τισ φαύλουσ διαλάβοι κριτὰσ τούσ τε τὸν ἔνοχον τῷ φόνῳ σώζοντασ καὶ τοὺσ τὸ μηδὲν ὅλωσ ἀδικῆσαν συναναιροῦντασ.

τῶν μὲν οὖν φονικῶν νόμων οἱ μάλιστα δοκοῦντεσ ἐπιτετεῦχθαι τοιοῦτοί τινεσ ἦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 1, chapter 77

(디오도로스 시켈로스, Bibliotheca Historica, book 1, chapter 77)

상위

목록

SEARCH

MENU NAVIGATION